Məktəbin şagird və müəllim kollektinin iştirak etdiyi konsertdə gənc ifaçılar ecazkar muğam nümunələrini böyük məharətlə ifa ediblər. Onların çıxışları tamaşaçılar tərəfindən alqışlarla qarşılanıb.

4 nömrəli musiqi məktəbində həmçinin Rauf Hacıyev adına Bakı şəhəri 15 nömrəli musiqi məktəbi tərəfindən görkəmli Azərbaycan bəstəkarı Rauf Hacıyevin yubileyinə həsr olunmuş konsert proqramı keçirilib. Konsertdə musiqisevərlər, şagird və müəllimlər iştirak edib. İfaçılar konsertdə bəstəkarın əvəzolunmaz əsərlərini səsləndiriblər. konsert proqramı tamaşaçılar tərəfindən maraqla qarşılanıb.

Şəki şəhər M.F.Axundzadə adına Mədəniyyət Mərkəzinin tabeliyində fəaliyyət göstərən "Nurəddin Bədəlov" adına Folklor Evi kamança ifaçısı Nurəddin Bədəlovun 110 illiyinə həsr olunan "Nuxa" adlı yubiley tədbiri keçirib.

Tədbirdə şəhid valideynləri, sənətkarın tələbələri, şəhərimizin ziyalıları, sənət dostları və ailə üzvləri dəvət olunub. Çıxış edənlər Nurəddin Bədəlovun keçdiyi həyat yolundan, yaradıcılığından danışıb. Daha sonra tədbir musiqi çıxışları ilə davam edib.