Ötən gün gecə saat 23 radələrində Qəbələdə ağır yol qəzası baş verib. 64 yaşlı Bakı sakini Rövşən Mustafayev şəhər ərazisində \"Wolksvagen\" markalı avtomobili ilə hərəkətdə olarkən idarəetməni itirib. Yoldan çıxan nəqliyyat vasitəsi kənardakı ağaca çırpılıb. Sürücü hadisə yerində ölüb, onun qızı Zarağan kənd sakini 35 yaşlı İlahə Mustafayeva və nəvəsi, 7 yaşlı Yusif Səfərov müxtəlif dərəcəli bədən xəsarətləri alıblar. Onlar rayon mərkəzi xəstəxanasına yerləşdiriliblər. Hazırda vəziyyətləri orta ağırdır, cərrahiyyə şöbəsində nəzarətdədirlər.

İsmayıllı polisi istehlaka yararsız qida məhsullarının satışının qarşısının alınması məqsədilə əməliyyat tədbiri keçirib. Rayon sakini Xəyal Ziliyev idarə etdiyi “Ford” markalı avtomobillə birgə saxlanılıb. Nəqliyyat vasitəsinin yük yerinə baxış keçirilən zaman oradan mənşəyi məlum olmayan 2 tona yaxın at əti aşkarlanıb.

Araşdırma zamanı at ətinin Cülyan kənd sakini Samir İsayevə məxsus olduğu və Xəyal Ziliyevin istifadəsində olan avtomobillə Bakı şəhərinə göndərmək istədiyi müəyyən edilib. Davam etdirilən tədbirlərlə Samir İsayev də şöbəyə gətirilərək izahatı alınıb. Aşkar edilmiş 10 rəst ata aid ət müvafiq nümunələr götürülməsi üçün Qida Təhlükəsizliyi Agentliyinin əməkdaşlarına təhvil verilib. Faktla bağlı İsmayıllı Rayon Polis Şöbəsində araşdırmalar davam etdirilir. 

Avtobusun dəmir konstruksiyaya ilişməsi nəticəsində nəqliyyat vasitəsi yararsız hala düşüb, xəsarət alan olmayıb. Səməd Vurğun adına Dövlət Akademik Rus Dram Teatrının heyətini daşıyan avtobus Şəkidə qəzaya düşüb. Məlumata görə, avtobusun dəmir konstruksiyaya ilişməsi nəticəsində nəqliyyat vasitəsi yararsız hala düşüb, pəncərələri qırılıb.Hadisə nəticəsində xəsarət alan olmayıb.

Hadisə rayonun Qaraqaya kəndi ərazisində baş verib. Yolu keçən məktəbli, Qobustan sakini 13 yaşlı Asəf Cəfərov dünyasını dəyişib. Şahid İsgəndərov idarə etdiyi “İsuzu” markalı avtobusla yolu keçən piyada, 13 yaşlı Asəf Cəfərovu vurub. Müxtəlif dərəcəli bədən xəsarətləri alan yeniyetmə hadisə yerində ölüb. Faktla bağlı araşdırma aparılır. #kanals#xəbər#ismayıllı#qəza

Şəki şəhər 11 saylı tam orta məktəbinin 1973-cü il məzunları yenidən bir araya gəliblər. Görüşdə - həmin ildə məktəbi bitirən 3 sinfin məzunları, onlara vaxtilə 1963-1973-cü illər arasında dərs demiş qocaman müəllimlər və 11 saylı tam orta məktəbin hazırki müəllim kollektivi iştirak ediblər. Keçmiş xatirələrini yad edən məzunlar, oxuduqları 11 saylı məktəbin hazırkı kolektivinə məktəbin ilk binasının tablosunu hədiyyə ediblər. Məzunların 50 il öncə eşitdikləri son zəngi yenidən, 44 günlük şanlı Zəfər tariximizi yazan qəhrəman oğullardan olan şəhid Vasif Həmidovun oğlu çalıb. Ardınca Vətən müharibəsində canından və qanından keçən şəhidlərimizin məzarı ziyarət edilib. Ruhlarına dualar oxunub. #kanals#xəbər#şəki#məktəb