Super User
Bazar ertəsi, 05 Sentyabr 2022 11:33
Zaqatalada meşədə yanğın törədən şəxs müəyyən edilib...
Sentyabrın 3-ü günorta saatlarında Zaqatala rayonunun Axaxdərə kəndi yaxınlığındakı dağlıq ərazidə yanğın baş verib. Əraziyə cəlb edilən FHN, ETSN, Rayon Polis Şöbəsinin əməkdaşları, eləcə də yerli sakinlər tərəfindən yanğın söndürülüb, daha geniş əraziyə yayılmasının qarşısı alınıb. Polis əməkdaşları tərəfindən keçirilən tədbirlər nəticəsində yanğını törədən şəxsin rayon sakini Abdulla Qurbanov olduğu müəyyən edilib. Araşdırmalar zamanı onun çay qaynatmaq məqsədilə orada ocaq qaladığı, ocağın közlərinin isə ətrafa yayılaraq yanğın törətdiyi məlum olub. Faktla bağlı araşdırma aparılır.
Published in
XƏBƏRLƏR
Tagged under
Şənbə, 03 Sentyabr 2022 13:53
Şəkidə məktub yazib, evləri yandıran şəxs saxlanıldı...
Gecə saatlarında Şəkinin Vərəzət kəndində yanğın baş verib. Yanğın nəticəsində 59 yaşlı Əkram Əliyevə məxsus ümumi sahəsi 90 kv.m. olan tövlənin yanar konstruksiyaları və damına yığılan 4 ton ot bağlaması yanıb. Tövlədəki 2 baş iribuynuzlu heyvan isə tüstüdən boğularaq tələf olub. Yanğınının söndürülməsi üçün əraziyə FHN-nin Şəki Dövlət yanğından Mühafizə Xidmətinin 2 yanğın söndürmə avtomobili və şəxsi heyyəti cəlb edilib. Yaxınlıqdakı evlər yanğından mühafizə olunub. Hadisənin qəsdən törədildiyi ehtimal edilir. Eyni şəxs tərəfindən törədildiyi ehtimal edilən Baş Zəyzid kəndində baş verən yanğın nəticəsində isə zərərçəkən Əkram Əliyevin kürəkəni 32 yaşlı İmran Balammədova məxsus ümumi sahəsi 242 kv.m. olan 5 otaqlı ev, bitişik sahəsi 44 kv.m. olan talvar, talvarın altında dayanan "VAZ-2106" markalı minik avtomobili və yaxınlıqda sahəsi 88 kv.m. olan tövlə içərisindəki ot bağlaması ilə birgə yanıb. Tövlənin içərisindəki 6 baş iribuynuzlu heyvan tələf olub. Əraziyə cəlb olunan Dövlət Yanğından Mühafizə xidmətinin 3 avtomobili və şəxsi heyəti tərəfindən yaxınlıqdakı tikililər yanğından mühafizə olunub. Yanğını törədən şəxsin aşkar edilərək cinayət məsuliyyətinə cəlb edilməsi istiamətində işlər aparılır. Qeyd edək ki, yanğın hadisələri nəticəsində 4 nəfər müxtəlif dərəcəli yanıq xəsarətləri alıb və xəstəxnaya yerləşdirilib.
