Zaqatala rayonunun Suvagil kənd sakini 21 yaşlı Nuru Mülkümzadə fİziki məhdudiyyətlərinə baxmayaraq, sevgi, həyat dolu bir gəncdir.Ən böyük arzusu ali təhsil almaq olan Nurunun oymaçılıq sahəsindəki əl işləri görən hər kəsi heyran edir. 14 yaşından oymaçılığın şəbəkə,oyma,yandırma və qrabyura uslubundan istifadə edən gəncin bir müddət öncə Zaqatala Ailə və uşaqlara dəstək mərkəzində sərgisi də təşkil edilib. Mərkəzdə xüsusi qayğıya ehtiyacı olan uşaq və yeniyetmələr, eləcə də aztəminatlı ailələrin övlaları üçün loqoped, psixoloji dəstək,ünsiyyət terapiyası,İnkişaf etdirici məşğələ,aktiv terapiya xidmətləri,kompüter,dil,əl işi və toxuculuq kursları fəaliyyət göstərir.Bununla belə,xüsusi qayğıya ehtiyacı olan uşaq və yeniyetmənin cəmiyyətə inteqrasiyasında ailə amili önəmli rol oynayır. Mütəxəssislər daun sindromlu uşaqlara sevgi ilə yanaşmanın, onlara sevgi bəxş edərək həyatda tutmağın vacibliyinə diqqət çəkir. Bu uşaq və yeniyetmələrə sevgi və qayğı ilə yanaşmaq, onları cəmiyyətə qazandırmaq hər kəsin borcudur.

Şəkidə millət vəkilləri və vəkillər kollegiyası birgə vətəndaşların qəbulunu həyata keçirib. Qəbulda Milli Məclisin deputatları Cavanşir Feyziyev, Əli Məsimli və Vüqar İskəndərovun köməkçisi, Vəkillər kollegiyasının vəkilləri və Şəki şəhər icra hakimiyyətinin nümayəndələri vətədaşların müraciətlərini dinləyiblər. Vətəndaşlara hüquqi məsələlərdə üzləşdikləri problemlərlə bağlı məsləhətlər verilib. Hüquqla bağlı olmayan müraciətlər aidiyyatı qurumlara yönləndirilib. Millət vəkillərinin təşəbbüsü ilə keçirilən qəbula maraq yüksək olub. Millət vəkilləri bu cür qəbulların daha efektiv və tez bir zamanda problemlərin həllinə kömək etdiyini bildiriblər. Həmçinin vətəndaşların hüquqi biliklərinin az olması bu cür qəbullarda vəkillərin iştirakının əhəmiyyətini göstərib.  

Yolumuz İsmayıllının şəhər mərkəzindən xeyli aralıda yerləşən, ucqar dağ kəndi Yuxarı Zərnavayadı.Bu kəndə yetişmək üçün Muğanlı-İsmayıllı yolundan ayrılıb Lahıc istiqamətində asfalt yolnan hərəkət edirik. Bir qədər sonra rahat yol daşlı-kəsəkli torpaq yolla əvəzlənir.  Zərnava kəndinə gedən piyada yolu İsmayıllıda məşhur olan asma körpüdən keçir. İlin bütün fəsillərində yerli və xarici turistlərin diqqətini cəlb edən,iki dağın arasında, Girdiman çayının üzərində, uzunluğu 74 metr olan bu körpüyə turistlər adrenalin körpüsü, Zərnava sakinləri isə həyat körpüsü kimi baxırlar. Asma körpünün əsas mahiyyəti yuxarı Zərnava kənd sakinlərinin çay üzərindən keçməklə avtomobil yoluna çıxışını təmin etməkdir. Girdiman çayından maşınlar keçə bilməyəndə asma körpüyə üz tutan piyadalar təxminən 6-7 kilometr yol qət etməlidilər ki, mənzil başına çatsınlar. Kəndə gedən yol o qədər enişli-yoxuşludur ki, buranı ancaq "Niva" və "UAZ" markalı avtomobillə getmək mümkündü.  Bu avtomobillər də günün hər saatında kənddən çıxmırlar. Çıxırlarsa da bu, sürücülərə baha başa gəlir. Sinxron-titr sürücü Zamiq Ağayev Bu girdiman çayı gediş gəlişdə maşınları sıradan çıxardır.Maşın suya girdi sonra çıxırıq trasa sürə bilmirik maşını.O qədər su gedir tərkibinə. Sakinlərin bələdçiliyi ilə nağıllarda olduğu kimi dərədən,təpədən keçərək dağlar qoynunda yerləşən kəndə çatırıq. Əhalisi əsasən tatlardan ibarət olan, füsunkar təbiətə məxsus bu kəndin turizm potensialı əlverişli olsa da qonaqları çox az olur. Ara-sıra bura kəndin keçilməz yollarını adlaya bilən turistlər gəlirlər. Sakinlər yoldan başqa kəndin digər problemlərinə də diqqət çəkir. Kəndin tarixində təbii qazı, telefon xəttləri olmayıb. Burada internet bir yana, mobil telefonun dalğası belə zorla tutur. Kənd ərazisində bir tək klub olub ki, o da tarixə qovuşub. Klub binası hər an aşmaq təhlükəsilə üz-üzədir. Evlərin isidilməsi üçün isə sakinlər quru oduncağa möhtacdılar. Bu səbəbdən bütün həyətlərdə balta ilə odun doğrayan kənd sakini görmək mümkündür. İsmayıllı rayon icra hakimiyyətinin yerli nümayəndəsi kəndin bir sıra problemlərinin müvafiq qurumlar qarşısında qaldırdıqlarını desə də konkret işlərə nə vaxt başlanılacağının sual altında olduğunu bildirdi. 100 dən çox evi 1000-ə yaxın əhalisi olan Zərnava kənd sakinləri problemlərin tezliklə həll olunacağı ümidi ilə yaşayır.

Qırx dörd günlük Vətən müharibəsində qanından, canından keçərək şəhidlik zirvəsinə ucalan Qax rayonunun igid oğullarından biri də Turaclı kəndindən olan Ramil Abbasovdur. Şəhidin doğum günü ilə əlaqədar Rayon İcra Hakimiyyətinin nümayəndələri, şəhidin təhsil aldığı məktəbin kollektivi, ailə üzvləri və kənd sakinləri onun məzarını ziyarət edib, xatirəsinə ehtiramlarını ifadə ediblər. Sonra Turaclı kəndində şəhid Ramil Abbasovun xatirəsinə inşa edilmiş abidənin açılışı olub. Tədbirdə çıxış edənlər  44 günlük Vətən müharibəsində qazanılan şanlı Qələbədən, şəhid Ramil Abbasovun şərəfli döyüş yolundan danışıb, şəhidlərin əziz xatirəsinin heç zaman unudulmayacağını vurğulayıblar.  Azərbaycan Ordusunun çavuşu olan Ramil Vətən müharibəsi zamanı Suqovuşan uğrunda gedən döyüşlərdə şəhid olub. Azərbaycanın ərazi bütövlüyünün təmin edilməsi uğrunda döyüşlərdə göstərdiyi igidliyə görə ölümündən sonra “Vətən uğrunda”, “İgidliyə görə”, “Suqovuşanın azad olunmasına görə” və “Kəlbəcərin azad olunmasına görə” medalları ilə təltif edilib. 3 övladı bizlərə əmənat qalan şəhidin, üzünü görmədiyi 3 cü övladı şəhidin adını daşıyır.