Şamaxı rayon Heydər Əliyev adına parkda Şamaxı Rayon İcra Hakimiyyətinin və İsmayıllı Regional Mədəniyyət İdarəsinin birgə təşkilatçılığı ilə “Şuşa İli”nə həsr edilən “Ruhumuzun ünvanı - Şuşa” adlı tədbir keçirilib. "Bayatı- şiraz" muğamının fonunda başlayan tədbirdə Müzəffər Azərbaycan Ordusunun düşmən üzərində qələbə çalaraq tarixi nailiyyətə imza atmasından bəhs edilib. Tədbirdə tanınmış müğənni, Şamaxı xalq teatrının əməkdaşları, Qobustan şəhər Uşaq İncəsənət Məktəbinin balaban, ritm qrupu, Şamaxı şəhər İncəsənət Təhsil Mərkəzinin ritm qrupu, rəqs qrupu, Şamaxı Aşıqlar qrupu, Muğam televiziya müsabiqəsinin laureatları çıxış ediblər.

Damazlıq təsərrüfatına gedən yol Tala çayının yatağından keçdiyindən,bura yalnız xüsusi nəqliyyat vasitələrinin köməkliyi ilə getmək mümkündür. Daşlı, dərəli, düzlü bu yol hər nə qədər keçilməz və çətin olsa da, təbiətin əsrarəngiz gözəlliyi yolun bütün çətinliklərini unutdurur. Eramızın 6,7-ci əsrlərində boz Qafqaz arısı məhz bu qayalıqlarda, ağac koğuşlarında ulu babalarımız tərəfindən kəşf edilib. Xortumunun uzunluğu ilə seçilən bu arı növü həm də xəstəliklərə davamlılığı və daha çox bal toplaması ilə seçilir. Kənd Təsərrüfatı Nazirliyinin və yerli İcra Hakimiyyətinin dəstəyi ilə yaradılan bu damazlıq təsərrüfatının yerləşdiyi ərazi heç də təsadüfi seçilməyib. Təsərrüfat yaşayış məskənindən, eləcə də digər arıçı yaylaqlarından müəyyən aralı məsafədə yerləşməlidir ki, damazlıq təsərrüfatında genefondu qorunaraq artırılan saf boz qafqaz arı cinsi digər təsərrüfatlarda saxlanılan başqa növlərlə qarışmasın. Təsərrüfat yeni yaradılmasına baxmayaraq,artıq damazlıq sahəsində bir çox işlər görülüb.Təsərrüfatda yetişdirilən saf boz qafqaz arısına yerli və xarici bazarda tələbat yetərincədir. Təsərrüfatda gələcəkdə damazlıq və seleksiya işləri ilə yanaşı, ekoturizm marşurutunun yaradılması da hədəflənib. Qarşıdakı illərdə balı təbiətin qoynunda dadmaqla yanaşı, damazlıq təsərrüfatında gedən işlərlə tanış olmaq istəyən yerli və xarici qonaqlar təsərrüfatda yaradılacaq ekoturizm xidmətlərindən istifadə edə biləcək.

Bu həftə sosial şəbəkələrdə Şəkinin Kiçik Dəhnə kəndində azyaşlının zorla ərə verilməsi ilə bağlı iddialar səslənib. Hadisənin araşdıran zaman məlum olub ki, belə bir cəhd olsa da qarşısı alınıb. Belə ki, kənd icra nümayəndəsinin Ayaz Əliyevin verdiyi məlumata görə bu ilin aprel ayında kənd sakini 20 yaşlı Sərvan Rüstəmov həmin kəndin 2 saylı orta məktəbinin 10-cu sinif şagirdi olan 16 yaşlı qıza elçi düşüb. İyunun 4-də baş tutmalı olan nişan mərasimi aidiyyatı orqanların adekvat reaksiyası sayəsində baş tutmayıb.

Yanğın  şəhərin Məmmədəli Əmorov kücəsində baş verib. Belə ki, Qax şəhər sakinləri Hacıyeva Nərminə Neymət qızı və onun qonşusu Hacıyev Salam Hacıxan oğluna məxsus bir damın altında bir-birinə bitişik ümumi sahəsi 225kv/m olan evlər içərisindəki əşyaları və yanar konstruksiyaları birlikdə tamamilə yanıb. Hadisə yerinə Qax Yanğından Mühafizə Hissəsindən iki yanğınsöndürən maşın və şəxsi heyət cəlb olunub. Yanğının yaxınlıqdakı tikililərə keçməsinin qarşısı alınıb. Hadisənin baş vermə səbəbləri araşdırılır.

Vətən müharibəsində qəhramancasına şəhid olan Vasif Həmidovun doğum günü qeyd edilib. Məzarı başına toplaşan şəhidin ailəsi və yaxınları Vasif Həmidovun xatirəsini anıblar. Qəbri üstünə gül dəstələri düzüb, dua veriblər. Bildirilib ki, şəhif Vasif Həmidov cənətdəki 2-ci doğum günün keçirir. 35 yaşı tamam olan şəhid Vasif Həmidovun necə vətənpərvər biri olduğu qeyd edilib. Xatırladaq ki, Vasif Həmidov könüllü olaraq cəbhəyə yollanmış və ölümündən sonra göstərdiyi şücaətə görə “Vətən uğrunda” medalı ilə təltif edilib.

İsmayıllıda ölümlə nəticələnən nəqliyyat hadisəsi baş verib. Rayonun Hacıhətəmli kənd sakini, 22 yaşlı Ata Əliyev dağlıq ərazidə atasına məxsus otbiçən traktoru idarə edərkən ehtiyatsızlıq edib, traktorun təkərinin qəflətən çökək yerə düşməsi səbəbindən nəqliyyat vasitəsi dərəyə aşıb. Ata Əliyev aldığı ağır xəsarətlər səbəbindən hadisə yerində dünyasını dəyişib. Onun yanında olan kənd sakini, 50 yaşlı Əfqan Əhmədov isə aldığı xəsarətlərlə İsmayıllı rayon Mərkəzi Xəstəxanasına çatdırılıb. Məlumata görə, Ata Əliyev Bakı Dövlət Universitetinin coğrafiya fakultəsinin 4-cü kurs tələbəsidir. Mayın 29-da keçirilən magistratura imtahanında uğurla iştirak edərək qəbul olunan Ata Əliyev sabah universitetə gedəcəkdi. O, atasına ot biçməyə kömək edərkən hadisə baş verib. Faktla bağlı İsmayıllı rayon Polis Şöbəsi araşdırma aparır.