Soyuq qış günlərində istiliyə ehtiyac artdıqca qazla təminatında problemi olan yaşayış məntəqələrinin sakinlərinin şikayətləri də artır. Şəkinin Baş Zəyzid kəndində yüzə yaxın ev qazlaşmadan kənarda qalıb. Anlaşılmaz məqamsa odur ki, qaz xətləri qapılarına qədər çəkilib ancaq evlərə verilməyib. Aidiyyatı qurumlarsa məsələnin həllini nədənsə yubadır.

Şəkinin iri kəndllərindən biri olan Baş Zəyzid kəndində 5 minə yaxın əhali yaşayır. 8 ilə yaxındır ki, kəndin böyük hissəsi qazlaşsa da 65 ailə bu prosesdən kənarda qalıb. Və onların 30 illlik qaz həsrəti bitmək bilmir. Problemlə bağlı dəfələrlə aiddiyyatı qurumlara müraciət edən sakinlər  hələ də  məsələnin həlli istiqamətində irəliləyiş olmadığını bildirirlər. Kənd sakinləri bu ərazilərə qaz xətti çəkmək üçün lazım olacaq vəsaitin bir hissəsini də ödəməyə də razıdırlar. Bircə 30 ildir çəkdikləri əziyyət bitsin. Elə aidiyyatı qurumlar da məsələdən xəbərdar olduğunu bildirir. Sakinlərin yeganə ümidi vaxtsız vədlərə qalıb.  Bu qışı evlərini qazla isidə bilməzəsələr də gələn qışa mavi yanacağın istisnə qızınmağın arzusundadırlar.

Şəkidə Giləhli məscidinin bərpasında yeyintiyə yol verildiyi üzə çıxıb. Hesablama Palatasının Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətində apardığı yoxlama zamanı maliyyə pozuntuları aşkarlanıb. Xidmətin fəaliyyəti üzrə səmərəlilik auditinin nəticələrinə dair auditor hesabatında qeyd olunub ki, Şəki şəhərindəki Giləhli məscidinin minarəsində həyata keçirilmiş 1 099 707,34 manat dəyərində bərpa-gücləndirmə və həmin ərazidə çay yatağının bərkitmə işləri üzrə müqavilədə 18 835,1 manat vəsait nəzərdə tutulduğu halda, minarənin pilləkənində və ətrafında həmin işlərin aşkar olunmaması səbəbindən qeyd edilən məbləğdə vəsaitin səmərəsiz və nəticəsiz istifadəsi üzə çıxıb. Gələcəkdə belə halların baş verməməsi üçün həmin işlər üzərində müəllif və texniki nəzarət tədbirlərinin gücləndirilməsi tövsiyə olunub.

 

   Ölkənin ən iri taxılçılıq rayonu olan Şəkinin Baş Göynük kəndinin sakinləri də əsasən taxılçılıqla məşğul olur. Ancaq fermerlər bu il məhsul götürə bilməyəcəklər. Səbəbi isə subsidiya ala bilməmələri , nəticədə məhsula lazımı qulluq göstərə bilməmələridir. Subsidiya problemi ilə üzləşən fermerlər əkin-biçini atmaq həddinə çatıb, son çarə olaraq da qaynar xəttimizə üz tutublar. Biz də məsələni araşdırıb, həlli yolunu tapmağa çalışmışıq.

   13 mindən çox əhalisi olan Şəkinin Baş Göynük kəndinin 1500 fermer təsərrüfatı var ki, onların 1400-dən çoxu son iki il üçün nəzərdə tutulan əkin subsidiyalarını ala bilməyiblər. 80 faizi taxıl istehsal edən bu fermerlərin əksəriyyəti yaranan problem səbəbindən əkin işlərini də aparmayıblar.  Əkin aparanlar isə məhsuldarlıqdan əmin deyil. Məsələyə münasibət bildirən Kənd təsərrüfatı nazirliyinin mətbuat xidmətinin rəhbəri Vüqar Hüseynov deyir ki, vətəndaşların müraciətləri “Elektron Kənd Təsərrüfatı İnformasiya Sistemi”ndə araşdırılıb. Məlum olub ki, onlara imtina verilməsinin səbəbi mülkiyyəti təsdiq edən sənədlərinin qaydasında olmamasıdır. Bununla bağlı ilk illər fermerlərə güzəşt edilib və hər il də vətəndaşlara bildirilib ki, mülkiyyət hüququnu təsdiq edən sənədi, yəni çıxarışı alsınlar. Verilməyən subsidiyalarınyenidən ödənilməsinin mümkün olmadığı deyən Vüqar Hüseynov fermerlərə sənədlərini düzəldib 2022-ci ilin yazlıq əkini üçün yenidən müraciət etməyi məsləhət görür. Digər tərəfdən, fermerlər çıxarışın alınması üçün tələb olunan rüsumların kifayət qədər yüksək olmasından gileylənirlər. Milli Məclisin Aqrar siyasət komitəsinin sədri Tehran Rzayev isə deyir ki, çıxarışların alınmasını asanlaşdırmaq məqsədilə 3.5 milyon manat ayrılıb. 2022-2024-cü illər ərzində fermerlərə çıxarışlar rüsum almadan dövlət vəsaiti hesabına veriləcək. O ki qaldı subsidiyaların verilməsində ayrı seçkilik məsələlərinə... Aqrar Kredit və İnkişaf Agentliyinin məlumatına əsasən 2021-ci ildə fermerlərə subsidiya şəklində 219 milyon manata yaxın vəsait verilib. 2020-ci ildə isə bu rəqəm 278 milyon manat olub. Ötən il ümumi ölkə üzrə 11%-ə yaxın fermerin sənədləri qaydasında olmadığından subsidiyadan yararlanmaq üçün müraciəti rədd edilib. Ümid edək ki, bu rəqəmlər ilin sonunda özünü kənd təsərrüfatı məhsullarının ümumi həcminin azalması ilə hiss etdirməz. 

Qəza Şəkinin Kiş kəndi ərazisindən keçən hissəsində qeydə alınıb. 18 yaşlı Səid Məmmədlinin idarə etdiyi "Niva" markalı avtomobil yoldan çıxaraq ağaca çırpılıb və bir neçə dəfə aşıb. Hadisə nəticəsində avtomobildə olan sürücü Səid Məmmədli və 3 sərnişin 18 yaşlı Rəşad Şahməmmədli, 18 yaşlı Əli Zamanov və 18 yaşlı Xəyal Cabbarov müxtəlif dərəcəli bədən xəsarətləri alıb. Xəsarət alan şəxslər dərhal Şəki RMX-na yerləşdiriliblər. Faktla bağlı araşdırma aparılır.