rmənilər Qərbi azərbaycanlılara qarşı sürgün planı həyata keçirməyə başlayan gündən soydaşlarımızı öz tarixi ata- baba torpaqlarında qovmaq üçün əllərindən gələni ediblər. Nəticədə Qərbi Azərbaycandan zaman-zaman zorla çıxarılan həmyerlilərimiz ölkəmizin müxtəlif rayonlarında məskunlaşmalı olublar.

Prezident İlham Əliyevin Qərbi Aərbaycandan olan bir qrup ziyalı ilə görüşməsi indi onların ümidlərini artırıb. Qaxda yaşayan Qərbi azərbaycanlılar da böyük coşqu və həvəslə öz doğma torpaqlarına qayıdacaqları günü səbrsizliklə gözləyirlər.

Öz doğma yurdlarından deportasiya olunanlar arasında hazırda Qaxın Turaaclı kəndində məskunlaşan qərbi azərbaycanlılar da var. Onlar heç bir dövrdə ermənilərin olmayan, azərbaycanlıların zorla çıxarıldıqları doğma yurdlarına qayıdacaqları günün həsrətilə yaşayırlar.

Köç həyatları da əzablı-əziyyətli olub qərbi azərbaycanlıların. Köçüb gəldikləri yerin iqliminə öyrəşə bilməyiblər. Bu səbəbdən geri qayıdanlar da olub. Ancaq yenə ögey münasibətlə rastlaşıb, doğma yurd-yuvalarını tək edib köçkün həyatı yaşamağa məcbur olublar.

İndi qərbi azərbaycanlıların gözündə ümid çırağı yanır, öz doğma yurd-yuvalarına qayıdacaqlarına inanırlar. Görünən odur ki, həmin günlər uzaqda deyil. Qərbi Azərbaycan torpaqları da tezliklə əsl sahiblərinə qovuşacaq.

Qəbələnin Yemişanlı kəndində yaşayan Özcan Alcanovu göstərəcəyik indi. Qəbələ şəhər Nicat Apayev adına 4 saylı tam orta məktəbin 6-cı sinif şagirdi istifadəyə yararsız elektrik cihazlarının hissələrini çıxararaq elektron oyuncaqlar hazırlayır. 12 yaşlı məktəbli yalnız oyuncaqlara maraq göstərmir. O bir neçə elektron avadanlıq da hazırlayıb.Gələcəkdə mühəndis olmağı arzulayan məktəbli boş vaxtının çoxunu yaratdığı qurğulara sərf edir. Müsahibimiz deyir ki, növbəti dəfə üçün dron düzəltməyi planlaşdırır. Özcan Alcanovun fizikaya böyük marağı var. Məktəblinin bu marağını görən valideynləri ona dəstək olur, övladlarının gələcəkdə yaxşı bir fizik və mütəxəssis olacağına inanırlar. Özcan hələlik olimpiadalarda iştirak etməyi, beynəlxalq yarışlara qatılmağı planlaşdırır. Gələcək üçün isə əsas hədəfi nüfuzlu universitetlərdə təhsil almaq, Vətəninə layiqli gənc kimi yetişib, uğurlar qazanmaqdır.

Bir neçə gün öncə Yevlax-Zaqatala-Gürcüstan magistral yolunun Zaqatala şəhərinin girəcəyində hissəsində Tala çayı üzərindəki körpününün vəziyyəti ilə bağlı sujet təqdim etmişdik. Sürücülərin əsas şikayəti və qoruxusu körpünün hər iki başında yaranan iri çatlar idi. Onu da qeyd edək ki, sürücülərin bu çatlardan yayınmaq istəyi bir çox hallarda qəzalara da səbəb olur.

Sujeti təqdim etdikdən dərhal sonra körpünün təmirinə başlandığını görən sürücülərin sevinci uzun çəkməyib. Çünki aidiyyatı qurum problemi kökündən həll etmək əvəzinə həmişəki kimi sadəcə çalaların üzərini çox primitiv üsulla örtüb. Başdan sovdu görülən təmirin ömrü isə heç iki gün də çəkməyib. Qeyri-peşakarcasına vurulan yamaqlar sökülüb və körpünün vəziyyəti yenə əvvəlki vəziyyətinə qayıdıb.

