KANAL-S - Super User

Çərşənbə axşamı, 20 Sentyabr 2022 10:55

Narkotikin təsiri altında avtomobil idarə edən sürücü inzibati həbs edilib...

Zaqatala Rayon Polis Şöbəsinin Dövlət Yol Polisi Bölməsi əməkdaşlarının keçirdikləri tədbir zamanı narkotik vasitənin təsiri altında avtomobil idarə edən sürücü müəyyən olunub. Rayon sakini Ağabala Raziyev idarə etdiyi “VAZ-2106” markalı avtomobil ilə şəhər ərazisində hərəkətdə olarkən nəzarət-yoxlama qaydasında saxlanılıb. Onun hərəkətləri şübhə doğurduğundan tibbi müayinədən keçirilməsi təmin olunub və müayinənin də nəticəsinə əsasən həmin şəxsin marixuana istifadə etdiyi sübuta yetirilib. Ağabala Raziyev barəsində protokol tərtib olunaraq baxılması üçün rayon məhkəməsinə göndərilib və məhkəmənin də qərarı ilə o, inzibati həbs edilib.

Published in XƏBƏRLƏR

Tagged under

Çərşənbə axşamı, 20 Sentyabr 2022 10:06

Otolarinqoloq Tələt Şəfiyev "Həkimcanlı"da 20.09.2022

Published in HƏKİMCANLI

Tagged under

Çərşənbə axşamı, 20 Sentyabr 2022 09:42

Tarixi məkanda yerləşən məktəb tarix olmaq üzrədir...

Şəkinin "Yuxarı Baş" Milli Tarix Memarlıq qoruğu ərazisində yerləşən 4 saylı orta məktəbi göstərəcəyik indi. Bir əsrə bərabər tarixi olan bu məktəb binasında ciddi təmir-bərpa işlərinin görülməsinə ehtiyac var. Doğrudur, məktəbin yaxınlığında digər orta təhsil ocaqları da fəaliyyət göstərir. Elə bu səbəbdəndir ki, şagird sayı da xeyli azalıb. Ancaq hər halda bu təhsil ocağı fəaliyyət göstərirsə, deməli normal şərait də yaradılmalıdır. Çünki hər bir şagirdin təmirli məktəbdə təhsil almaq haqqıdır. Sujeti izləyək.... Tarixi məkanda yerləşən məktəb tarix olmaq üzrədir. Məktəbin tavan və döşəmələri çöküb, divarları uçub, qapı və pəncərələri çürüyüb. Qışda isə burda təhsil alan məktəblilər əsl mübarizə aparmalı olurlar. Təməli 1927-ci ildə qoyulan bina əvvəllər oğlanlar məktəbi kimi fəaliyyət göstərib. Bütün bu illər ərzində isə heç bir əsaslı təmir işi aparılmayıb. Əvvəllər 200-dən çox şagirdin təhsil aldığı məktəbdə hazırda 62 şagird təhsil alır. Belə ki, məhəllə sakinləri və ətrafda yaşayanlar öz övladlarının həyatlarından ehtiyat edərək fərqli və daha uzaqda olan məktəblərə üz tutmalı olublar. Ancaq məktəbin problemləri bunlarla bitmir. Tavanın çökməsi yağıntıların birbaşa sinif otaqlarına düşməsinə səbəb olur. Nəticədə yağış suları xarab naqilləri isladaraq elektrik lampalarını da partladır. Məktəbdə istilik sistemi də yoxdur. Burda hələ də, odun peçlərindən istifadə edilir. Müəllimlərin dediyinə görə, dəfələrlə aidiyyatı orqanlara müraciət etsələr də, müsbtə cavab ala bilməyiblər.  Qeyd edək ki, Şəki rayonunda son 10 ildə 23 məktəb binası tamamilə yenidən tikilib. 15 modul tipli məktəb quraşdırılıb və 5 məktəb əsaslı təmir edilib . Ümid edirik ki, növbəti tədris ilində 4 saylı orta məktəb də təmir olunan məktəblər sırasında olacaq. 

Published in XƏBƏRLƏR

Tagged under

Çərşənbə axşamı, 20 Sentyabr 2022 08:14

Piyada zolaqları və yol nişanları yenilənir...

