Hadisə Zaqatala-Qax avtomobil yolunun Süskənd kəndi ərazisindən keçən hissəsində baş verib. Hərəkətdə olan tır qəfilətən alışıb. Sürücü Omara Qəderbaxş maşını saxlayıb, yanğına müdaxilə etmək istəsə də qarşısını ala bilməyib. Əraziyə yanğın söndürənlər cəlb edilib, yanğın söndürülüb. Amma buna baxmayaraq tırın böyük bir hissəsi, qoşqusu ilü birgə yanaraq yararsız vəziyyətə düşüb.

Fikrət Əmirov adına Gəncə Dövlət Filarmoniyası “Xalqın mədəni sərvəti” layihəsini bu dəfə Şəkidə təqdim edib. Görkəmli Azərbaycan bəstəkarı, Xalq artisti Süleyman Ələsgərovun 100 illiyinə həsr olunan layihənin beşinci günündə Şəki şəhər Heydər Əliyev Mərkəzində Süleyman Ələsgərovun yaradıcılığına həsr olunmuş konsert proqramı keçirilib.

Konsert proqramında xalq artistini sevənlər, mədəniyyət işçiləri və ictimaiyyət nümayəndələri iştirak ediblər. Çıxış edənlər Süleyman Ələsgərovun yaradıcılığından, Azərbaycan musiqisinə verdiyi töhvələrdən bəhs ediblər. Konsertdə Şəki şəhər Uşaq İncəsənət Məktəbi, və 2 , 3 və 4 nömrəli musiqi məktəblərinin müəllimləri tərəfindən bəstəkarın “Rəqs tokkata”, ⁠”Gözlə məni”, ⁠”Xəyala dalarkən”, ⁠”Vətənimdir”, ⁠”Daimi hərəkət” və s. mahnıları səsləndirilib.

Qeyd edək ki, "Xalqın mədəni sərvəti" layihəsi 8-14 yanvar tarixlərində simfonik muğam janrının banisi Fikrət Əmirova, 14-16 fevral tarixlərində dahi bəstəkarımız Qara Qarayevə, 27-29 mart tarixlərində xanəndəlik sənətinin görkəmli nümayəndəsi Cabbar Qaryağdıoğluna həsr olunub.

Şəki şəhərində Azərbaycan Minimal İnvaziv Cərrahlar Cəmiyyəti tərəfindən TƏBİB-in təşkilatı dəstəyi ilə "Milli invaziv cərrahiyyə bugün" adlı konfrans keçirilib. Çıxış edənlər səhiyyə sahəsində hazırki vəziyyət, innovasiya və yeniliklərin tətbiqindən danışıblar. Konfrans çərçivəsində bölgənin 15 rayonunda çalışan 200-dən artıq cərrah, ginekoloq, radioloq, qastroenteroloq, uroloq və həkim endoskopistlər üçün seminarlar keçirilib.

Azərbaycanda minimal invaziv cərrahiyənin bu günü, Laparaskopik cərrahiyədə ən son yeniliklər, minimal invaziv urologiyanın bu günü və s mövzularda məruzələr dinlənilib. İştirakçıları maraqlandıran suallar ətrafında diskussiyalar təşkil edilib. Konfransın ardınca endoskopik, tiroidektomiya, laparoskopiya, miomektomiya, TUR prostat rezeksiyası, lazer prokotloji əməliyyatlar ixtisaslı mütəxəssislərin moderatorluğu ilə canlı yayımlanıb. Həmçinin cərrahiyyə və əməliyyat tibb bacıları üçün canlı cərrahiyə və treninq kursu təşkil olunub.