Şəkidə I Qarabağ müharibəsi şəhidi Elşad İsmayılovun vaxtilə xatirəsinə inşa olunmuş bulağın bərpadan sonra açılışı olub. Açılış tədbirində şəhidin ailə üzvləri, müharibə içtirakçıları və ictimaiyyət nümayəndələri iştirak edib.

Çıxış edənlər şəhidin şərəfli ömür yolundan, döyüşlərdə göstərdiyi şücaətlərdən bəhs edib, onunla bağlı xatirələrini bölüşüblər. Ardınca xatirə bulağının açılış mərasimi baş tutub.

Tədbir məktəblilərin ifasında ədəbi- bədii kompozisiyalarla davam edib. Qeyd edək ki, Elşad İsmayılov 1992-ci ilin sentyabrın 6-da Ağdam uğrunda gedən döyüşlərdə qəhrəmancasına şəhid olub.