Bakıda \\\"Altın Palmiyə ödülləri\\\"-nin mükafatlandırma mərasimi keçirilib. 2014-cü ildən verilməyə başlayan \\\"Altın Palmiyə\\\" ödülləri artıq 8 ildir ki, Musiqi, Media və Televiziya, Film, Teatr kimi sahələrdə 28 nominasya üzrə yaradıcılığı ilə fərqlənən, uğurlara imza atan şəxslərə təqdim olunur. Qaliblər anket iştirakçıları arasında aparılan səsvermə nəticəsində müəyyənləşdirilir. Artıq 8 ildir ki, Türkiyənin müxtəlif şəhərlərində, keçirilən təntənəli mükafatlandırma mərasimi ilk dəfədir ki, Bakıda baş tutub. Tədbirdə ilin Azərbaycan xalq musiqiçisi, ilin aktyoru, ilin fenomeni və digər nominasiyalarda qaliblər mükafatlar təqdim olunub. İlin şairəsi nominasiyasında isə şəhidlərin adlarını yaşatmaq məqsədi ilə yaradılan \\\"Vətən fəadiləri\\\" layihəsinin rəhbəri, 9 kitab müəllifi, şairə, publisist Manya Səxavətqızı qalib olub.

Sağlam ailə sağlam cəmiyyət deməkdir. Ölkəmizdə ailə hər zaman müqəddəs sayılıb. 15 May – Beynəlxalq Ailə Günü münasibətilə Zaqatala Uşaq və Ailələrə Dəstək Mərkəzinin kollektivi 52 il birgə ömür sürmüş Yunusovlar ailəsində qonaq olublar. Cəmiyyətin inkişafında ailənin yeri və rolundan danışılıb. Görüşdə ailənin başçısı Cuma Yunusov və ömür-gün yoldaşı Nazlı nənə ailə dəyərlərindən, milli adət-ənənələrdən, sağlam ailə təməlinin qurulması və qorunub saxlanılmasının vacibliyindən söz açıblar. Qeyd edək ki, 4 övlad, 7 nəvə və 2 nəticəsi olan Yunusovlar ailəsi 52 ildir qarşılıqlı hörmət və məhəbbəti qoruyub saxlayaraq, ailə dəyərlərinin yaşadılmasında gənclərə, yeni qurulan ailələrə nümunə olublar. Ailənin bir övladı Telman Yunusov Birinci Qarabağ müharibəsi zamanı ərazi bütövlüyümüz uğrunda gedən döyüşlərdə şəhidlik zirvəsinə ucalıb. Görüşün sonunda Yunusovlar ailəsinə, həmçinin yeni ailə həyatı quran gənclərə hədiyyələr təqdim olunub.

Yarmarkada 25 müəssisə iştirak edib. Özəl və dövlət təşkilatlarının nümayəndələri tərəfindən müvafiq vakansiyalara dair tələblər barədə ətraflı məlumat verilib, işsiz və işaxtaran şəxslərə 225 sayda boş iş yerləri təqdim olunub. Yarmarkada təqdim olunan vakansiyalar əsasən turizm, istehsal-xidmət, ictimai iaşə, bank, satış və s. sahələri əhatə edib.

Dostunu ziyarətə gedən Şəki sakini onun evində dünyasını dəyişdi. Hadisə ötən gün Şəki şəhərində baş verib. Dostunun evinə qonaq gedən şəhər sakini, 64 yaşlı Şakir İmamverdiyev yemək yediyi zaman qəflətən haı pisləşib və ölüb. İlkin araşdırma zamanı Şakir İmamverdiyevin ürək çatışmazlığından öldüyü məlum olub. Faktla bağlı araşdırma aparılır.