Xatırladaq ki, ötən əsrin 70-ci illərində inşa edilən körpünün uzunluğu 133 metrdir. 4 il öncə əsaslı şəkildə təmir edilən körpü ikitərəfli nəqliyyatın daha rahat hərəkət etməsi məqsədi ilə genişləndirilərək, eni 9 metrdən 12 metrə çatdırılıb. Körpünün başlanğıc və son hissələrində, yəni dəmir konstruksiyanın torpaqla birləşdiyi yerdə çatların əmələ gəlməsi isə intensiv hərəkətin olduğu bu yerdə baş verə biləcək fəlakətin xəbərçisidir. 

Gənclər Fondunun "İdeanı reallaşdır-2022" qrant müsabiqəsinin qalibi olmuş "Peşə təhsilinin əhatələndirilməsinə dəstək proqramı" layihəsi uğurla yekunlaşıb. Layihənin məqsədi gənclər arasında Peşə təhsili sahəsinə olan marağın artırılması və gənclərin Peşə təhsilinə cəlb olunmasına dəstək verməkdir. Layihə çərçivəsində 4 gün ərzində 140 gəncin iştirakı ilə təqdimatlar keçirilib. Layihə rəhbəri Orxan Əliyev Layihənin eksperti Etiram Sadıqzadə Təqdimat iştirakçısı Sevgi Abdullayeva

Şəki şəhərinin Şəki kəndində 62 yaşlı Arif Məsimzadəyə məxsus "QAZEL” markalı yük avtomobili yanıb. Yanğın nəticəsində yük maşının yanar hissələri, banına yığılan kömür və ərzaq malları yanıb. FHN-dən verilən məlumata görə, yaxınlıqdakı avtomobillər yanğından mühafizə olunub. Yanğın yanğından mühafizə bölmələri tərəfindən söndürülüb. Yanğının baş vermə səbəbləri hələlik məlum deyil. Faktla bağlı araşdırma aparılır. 

Azərbaycanın əksər bölgələrində internet məhz Aztelekom vasitəsi ilə ötürülür. Bölgələrdə fəaliyyət göstərən provayderlər də Aztelekomun avadanlıqlarından istifadə edirlər. Belə ki, əksər özəl provayderlərin bölgələrdə öz şəbəkələri yoxdur. Bu səbəblə də interneti ancaq mümkün olan bir yolla paylamalı olurlar. Optik xətlərin olmaması və köhnə avadanlıqlardan istifadə isə həm göstərilən xidməti aşağı salır, həm də ki, internetin sürətini. Xüsusilə də, küləkli, yağışlı və qarlı havalarda internet bərbad vəziyyətə düşür. Elə şəhər sakinləri də, artıq bu cür internet istifadə etməkdən təngə gəldiklərini deyirlər. Əlbəttə ilk olaraq bu cür hallarda vətəndaşlar tək ümid yerləri olan Aztelekoma müraciət edirlər. Ancaq qurum internet və ya telefon borcu olduqda dərhal xətt bağlayaraq göstərdiyi operativliyi nədənsə problem yarananda nümayiş etdirmir. Bərbad internetə həsrət qalanlar da var. Bəli, hər nə qədər qəribə səslənsə də, hazırda Şəkidə bir sıra kəndlər var ki, orda nəinki internet, heç telefon xətti belə yoxdur. Kənd sakinləri hər bir işin onlayn görüldüyü dövrdə internet xəttinə belə sahib ola bilmədiklərindən gileylənirlər. Aztelekomdan isə sorğumuza cavab olaraq bildirildi ki, hazırda Bakı, Abşeron, Şəmkir, Cəlilabad, Tovuz, Qazax, Beyləqan, Şəki də daxil olmaqla 60 rayon və şəhərdə GPON və digər genişzolaqlı texnologiyalarla sürətli internetin təmin edilməsi istiqamətində işlər aparılır. Ancaq aparılan işlərin yekunlaşmasına dair göstərilən tarix 2024-cü ilə təsadüf edir.  Görünür internet istifadəçiləri bir müddət daha bu vəziyyətə dözməli olacaqlar.