Oğuz Rayon Polis Şöbəsinin əməkdaşları narkotik vasitələrin qanunsuz dövriyyəsini təşkil edən şəxslərə qarşı əməliyyatlar keçirib. Tədbirlərlə narkotiklərin satışı ilə məşğul olan, əvvəllər də analoji əmələ görə məhkum olunmuş 48 yaşlı Zaman Mabudov və 41 yaşlı Samir Mustafayev saxlanılıb.

Onlardan narkotik vasitə marixuana aşkar olunub. Məhkəmənin qərarı ilə hər iki şəxs barəsində həbs qətimkan tədbiri seçilib. Şöbə əməkdaşlarının keçirdikləri digər əməliyyatlar nəticəsində isə rayon ərazisində narkotik vasitələrin qanunsuz dövriyyəsi ilə məşğul olan daha 7 nəfər tutularaq istintaqa təhvil verilib. Faktlarla bağlı araşdırmalar davam etdirilir.

İndi isə turizm sahəsində bələdçi problemindən danışacağıq. Azərbaycana gələn turistlərin ölkəmizin tarixi əhəmiyyətli yerləri haqqında kifayət qədər məlumatlandırılmadığı deyilir. Turizm ekspertləri deyir ki, Azərbaycanda bütün bələdçilər kifayət qədər bilikli deyil və işlərinə peşəkarcasına yanaşmırlar.

Belə olan halda isə ölkəyə gələn turistlər də yetərincə məlumatlı olmadan qayıdırlar. Hər xarici dil bilən bələdçidirmi? Turizm bələdçiləri işlərinə bələddirmi? Regionlarda bələdçi tapmaq niyə müşgülə çevrilib? Daha ətraflı sujetimizdə...

Şimal-qərb bölgəsinə yağan intensiv qar avtomobil yollarını iflic vəziyyətinə salıb. Bəzi yollarda hərəkət çətinləşib, gediş-gəliş məhdudlaşıb. Buzlu yollarda qəzalar da qaçılmaz olub.