Şəki şəhərində Mərkəzi Kitabxana sistemi, Mədəniyyət İşçilərinin Həmkarlar İttifaqının Şəki komitəsinin birgə təşkilatçılığı ilə Ulu öndər Heydər Əliyevin 100 illik yubileyinə və 27 may Ümumdünya kitabxanalar gününə həsr olunan \\\"Sən bir kitabsan\\\" adlı tədbir keçirilib. Çıxış edənlər il bildirib ki, bizim dünyagörüşümüzün formalaşmasında kitabxanaların mühüm rolu var. Vurğulanıb ki, məhz ulu öndərin rəhbərliyi dövründə kitabxana sisteminə və Azərbaycan dilində nəşr olunan kitabların artırılmasına xüsusi diqqət və qayğı göstərilib. Təsadüfi deyil ki, Ümummilli Lider çıxışlarında kitaba, kitabxanaya önəm verərək - “Kitabxana xalq, millət üçün, cəmiyyət üçün müqəddəs bir yer, mənəviyyat, bilik, zəka mənbəyidir”-deyib. Tədbirdə həmçinin il ərzində işində fərqlənən kitabxanaçılar diplom və sertifikatlarla təltif edilib. Bədii hissədə mədəniyyət işçilərinin hazırladığı konsert proqramı nümayiş olunub.

Şəki şəhər 8 nömrəli Beynəlminəl tam orta məktəbdə Ulu Öndər Heydər Əliyevin 100 illik yubileyi , 28 May Müstəqillik günü və 1 iyun uşaqların Beynəlxalq Müdafiəsi gününə həsr edilmiş tədbir keçirilib. Tədbirdə məktəbin müəllim-şagird kollektivi ilə yanaşı, Şəki-Zaqatala Regional Təhsil idarəsinin rəsmiləri, Azərbaycan Təhsil işçilərinin Azad Həmkarlar İttifaqının üzvləri və valideynlər iştirak ediblər. Çıxış edənlər, ümummilli Lider Heydər Əliyev milli dövlətçilik ideyalarını hər şeydən üstün tutub. Diqqətə çatdırılıb ki, Ulu Öndər Heydər Əliyev öz parlaq zəkası və istedadı sayəsində yeni Azərbaycanı, onun bugünkü gerçəkliklərini yaradıb və gələcəyə aparan yolları müəyyən edib. Tədbirin bədii hissəsində şagirdlərin ifasında şeirlər, musiqi nümunələri səsləndirilib. Məktəbin bədii özfəaliyyət kollektivlərinin tarixi şəxsiyyətlərlə bağlı hazırladıqları kiçik səhnələr, ifa edilən milli musiqilər iştirakçılar tərəfindən rəğbətlə qarşılanıb. Ardınca məktəbdə dərs deyən müəllimlərin əl işləri də nümayiş edilib. Sonda məktəbin məktəbin fəaliyyətlərində fəal iştirak etdiklərinə görə bir neçə müəllimə fəxri fərmanlar təqdim edilib. #kanals#xəbər#tədbir

Şəki şəhər Rəşid bəy Əfəndiyev adına 10 nömrəli tam orta məktəbin 125 illik yubileyinə hər olunmuş ədəbi-bədii gecə keçirilib. Şəki Dövlət Dram Teatrında keçirilən tədbirdə rayon rəsmiləri, millət vəkili, təhsil ictimaiyyyəti, qazilər, təhsil ocağının məzunları və digər qonaqlar iştirak ediblər. Əvvəlcə məktəbin 125 illiyinə həsr olunmuş foto-stendllər və şagirdlərin əl işlərindən ibarət sərgi ilə tanışlıq olub. Ardınca keçirilən tədbirdə çıxış edənlər təhsil ocağının yaranma tarixi, keçdiyi yol və qazandığı uğurlar barədə danışıblar. Təhsilin Azərbaycanın dövlət siyasətinin prioritetlərindən biri olduğu, Ulu Öndər Heydər Əliyevin ölkəyə rəhbərlik etdiyi bütün dövrlərdə təhsilin inkişafına böyük diqqət yetirildiyi xüsusi vurğulanıb. Sonra məktəbin tarixini və keçdiyi yolu əks etdirən videoçarx nümayiş etdirilib. Yubiley tədbiri şagirdlərin ifasında maraqlı konsert proqramı, ədəbi-bədii kompozisiyalarla davam edib. Sonda gənc nəslin təlim-tərbiyəsi sahəsində uzun illər səmərəli pedaqoji fəaliyyətinə görə məktəbin direktoru Büllur Abdulsəlimli, eləcə də də bir qrup müəllim və təhsildə fərqlənən şagirdlərə Şəki Şəhər İcra Hakimiyyətinin və Regional Təhsil İdarəsinin fəxri fərman və hədiyyələri təqdim olunub. #kanals#xəbər#məktəb

İsmayıllıda ana və övladını avtomobil vurub. Basqal kənd sakini Əşrəf Babayev idarə etdiyi 1 \"Mercedes\" markalı minik avtomobili hərəkətdə olan zaman yolu keçən 39 yaşlı Mətanət Həmidova və 10 yaşlı qızını vurub. Yaralanan ana və qızı müxtəlif dərəcəli bədən xəsarətləri ilə rayon mərkəzi xəstəxanasına çatdırılıblar. Hazırda vəziyyətləri stabildir. Faktla bağlı araşdırma aparılır.