Published in
XƏBƏRLƏR
Tagged under
Şənbə, 03 Sentyabr 2022 08:33
İnsanı məğlubiyyətə uğradan tənhalıq! | Həkimcanlı 03.09.2022
Published in
HƏKİMCANLI
Tagged under
Cümə, 02 Sentyabr 2022 13:29
"Sağlam bədəndə Sağlam ruh"
Şamaxıda gənclər arasında "Sağlam bədəndə Sağlam ruh" devizi altında idmanın kross və gimnastika növləri üzrə respublika yarışlarının rayon mərhələsi keçirilib. Yarış Şamaxı şəhər stadionunda Azərbaycan Respublikasının Daxili İşlər Nazirliyinin İdman Cəmiyyətinin və Azərbaycan Respublikasının Gənclər və İdman Nazirliyinin birgə təşkilatçılığı ilə baş tutub. Yarışın keçirilməsində məqsəd gənclər arasında sağlam həyat tərzinin və idmanın təbliği, gənclərin Daxili İşlər Nazirliyi sistemində təhsilə və xidmətə təşviq edilməsi və onların daxili işlər orqanlarında, Daxili Qoşunlarda xidmətə həvəsləndirilməsindən ibarət olub. Tədbirdə Azərbaycan Respublikasının Daxili İşlər Nazirliyinin məsul işçisi polis polkovnik-leytenantı Etibar Hacıyev, Şamaxı Rayon Polis şöbəsinin rəis müavini polis polkovnik-leytenantı Seymur Hacıyev, Şamaxı Rayon Gənclər və İdman idarəsini rəisi Şahmar Hüseynov, Azərbaycan Respublikasının Daxili İşlər Nazirliyinin İdman Cəmiyyətində idman-təlim şöbəsinin məşqçi-müəllimi Emin Məmmədov, idman ictimaiyyətinin nümayəndələri və digər qonaqlar iştirak edib. Yarışa qatılan 60 nəfərə yaxın 20-25 yaş arasında olan gənclər yarışların proqramında müəyyən olunmuş marşurut üzrə 3000 m məsafəyə kross qaçışı və gimnastika hərəkətləri ilə çıxış edibilər. Yarışın sonunda hər bir hərəkət üzrə I, II və III yerləri tutmuş idmançılar Azərbaycan Respublikasının Daxili İşlər Nazirliyinin İdman Cəmiyyəti tərəfindən müvafiq diplom, medal və qiymətli hədiyyələrlə təltif olunublar.
Published in
XƏBƏRLƏR
Tagged under
Cümə, 02 Sentyabr 2022 12:47
Zaqatalada yanğınla mübarizə davam edir...
Zaqatala rayonunun Yuxarı Tala kəndi yaxınlığında mürəkkəb relyefli dağlıq-meşəlik ərazidə avqustun 30-da günorta saatlarında başlanan yanğının söndürülməsi istiqamətində işlər davam edir. Yanğının söndürülməsində FHN-in Aviasiya dəstəsinin helikopteri də iştirak edir. Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən verilən məlumata əsasən “Yanğın sahəsi hazırda 30 hektaradək ərazini əhatə edir. Yanğın hələlik tam lokallaşmayıb. Hazırda yanğının bütün perimetrləri boyunca işlər görülür. Hazırda yanğının baş verdiyi ərazidə Zaqatala rayon DYMH-nin 100 nəfər şəxsi heyəti, həmçinin digər qurumların əməkdaşları, sakinlər yanğınla mübarizə aparırlar.
Published in
XƏBƏRLƏR
Tagged under
Cümə, 02 Sentyabr 2022 12:22
Şəkinin Göynük kəndi sakini mağazalardan oğurluq edib, həmkəndlisinin avtomobilini yandırdı...
Şəki rayonunun Baş Göynük kəndi ərazisində yerləşən 3 mağazadan oğurluq edilib. Şəhər-Rayon Polis Şöbəsinə müraciət edən zərərçəkənlər onlara məxsus obyektlərdən 9000 manat dəyərində ərzaq məhsullarının, tütün məmulatlarının, enerji içkilərinin, mobil telefon danışıq kartlarının və kassada olan nəğd pulun oğurlandığını bildiriblər. Daxil olmuş müraciətlər əsasında polis əməkdaşları tərəfindən keçirilmiş əməliyyat-axtarış tədbirləri nəticəsində cinayəti törətməkdə şübhəli bilinən Baş Göynük kənd sakini Nazim Məmmədov saxlanılıb. İstintaq zamanı həmin şəxsin oğurluq etdiyi gecə öz həmkəndlisinə məxsus “VAZ-2107” markalı avtomobili də qəsdən yandırdığı müəyyən olunub. O, ifadəsində əməlini etiraf edib və oğurladıqlarının bir qismini dəyərindən ucuz qiymətə satdığını, əldə etdiyi pulu isə xərclədiyini bildirib Faktla bağlı cinayət işi başlanılıb, N.Məmmədov təqsirləndirilən şəxs qismində istintaqa cəlb edilib. Onun barəsində məhkəmənin qərarı ilə həbs qətimkan tədbiri seçilib.