Şəki Şəhər Polis Şöbəsinin Dövlət Yol Polisi Bölməsinin və BDYPİ-nin “Siqnal” idarəsinin əməkdaşları şəhər ərazisində hərəkətin sıx olduğu küçələrdə, eləcə də təhsil ocaqlarının yerləşdiyi ərazilərdə təhlükəsizlik tədbirləri görür. Azyaşlıların iştirakı ilə baş verə biləcək xoşagəlməz hadisələrin qarşısının alınması istiqamətində görülən tədbirlər zamanı yollarda quraşdırılan köhnə və yararsız vəziyyətdə olan yol nişanları yeniləri ilə əvəz olunub, rəngi solan piyada keçidləri isə yenidən rənglənib. Bundan əlavə, nəqliyyat axınının intensiv olduğu bir neçə küçədə yeni piyada zolaqları da salınıb. Ümumilikdə 50-dən artıq məktəb, uşaq bağçası, ali təhsil ocaqlarının ətrafında müvafiq işlər görülüb, çatışmayan yol nişanları quraşdırılıb. Bu istiqamətdə tədbirlər davam etdirilir. 

Published in XƏBƏRLƏR

Tagged under

Çərşənbə axşamı, 20 Sentyabr 2022 07:59

Qəbələdə ölümlə nəticələnən yol qəzası olub...

Rayon sakini, Əliyəddin Zeynallının idarə etdiyi "Opel" markalı avtomobil yolu keçən Telli Eyvazovanı vurub. Nəticədə piyada aldığı xəsarətdən hadisə yerində ölüb. Faktla bağlı cinayət işi başlanılıb.

Published in XƏBƏRLƏR

Tagged under

Bazar ertəsi, 19 Sentyabr 2022 14:38

Şəkidə azyaşlının əli ətçəkən maşında qaldı...

Şəki rayonun Cunud kəndində azyaşlının əli ətçəkən maşında qalıb. Həmin an evdə olan qohumlar uşağı Şəki rayon Mərkəzi xəstəxanasına çatdırıblar. Xəstəxanaya FHN xilasedciləri cəlb edilib. Xilasedicilərin köməkliyi ilə körpənin əli ətçəkən maşından çıxarılıb. Azyaşlının müalicəsi davam etdirilir.

Published in XƏBƏRLƏR

Tagged under

Bazar ertəsi, 19 Sentyabr 2022 14:10

Kayropraktik həkim Vüqar Aslanlı "Həkimcanlı"da 19.09.2022

Published in HƏKİMCANLI

Tagged under

Bazar ertəsi, 19 Sentyabr 2022 09:55

Şamaxıda iki avtomobil toqquşub, 3 nəfər xəsarət alıb...

Şamaxı rayonunda üç nəfərin xəsarət alması ilə nəticələnən yol-nəqliyyat hadisəsi baş verib. Hadisə Bakı-Şamaxı yolunun Sabir qəsəbəsi ərazisində qeydə alınıb. Qəbələ rayon sakin 32 yaşlı Zaur Zəkərəliyevin idarə etdiyi "Mercedes" markalı minik avtomobili ilə "Kamaz" markalı yük avtomobili toqquşub. Qəza nəticəsində "Mercedes" markalı minik avtomobilinin sərnişinləri Qəbələ rayon sakinləri, 36 yaşlı Emin Məmmədov, 28 yaşlı Pünhan Nəsirli, Oğuz sakini, 18 yaşlı Şamil Mirzəbəyov ağır bədən xəsarəti alıb. Zərbənin təsirindən yaralılar avtomobilin içində sıxışaraq köməksiz vəziyyətdə qalıblar. Dərhal Fövqəladə Hallar Nazirliyinin müvafiq xilasetmə qüvvələri hadisə yerinə cəlb olunub yaralılar deformasiyaya uğramış avtomobilin içindən çıxarılıb. Yaralılar təcili tibbi yardım briqadasının köməkliyi ilə Şamaxı rayon Mərkəzi Xəstəxanasına çatdırılıb. Vəziyyətləri ağır olduğu üçün Bakıdakı xəstəxanalrdan birinə göndərilib.

Published in XƏBƏRLƏR

Tagged under

Bazar ertəsi, 19 Sentyabr 2022 08:57