Yeni Azərbaycan Partiyası Şəki rayon təşkilatı Ulu Öndər Heydər Əliyevin anadan olmasının 101-ci ildönümü münasibətilə “Heydər Əliyev və Azərbaycan gəncliyi” mövzusunda tədbir keçirib.

Azərbaycan Dövlət Pedaqoji Universitetinin Şəki filialında baş tutan tədbirdə əvvəlcə Ulu Öndərin həyat və fəaliyyətinə həsr edilən videoçarx nümayiş olunub. Ardınca çıxış edənlər dünya səviyyəli siyasətçi Heydər Əliyevin həyat və fəaliyyətindən, onun Azərbaycanın tərəqqisi yolunda, gənclərimizin əsl vətəndaş kimi formalaşmasında, sağlam düşüncəli yeni nəslin yetişdirilməsində əvəzsiz xidmətlərindən danışıblar.

Azərbaycanın yeni tarixinin bütün uğurlarının Yeni Azərbaycan Partiyasının banisi, Müstəqil Azərbaycan Respublikasının qurucusu Ümummilli Lider Heydər Əliyevin adı ilə bağlı olduğu vurğulanıb. Sonda partiyaya qəbul olunmuş yeni üzvlərə üzvlük vəsiqələri təqdim edilib.

Aprelin 19-da itkin düşən Şəki rayonu Cumakənd kənd sakini 64 yaşlı Çimnaz Mikayılovanın meyiti Əyriçayda aşkarlanıb. Meyit Fövqaladə Hallar Nazirliyinin Şəki rayon Dövlət Yanğından Mühafizə Hissəsinin yanğınsöndürən-xilasediciləri tərəfindən sudan çıxarılıb və hadisə yerinə cəlb edilmiş Təcili Tibi Yardım briqadasına təhvil verilib. Faktla bağlı Şəki rayon prokurorluğunda araşdırma aparılır.

Şəkidə 14 nömrəli tam orta məktəbdə Dahi Azərbaycan şairi Məhəmməd Füzulinin 530 illik yubileyi ilə əlaqədar “Əbədiyaşar Füzuli” adlı tədbir keçirilib. Tədbirdə təhsil işçiləri, müəllim və şagirdlər iştirak ediblər. Çıxış edənlər Məhəmməd Füzulinin həyatın və yaradıcılığından geniş bəhs edib. Dahi şairə həsr olunmuş videoçarx nümayiş etdirilib. Tədbir məktəblilərin hazırladığı ədəbi-bədii kompozisiya ilə yekunlaşıb. Dahi şairin şeir və qəzəlləri səsləndirilib, “Leyli və Məcnun” əsəri səhnələşdirilib. Qeyd edək ki, aprel ayı Elm və Təhsil Nazirliyi tərəfindən “Füzuli aylığı” elan olunub. Odur ki, bu cür tədbirlərin ay ərzində digər təhsil ocaqlarında da keçirilməsi planlaşdırılır.