Published in
XƏBƏRLƏR
Tagged under
Cümə, 02 Sentyabr 2022 11:02
Acılı, duzlu, şirin - 3-ü bir arada | Nahara az qala 50-ci veriliş 02.09.2022
Published in
NAHARA AZ QALA
Tagged under
Cümə axşamı, 01 Sentyabr 2022 11:37
Aşpaz Yaqub Atılqan və müğənni Ömər Atılqan "Nahara az qala"da 49-cu veriliş 01.09.2022
Published in
NAHARA AZ QALA
Tagged under
Çərşənbə, 31 Avqust 2022 14:37
Zaqatalada dağlıq ərazidə başlayan yanğın davam edir...
Zaqatalanın Yuxarı Tala kəndi ərazisində dağlıq meşəlik ərazidə baş verən yanğının söndürülməsi üçün əraziyə cəlb olunan müvafiq qrumlar tərəfindən yanğının söndürülməsi üçün iş aparılır. Baş vermiş yanğının söndürülməsinə Zaqatala YMH-nin texnikası və canlı qüvvəsi, Zaqatala regional meşə təsərrüfatı idarəsinin, ETSN -nin, Zaqatala rayon polis şöbəsinin əməkdaşları və yerli əhali cəlb olunub. Yanğın nəticəsində yerdəki xəzəl, kol-kos və ərazidə yıxılmış quru ağaclar yanır. O cümlədən FHN-nin 2 helikopteri yanğınsöndürmə işlərinə cəlb olunub.
Published in
XƏBƏRLƏR
Tagged under
Çərşənbə, 31 Avqust 2022 14:03
Şəkidə 1 ildə 9 dəfə inzibati tənbeh alan sürücü sərxoş halda saxlanıldı...
Şəki Şəhər-Rayon Polis Şöbəsinin Dövlət Yol Polisi Bölməsinin əməkdaşları tərəfindən hərəkətin təhlükəsizliyinin təmin edilməsi məqsədilə keçirilən nəzarət-yoxlama tədbirləri zamanı nəqliyyat vasitəsini sərxoş vəziyyətdə idarə edərək digərlərinə də təhlükə yaradan sürücü saxlanılıb. “VAZ-2107” markalı avtomobilin sürücüsü, Şəki şəhər sakini Asif Məmmədov yol-hərəkəti qaydalarını pozduğu üçün inspektor tərəfindən ona “saxla” işarəsi verilib. Yoxlama zamanı həmin şəxsin sərxoş olduğu aşkarlanıb. Həmçinin, öz əməlinə haqq qazandırmaq üçün polis əməkdaşlarının qanuni tələbinə məhəl qoymayan sürücü xırda xuliqanlıq hərəkətlərinə yol verib. Asif Məmmədov barəsində toplanmış materiallar hüquqi qiymət verilməsi üçün rayon məhkəməsinə göndərilib və məhkəmənin də qərarı ilə o, 10 sutka inzibati həbs olunub. Qeyd edək ki, həmin sürücü əvvəllər də avtomobili sərxoş halda idarə etdiyinə, eləcə yol-hərəkəti qaydalarını müxtəlif üsullarla pozduğuna görə, barəsində son 1 il ərzində 9 dəfə inzibati tənbeh tədbiri görülüb
Published in
XƏBƏRLƏR
Tagged under
