Şəkinin Sheki City futbol klubu bazar günü çıxış etdiyi regional liqada Play Off-da Qobustan komandası ilə qarşılacaq. Bu komandaların Play Off-da 2-ci oyunudur. İlk oyun Qobustanda keçirilib. Sheki City komandası qonaq meydanda 1-1 hesbaı ilə bərabərlik əldə edib. İkinci oyunda komanda Qobustan komandasını məğlub edərək, növəbti mrəhələyə yüksəlməyi hədəfləyirlər. Sheki City klubunun matçı qalib bitirmək üçün çox böyük şansları. Elə bunu turnir cədvəlinə baxsaq, aydın şəkildə də görmək olar. Bu mövsümdən region liqasında çıxışlarına başlayan klub, elə ilk mövsümdə də liqanın lideri Karvanla eyni xallara sahibdir. Həttə top fərqinə görə Sheki City Karvanın önündədir. Klubun bu günkü gündə uğurlu nəticələri heç də asan başa gəlməyib. Hazırda Sheki City komandasının ciddi dəstəyə ehtiyacı var. Belə ki, komandaya veriləcək dəstək, Şəkiyə növbəti illərdə böyük futbolu qaytara bilər. Çünki region liqasını çempion tamamlayacağı halda, Sheki City ilk öncə birinci divizyona, ordan isə Azərbaycan premyer liqasına yüksələ bilər. Komandanın təkcə birinci divzyona yüksəlməsi belə, Şəkidə stadionun təmir edilməsinə şərait yaradacaq. Hazırda komandanın çəkdiyi maliyyə sıxıntıları səbəbindən, Sheki City iki qonaq meydanda matçı buraxmalı olub və texniki məğlubiyyət alıb. Bütün bunlar baş verməsə idi, Sheki City region liqasının lideri olacaqdı. Burdan da göründüyü kimi, komandanın çox böyük potensialı var. Bunun üçün də komandaya dəstək olunması mütləqdir. Qobustanla matçdan qalib ayrılması üçün, bazar günü hər bir futbolsevəri Şəki stadionunda saat 16:00-da başlayacaq matça dəvət edirik. Matçın biletlərini bazar günü saat 15:00-dan etibarən stadiondan əldə edə bilərsiniz. Biletlərin qiymətləri sadəcə 1 manatdır. Satılan hər bir bilet komandanın maliyyə vəziyyətinin yaxşılaşmasına səbəb olacaq. Eyni zamanda bilet əldə etmiş şəxslər, komandanın sponsorlarından müxtəlif endirimlər əldə edəcəklər. Bunun üçün biletin arxasında qeyd edilmiş sponsorlara biletlə yaxınlşaraq endirimlərdən yararlana bilərsiniz. Onu da qeyd edək ki, Sheki City Qobustan komandasını geridə qoyarsa 4-də 1 finalda Xəzər Lənkəran klubu ilə qarşılacaq. Odur ki, komandaya dəstəyinizi göstərmək üçün bazar günü stadiona gələ bilərsiniz.

Ümummilli lider Heydər Əliyevin 100 illik yubileyi münasibəti ilə Dövlət Sosial Müdafiə Fondu pensiya və sosial müavinət alan şəxslər arasında  II Respublika Şahmat Turnirinə start verib.  Turnirin növbəti seçmə mərhələsi Şəkidə baş tutub. Şəki-Qax-Zaqatala regionu üzrə yarışda iştirak etmək üçün 70-ə yaxın pensiyaçı qeydiyyatdan keçib. Yarışın ən yaşlı iştirakçısı 82 yaşlı Niyazi Yusifov olub. Maraqlı və gərgin mübarizə şəraitində, İsveçrə sistemi üzrə keçirilən yarışın 1 saylı Şəki-Zaqatala Regional Filialı üzrə qalibi 67 yaşlı təqaüdçü Oqtay Həmidov olub. Seçim mərhələsində uğur qazanan iştirakçılar yarımfinal və finalda iştirak edəcəklər. Qeyd edək ki, turnirdə yarışmaq üçün DSMF-nin yaşı 50-dən yuxarı olan 1500-ə yaxın benefisiarı qeydiyyatdan keçib. 

Şəkidə müqəddəs Ramazan bayramı ərəfəsində Rayon İcra Hakimiyyətinin dəstəyi, Şəki 1 saylı Mediasiya Təşkilatının təşkilatçılığı ilə şəhid ailələri üçün iftar verilib. İftarda icra hakimiyyətinin əməkdaşları, rayon hüquq-mühafizə orqanlarının rəhbərləri, rayon ziyalıları və şəhid ailələri iştirak ediblər. Çıxış edənlər bildirib ki, bir neçə il əvvələ qədər hər Ramazan ayında torpaqlarımızın işğaldan azad edilməsi üçün dualar edilib, məclislərdə tezliklə bayramı azad Şuşada, Laçında, Kəlbəcərdə keçirmək arzulanırdısa, artıq üç ildir ki, Azərbaycan xalqı  Ramazan bayramını qalib xalq olaraq qeyd edir. Vurğulanıb ki, şəhid ailələrinə, qazilərə diqqət və qayğı dövlət siyasətinin vacib istiqamətlərindən biridir. Daha sonra ölkəmizin ərazi bütövlüyü və suverenliyi uğrunda canından keçən qəhrəman şəhidlərimizin ruhuna dualar oxunub.