Zaqatalada yol qəzası olub, ölən və xəsarət alanlar var. Qəza axşam saatlarında Yevlax-Zaqatala-Gürcüstan sərhəd magistiral avtomobil yolunun rayonun Yuxarı Tala kəndi ərazisindən keçən hissəsində qeydə alınıb. Hərəkətdə olan “VAZ 21013” markalı avtomobil yol ayrıcında dayanan “Chevrolet Niva” markalı avtomobillə toqquşub. Zərbənin təsirindən hər iki avtomobil ərazidə İkinci Dünya müharibəsi iştirakçılarının şərəfinə ucaldılan abidə kompleksinin giriş qapılarına çırpılıb. Nəticədə “VAZ 21013” markalı avtomobildə olan 31 yaşlı Kəlbəcər sakini, Vətən müharibəsi qazisi Samir Həsənov hadisə yerində ölüb. Həmin avtomobildə olan digər iki nəfər, Zaqatala sakinləri 43 yaşlı Zaur Heydərov və 37 yaşlı Ramil Əliyev aldıqları müxtəlif dərəcəli bədən xəsarətləri ilə Zaqatala rayon xəstəxanasına yerləşdiriliblər. Faktla bağlı araşdırma aparılır.

Yaz fəsli gələr-gəlməz bazarlar və bir çox iri marketlərin piştaxtalarında mövsümündən tez yetişən meyvələr yer alıb. Xüsusilə də bu meyvələr sırasında daha çox gözə çarpan çiyələkdir. Özü də öyrəşdiyimiz çiyələklərdən dəfələrlə böyük olanlar. Satıcılar da deyir ki, Anjelika adlandırılan bu sorta tələbat çoxdu.

Mürəbbəlik hesab olunan xırda, yəni "Viktoriya" adlandırılan çiyələklər daha çox tövsiyyə olunsa da, əksəriyyət "Anjelika" növünə üstünlük verir. Bu giləmeyvələr isə istixanalarda yetişdirilir. Belə meyvələrin artıq istifadəsi zəhərlənmələrə səbəb ola bilər. Son bir ayda Zaqatalada zəhərlənmə diaqnozu ilə xəstəxanalara müraciət edənlərin sayındakı artım da bunu deməyə əsas verir.

Həkimlər də öz növbəsində mövsümündən əvvəl xüsusi şəraitdə yetişdirilən meyvə və tərəvəzlərin zəhərlənmə hallarına yol açdığını təsdiqləyir. Mütəxəssislər də zəhərlənmə saylarının artmasının əbəs yerə olmadığını bildirirlər.

Belə ki, onların sözlərinə görə bu cür meyvələr genetik modifikasiya olunub və kimyəvi maddələr vurularaq yetişdirilib. Qeyd edək ki, mövsümündə yeyilən çiyələk immuniteti gücləndirir, qaraciyər problemlərinə yaxşı təsir edir. Hətta xərçəngə qarşı qoruyucu hesab olunur. Odur ki, yediyiniz məhsulların mənşəyinə, yetişdirilmə və ən əsası da saxlanma şəraitinə diqqət yetirməklə özünüzü və sevdiklərinizi çox böyük bəlalardan qoruya bilərsiniz.

İsmayıllıda yağan güclü yağıntılardan sonra Lahıc-Dəmirçi avtomobil yolunun sürüşmə zonalarında aktivlik müşahidə olunub və çökmələr əmələ gəlib. Təxminən 40 metr məsafədə asfalt qatı sıradan çıxıb və yararsız hala düşüb.

Avtomobillər yolun bir hisəsi ilə hərəkət edirlər. Sürücülər isə bunun daha da təhlükəli ola biləcəyindən narahatdırlar. Məsələ ilə bağlı Avtomobil Yolları Dövlət Agentliyi bildirilib ki, problemdən xəbərdardırlar. Əraziyə baxış keçirilib və lazımi tədbirlərin görülməsi istiqamətində işlərə başlanılacaq.