Şəkidə Milli Teatr günü ilə bağlı açıq qapı günü keçirilib. Azərbaycan teatrının inkişafında xüsusi yerə sahib olan Şəki Dram Teatrı bu gün də öz adət-ənənəsinə sadiq şəkildə fəaliyyətini davam etdirir.

Şəki Dövlət Dram Teatrının da Аzərbаycаn tеаtrının təşəkkül tаpmаsındа və inkişаfında öz yеri vаr. 143 yaşını qeyd edən Şəki teatrı bu illər ərzində öz sözünü deməyi bacarıb. Teatr günü münasibəti ilə Şəki Dövlət Dram teatrında Açıq qapı günü keçirilib. Dəli Domrul tamaşası ilə teatrsevərlər milli teatr gününü qeyd edib. Şəki Dövlət Dram teatrı artıq gənc rejisorlar, aktyorlar da yetişdirir. Teatrın inkişafı istiqamətində çox saylı işlər görülür,  yeni layihələr həyata keçirilir. Onu da qeyd edək ki, Şəki Dövlət Dram teatrının truppası ilin ikinci yarısından yenidən qastrol səfərlərində və Teatr festivallarında iştirak edəcək . İndi isə aktyor heyəti Novruz bayramı ilə bağlı tamaşaya hazırlaşır.   Martın 19-da başlayacaq tamaşalar 9 gün boyunca kiçik teatr sevərləri sevindirəcək. 

 Turizm şəhərlərində hava limanının olması regionların bu sahədə inkişafına da müəyyən mənada təsirini göstərir. Bu baxımdan, artıq bir neçə il idi ki, Şəki Hava limanının bərpa edilərək işə salınması məsələsi gündəmdə idi. Hazırda ancaq vertolyotları qəbul etmək gücündə olan  bu aeropertun yenidən fəaliyyətə başlayıb-başlamayacağı hökümətin hesabatında öz əksini tapıb.

Nazirlər Kabinetinin 2021-ci il üçün hesabatında qeyd edilib ki, Şəki rayonuna yaxın yerləşən Qəbələ və Zaqatala rayonlarında beynəlxalq statusa malik hava limanları dövlət əsaslı vəsait xərclərindən ayrılmış vəsait hesabına inşa edilərək istismara verilib. İlkin araşdırmalara əsasən, sərnişin və yük təyyarələri üçün hava əlaqələrinin bərpa edilməsi məqsədilə Şəki Hava limanının uçuş-enmə zolağının ölçülərinin artırılması üçün tikinti quraşdırma işlərinin yerinə yetirilməsi tələb olunur. Lakin Şəki hava limanının yenidən qurulması və istismara verilməsi, bu regionda artıq dörd mülki hava limanı - Gəncə, Qəbələ, Zaqatala və Yevlax hava limanları fəaliyyət göstərdiyindən Hava Hərəkəti İdarəsi dispetçerlərinin iş yükünün artmasına səbəb ola və uçuşların təhlükəsizliyinin təmin edilməsində əlavə çətinliklər yarada bilər. Qeyd olunanlar nəzərə alınaraq bu hava limanının yenidən qurulması iqtisadi baxımdan məqsədəuyğun hesab edilməyib.

Oğuzda baş verən yol qəzasında ər-arvad xəsarət alıb. Hadisə Qaraməryəm-İsmayıllı-Şəki avtomobil yolunun 105-ci kilometrliyində, Oğuz rayonunun Kərimli kəndi ərazisindən keçən hissəsində baş verib. 41 yaşlı Oğuz rayonu Padar kənd sakini Ceyhun Süleymanov   idarə etdiyi VAZ 2115 markalı avtomobillə, 38 yaşlı Kərimli kənd sakini Samir Mustafayevin idarə etdiyi VAZ-2112 markalı avtomobil toqquşub. Qəza zamanı Ceyhun Süleymanov və həyat yoldaşı 35 yaşlı Zülfiyyə Süleymanova müxtəlif dərəcəli bədən xəsarətləri alıblar. Yaralılar Oğuz Rayon Mərkəzi Xəstəxanasında ilkin müayinə edildikdən sonra Şəki RMX-a göndəriliblər. Faktla bağlı araşdırma aparılır.

Bizdə bayram münasibətilə mağazalara baş çəkdik, gəlin görək, bəylər sevdiyi xanımlarına necə hədiyyələr almağa üstünlük verirlər, xüsusi tələbat nələrədir? Bəylər ailəsində, ətrafında olan xanımları sevindirmək üçün hədiyyə axtarırdılar. Ən çox tələbat isə həmişə olduğu kimi güllərə idi. Satıcılar güllərin qiymətinin sabit qaldığını, alıcı itirməmək üçün dəyişiklik etmədiklərini deyirlər. Alıcılar da qiymətlərin normal olduğunu bildirirlər. Buketlərin qiyməti isə daha çox güllərin növünə və sayına görə dəyişir. Bəli, görünən odur ki, mağazalarda hər cibə uyğun buketlər və hədiyyələr var. Ən əsası, hədiyyənin qiyməti yox, hədiyyələrin ən dəyərlisi olan diqqətdir.

İlaxır çərşənbələrdən 3-cüsü - Yel çərşənbəsidir. Yel çərşənbəsi günündə əsən isti küləklər yazın gəlişindən xəbər verir. Təmiz sudan keçib pak olanlar, arzusunu suya danışanlar, Tanrıdan əkininə bol su diləyənlər, sonra isə oddan atlanıb, “ağırrığını-uğurruğunu” oda tökənlər, səpdiklərinə can verən istini, Günəş işığının bolluğunu arzulayanlar ücüncü dəfə Yel babaya üz tutur, ən gözəl dualarla onu qarşılayırlar. Etiqadlara görə, bu çərşənbədə oyanan yel və külək dünyanı dolaşır, oyanmış suyu, odu hərəkətə gətirir, hər şeyə yeni nəfəs verir. Ona görə bu çərşənbəyə xalq arasında "yelli-küləkli" çərşənbə deyirlər. Yel çərşənbəsində əsən isti, soyuq küləklər yazın ilıq nəfəsini, hənirtisini, təravətini gətirir. Gün ərzində bir neçə dəfə dəyişən külək yelin özünün təzələnməsi kimi də qəbul edilir. Yel çərşənbəsi günü də hər həyətdə, hər məhəllədə tonqallar qalanır, tonqal başına toplaşanlar növbə ilə 3 dəfə onun üstündən atlanırlar. Evlərdə plov dəmlənir, süfrəyə daha çox quru meyvə və dənli bitkilərdən hazırlanan çərəzlər düzülür. Həmin gün bir qarış böyümüş səməninin ortasına qırmızı lent bağlanır. Yel çərşənbəsində həm də son çərşənbəyə və Novruza hazırlıq görülür, ev-eşik, həyət-baca təmizlənir, şirniyyatar bişirilir. Qeyd edək ki, martın 15-də axırıncı - Torpaq çərşənbəsi qeyd olunacaq. Yaz fəsli isə Azərbaycana martın 20-si saat 19:33-də daxil olacaq. Novruzun müjdəçi olan Yel çərşənbəniz mübarək!