Şəkidə Türk dünyasının böyuk şairi, Bəxtiyar Vahabzadənin 100 illiyinə həsr olunan "Türk dünyasının böyük söz ustadı" adlı musiqili tədbir keçirilib. Şəki şəhər 4 nömrəli Uşaq Musiqi Məktəbi və Bəxtiyar Vahabzadənin ev muzeyinin birgə təşkilatçılığı ilə həyata keçirilən tədbirdə idarə və təşkilatların nümayəndələri, mədəniyyət işçiləri iştirak ediblər. Çıxış edənlər bildirib ki, Bəxtiyar Vahabzadə milli ruhun, azadlıq düşüncəsinin səsi olan, xalqını vətənin sevən bir sənətkardır. Onun şeirlərində həm sevgi, həm vətənpərvərlik, həm də həyat həqiqətləri var. Tədbirin bədii hissəsində Şəki şəhər 4 nömrəli Uşaq Musiqi Məktəbinin kollektivinin ifasında xalq şari Bəxtiyar Vahabzadənin sözlərinə bəstələnən "Nəğmələr", "Yağma yağış", Nə danışdın nə dindin" və digər mahnıları səsləndirilib.

Qaxda odlu silah-sursat tapılması barədə polisə məlumat daxil olub. Polis əməkdaşları tərəfindən əraziyə baxış keçirilərkən oradan 2 ədəd “Kalaşnikov” avtomatı, daraqlar, 55 ədəd patron və 1 qumbara aşkarlanıb. Şöbə əməkdaşlarının keçirdikləri profilaktik tədbirlər nəticəsində isə rayon sakinləri müvafiq sənədləri olmayan 4 ədəd ov tüfəngini könüllü olaraq polisə təhvil veriblər.

Şəkidə yanğın baş verib. Şəki şəhəri Ə. Haqverdiyev küçəsində Vidadi Həmidova məxsus, ümumi sahəsi 288 kv/m olan ikimərtəbəli fərdi yaşayış evi yanıb. Yanğının söndürülməsi üçün əraziyə Şəki rayon Dövlət Yanğından Mühafizə hissəsinin texnikası və şəxsi heyətləri cəlb olunub. Yanğın nəticəsində yaşayış evinin yanar konstruksiyaları içərisində olan əşyalarla birlikdə yanıb. Evə bitişik yardımçı tikili və yaxınlıqdakı evlər yanğından mühafizə olunub. Yanğın zamanı xəsarət alan olmayıb. Faktla bağlı araşdırma aparılır.

Gecə saatlarında Zaqatala şəhəri, Saleh Qocayev küçəsində Nadir Sabir oğlu İsmayılovun yaşadığı evin həyətyanı sahəsindəki, ümumi sahəsi 25 kv/m olan yardımçı tikilidə yanğın baş verib. Yanğının söndürülməsi üçün əraziyə Zaqatala rayon Dövlət Yanğından Mühafizə hissəsinin texnikası və şəxsi heyətləri cəlb olunub. Yanğının genişlənərək yaxınlıqdakı tikililərə keçməsinin qarşısı alınıb. Yanğın nəticəsində yardımçı tikilinin yanar konstruksiyaları içərisində olan əşyalarla birlikdə yanıb. Yanğın zamanı xəsarət alan olmayıb. Faktla bağlı araşdırma aparılır.

Şəki-Zaqatala Regional Təhsil İdarəsinin, Azərbaycan Təhsil İşçiləri Azad Həmkarlar İttifaqının Şəki rayon komitəsinin birgə təşkilatçılığı ilə Ümummilli lider Heydər Əliyevin 102-ci ildönümü ilə əlaqədar "Əsrə bərabər ömür” adlı tədbir keçirilib. Tədbirdə ulu öndər Heydər Əliyevin həyatına və fəaliyyətinə həsr olunan "Əsrə bərabər ömür" adlı videoçarx nümayiş olunub. Rəsmi hissədə çıxış edənlər Azərbaycan xalqının gələcəyinə istiqamətlənmiş strategiyasında təhsil sahəsinin inkişaf etdirilməsinin Ümummilli lider Heydər Əliyevin prioritet istiqamətlərindən biri olduğunu vurğulayıblar. Sonra Şəki rayonu üzrə şagirdlər və müəllimlər arasında keçirilən inşa yazı müsabiqələrinin, Şahmat, Voleybol, futzal və digər yarış və müsabiqələrdə maksimum nəticə göstərərək fəxri yerlərə laiq görülənlərin fəxri fərmanlarla mükafatlandırılması mərasimi olub. Tədbir şagirdlərin ifasında ədəbi-bədii kompozisiyalarla davam edib.

Azərbaycanda 2025-ci il barama istehsalı mövsümünə start verilib. Bu il dövlət tərəfindən kümçülərə 6000 qutu tut ipəkqurdu toxumu paylanacaq.