“Öyrən, Əylən, Peşəni seç” devizi ilə keçirilən festivalda iştirakçılara peşələr üzrə inkişaf yolunu tapmaqda dəstək olunacaq. Onlar gələcəkdə əmək bazarının necə formalaşacağı və peşələr üzrə hansı bacarıqların tələb olunacağını öyrənmiş olacaq. Layihə çərcivəsində aşpaz, dərzi, bərbər-vizajist, frontend developer, qrafik dizayner, interyer dizayner, kompüter proqram təminatı, barista, turizm agenti, elektron cihazların təmiri peşələri üzrə peşəkar ekspertlər tərəfindən təqdimat və vorkşoplar keçirilib. Eskpertlər iştirakçılara düzgün peşə seçimi, işçi qüvvəsinə olan tələblər, eləcə də peşələr haqqında məlumatı əyani şəkildə yoxlamaq fürsəti yaradıb. Növbəti festival 17 may 2022-ci il tarixində, Sumqayıt şəhərində baş tutacaq. Festivalda iştirak ödənişsizdir.

Qaxda “Region gənc müəllimlərinin II şəbəkələşmə forumu” baş tutub. Azərbaycan Gənc Müəllimlər Assosiasiyasının region gənc müəllimlərinin bacarıqlarının inkişaf etdirilməsi, şəbəkələşməsi, əməkdaşlığın qurulması məqsədilə təşkil etdiyi forumda Oğuz, Şəki, Qax, Zaqatala və Balakən rayonlarından olan gənc müəllimlər iştirak ediblər. Forumun məqsədi və qarşıya qoyulan hədəflər barədə məlumat verilib. Diqqətə çatdırılıb ki, “Gənc müəllimlərinin II şəbəkələşmə forumu” Təhsil Nazirliyinin elan etdiyi “2021-2022-ci illərdə Təhsilin inkişafı üzrə ictimai təşəbbüslərin dəstəklənməsi” qrant müsabiqəsinin qalibi olmuş “Gənc müəllimlərin inkişaf proqramı” layihəsi çərçivəsində icra olunur. Otuz doqquz rayonu əhatə edəcək forumun aprel-may aylarında 10 mərkəzdə keçirilməsi nəzərdə tutulur. İndiyədək Qax rayonu da daxil olmaqla, 8 mərkəzdə artıq belə forumlar təşkil olunub. Tədbir çərçivəsində Qax şəhər 4 nömrəli tam orta məktəbin şagirdlərinin təqdim etdiyi musiqi nömrələri forum iştirakçıları tərəfindən maraqla qarşılanıb. Sonra forum müxtəlif mövzuda təlimlərlə işini davam etdirib.

Dövlət İmtahan Mərkəzi əvvəlki illərin məzunları üçün 9 illik təhsil bazasında kolleclərə qəbul imtahanı, fərqli dil üzrə iştirak etmək istəyən cari ilin məzunları üçün əlavə xarici dil və ya əlavə tədris dili imtahanı, aprel-may aylarında keçirilmiş buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş cari ilin IX sinif şagirdləri üçün buraxılış imtahanı keçirib. Həmçinin eksternat qaydasında IX sinif üzrə yekun attestasiyada iştirak etmək istəyən şəxslər, buraxılış imtahanlarında müxtəlif səbəblərdən iştirak edə bilməmiş və barəsində Mərkəzə müraciət edilmiş əvvəlki illərin IX sinif məzunları da imtahan veriblər.  İmtahanda 14 112 nəfərin iştirakı nəzərdə tutulurdu.  13 nəfər fiziki məhdudiyyətli abituriyent də iştirak edib.  İlkin məlumatlara əsasən, 4 nəfərdə mobil telefon aşkarlandığı üçün imtahandan xaric edilib. Bundan əlavə, 1 nəfərin başqasının yerinə imtahana girmək cəhdi də müəyyən olunub və qarşısı alınıb. Əməkdaşlarımız isə prosesi Şəkidə izləyiblər. Şəkidəki imtahanlar zamanı qayda pozuntuları aşkar edilməyib. Yalnız 2 nəfər şəxsiyyət vəsiqəsini gətirmədiyi üçün imtahana buraxılmayıb. Nəticələrin yaxın 3 həftə ərzində elan olunması nəzərdə tutulur.

Baş Kəldək kəndi ilə Baş Küngüt kəndini ayıran Küngüt çayın yalnız bir tərəfi tam bəndlənib. Digər tərəfdə isə ancaq 100 metrlik bənd salınıb. Sakinlər çayın məcrasının vaxtaşırı təmizləndiyini deyirlər.  Lakin sel gözlənilmədən gəlsə bu, kənd üçün böyük təhlükəyə səbəb ola bilər. Problemllə bağlı aidİyyatı quurmlara dəfələrlə müraciət etdiklərini deyən kənd sakinləri yarım qalmış bəndin tezliklə yekunlaşdırılmasını istəyirlər. Hətta çay məcrasına yerində baxış  keçirilib və doğurdan da yeni bəndin salınmasına ehtiyac olşduğ aidiyyatı qurum tərəfindən təsdiqlənib. Ancaq bütün bunlar elə kağız üzərində də qalıb. Məsələ ilə bağlı Şəki Suvarma sistemləri idarəsinə müraciət etdik. Qurumdan ərazidə azı 200 metrlik yeni bəndin salınmasının vacibliyi təsdiqləndi. Ancaq bu cür layihəni həyata keçirmək üçün  investisiya ayrılmalı olduğunu deyən qurum rəsmisi, artıq Nazirlər Kabinetinə də müraciətin ünvanlandığını vurğuladı. Vəsaitin ayrılacağı təqdirdə ərazidə dərhal bəndləmə işlərinə start veriləcək.