Şəki Dövlət PeşəTəhsili Mərkəzində şəhid Məmmədiyə Cabbarzadənin xatirəsinə həsr olunan "Ölümsüzlər" filminin təqdimatı olub. Təqdimatda şəhid ailələri, şəhər ictimaiyyəti, tələbələr iştirak ediblər. Çıxış edənlər Vətən müharibəsindən, şanlı ordumuzun, qəhrəmanlarımızın göstərdikləri şücaətlərdən danışıblar. Vurğulanıb ki, şəhidlərin şərəfli ömür yolu gənclərimizə örnəkdir. Məhz bu baxımdan şəhidlərin xatirəsinə həsr olunan, onların həyatından bəhs edən filmlərin vətənpərvər ruhlu vətəndaş yetişdirilməsində xüsusi önəmi var. Rəsmi hissədən sonra filmə ictimai baxış olub.

Hadisə yolun 123 km-də baş verib. Rayon Yanğından Mühafizə Hissəsinin qüvvələri əraziyə cəlb edilib. Məlum olub ki, yanğın “Mercedes” markalı nəqliyyat vasitəsində baş verib. Alov qısa müddətdə söndürülüb. Hadisə nəticəsində avtomobilin mühərrik hissəsi və elektrik avadanlığı yanıb. #kanals#xəbər#qəza

Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Şamaxıda BMW aşıb, 3 nəfər həlak olub. Hadisə saat 17 radələrində Şamaxı rayonunun Göylər kəndi ərazisində baş verib. 29 yaşlı Tural Fərhadzadənin idarə etdiyi “BMW” markalı avtomobilin aşması nəticəsində avtomobildə olan sürücü və sərnişinlər, Ağsu rayon sakinləri olan qardaşları - 53 yaşlı Sadiq Mətiyev, 58 yaşlı Xaləddin Mətiyev və onun oğlu 29 yaşlı Tural Fərhadzadə aldıqları müxtəlif dərəcəli bədən xəsarətlərindən vəfat ediblər. Faktla bağlı Şamaxı Rayon Polis Şöbəsində araşdırma aparılır.

Şəkidə yük avtomobili yanıb. Yevlax-Zaqatala-Gürcüstan magistral yolunun Şəkinin Çayqaraqoyunlu kəndi ərazisindən keçən hissəsində Türkiyə vətəndaşı 31 yaşlı Alp Büyükkabakçı Celalın idarə etdiyi "TIR" markalı yük avtomobili hərəkətdə olarkən anidən alışıb. Əraziyə Yevlax və Şəki rayon Dövlət Yanğından Mühafizə Hissələrinin yanğınsöndürən texnikaları və şəxsi heyətləri cəlb olunub. Yanğın nəticəsində yük avtomobilinin ön hissəsi yanaraq yararsız vəziyyətə düşüb, xəsarət alan olmayıb. Faktla bağlı araşdırma aparılır.