Şəki Dövlət Yol Polisi Təhsil Müəssisələrində maarifləndirmə tədbirləri keçirir.  Regional Kollecdə keçirilən tədbirdə Şəki ŞRPŞ-nin DYPB-nin təbliğat və təşviqat üzrə inspektoru, kollec rəhbərliyi və tələbələr iştirak edib. Yol hərəkəti qaydaları ilə bağlı çıxışlar edilib, tələbələri maraqlandıran suallar cavablandırılıb. Sonda aktivlik göstərərək fərqləndiyi üçün, kollecin III kurs tələbəsi sürücülük vəsiqəsi almaq üçün DYP-də keçirilən imtahanlara hazırlıq vəsaiti ilə mükafatlandırılıb.

Qaxda küçə və prospektlərdə dayanma-durma qaydalarının düzgün təmin edilməsi məqsədilə Rayon Polis Şöbəsinin Dövlət Yol Polisi Bölməsinin əməkdaşları nəzarət-profilaktik tədbirlər keçirib. Müəyyən edilməyən yerlərdə nəqliyyat vasitələrini saxlayan, həmçinin avtobus dayanacaqlarını və piyada səkilərini zəbt edən sürücülər aşkarlanıb. Yol verdikləri qayda pozuntuları onlara izah olunub və həmin sürücülər barəsində qanunvericiliyə uyğun inzibati tənbeh tədbirləri görülüb.

Ölkədə qazlaşdırılma ilə bağlı hər il müəyyən tədbirlər görülsə də qazlaşmadan kənarda qalan yaşayış məskənləri də yetərincədir.  Xüsusilə də yeni yaşayış massivlərində əhali daha çox bu problemi yaşayır. Zaqatalanın Şimal-Qərb massivində olduğu kimi.  

Zaqatala şəhərində yerləşən Şimal-Qərb Massivində sakinlərin rahatlığı və infrastruktur baxımından bir çox şərait qurulub. 800-dən çox təsərrüfatın olduğu bu ərazidə yeganə çətinlik, təbii qazın olmamasıdır. Massiv sakinləri illərdir rayon mərkəzinə yaxın bir ərazidə odun, fındıq qabığı kimi alternativ yanacaq növlərindən istifadə edirlər. Sakinlərin sözlərinə görə,hər il qış mövsümündə evlərini qızdırmaq üçün 1000 manatdan çox vəsait xərcləməli olurlar. Məsələnin həlli ilə bağlı dəfələrlə aidiyyatı qurumlara müraciət edənsakinlər əraziyə mavi yanacağın çəkiləcəyi günü səbrsizliklə gözləyirlər. Verilən vədə əməl olunsa, belə görünür, sakinlər növbəti qışa artıq odun dərdi çəkməyəcəklər.