Şəkidə iki avtomobil toqquşub. Hadisə bu gün günorta saatlarında Qaraməryəm-İsmayıllı-Şəki magistralının Şəki şəhəri ərazisindən keçən hissəsində baş verib. 65 yaşlı Səfiyev Özbəkin idarə etdiyi "Toyota Prado" markalı avtomobil 53 yaşlı İbrahim Həmidovun idarə etdiyi "VAZ 21099" markalı avtomobillə toqquşub. Hadisə nəticəsində "VAZ 21099" yoldan çıxaraq aşıb. Xoşbəxtlikdən xəsarət alan olmasa da, avtomobillərə ciddi ziyan dəyib. Faktla bağlı araşdırma aparılır.

Bəxtiyar Vahabzadənin 100 illik yubileyi ərəfəsində silsilə tədbirlər davam etdirilir. Bu dəfə Şəki-Zaqatala və Mərkəzi Aran Regional Mədəniyyət İdarəsinin birgə təşkilatçılığı ilə Ağdaşda konsert keçirilib...

Şəkidə yol-hərəkəti qaydalarına riayət etməyənlər cərimələnib 

Şəki şəhər İnteqrasiya təlimli internat tipli gimnaziyanın fəaliyyətində ciddi nöqsanlar aşkar edilib. Şəki-Zaqatala Regional Təhsil İdarəsinin məlumatına görə, yoxlama zamanı aşkarlanan nöqsanlara görə Məktəbəqədər və Ümumi Təhsil üzrə Dövlət Agentliyinin əmrinə əsasən, müəssisənin direktoru Taliə Babayevanın əmək müqaviləsinə xitam verilib. Təhsil müəssisələrində yoxlama və nəzarət tədbirləri isə davam etdirilir.

Şamaxı şəhərində quldurluq hadisəsi baş verib. Naməlum şəxslər şəhər sakininə fiziki güc tətbiq edərək ona məxsus içərisində 10 kiloqramdan artıq qızıl-zinət əşyaları olan çantanı quldurluqla talayaraq hadisə yerindən yayınıblar. 

Elmin, texnikanın sürətlə inkişaf etdiyi bir əsrdə, internetsiz həyatı təsəvvür etmək çətindir. Uzaq məsafələri yaxın edən, bir axtarışla istənilən sahədə məlumatı əlçatan edən bu vasitə günümüzdə həyatımızın ayrılmaz parçasına çevrilib. Ancaq Zaqatalanın Aşağı Tala kəndində sakinlərin bir qismi bu xidmətdən məhrumdurlar. Səbəb nədir, problem həllini tapacaqmı ? Sujetdən biləcəksiz...

Şamaxıda səhiyyə işçiləri arasında “Sağlamlığa doğru qaç” adlı qaçış layihəsinin növbəti mərhələsi təşkil olunub. Yarışda Şamaxı, İsmayıllı, Ağsu, Qobustan, Qəbələ, Şəki, Balakən, Zaqatala, Oğuz və Qax rayonlarının Səhiyyə İşçiləri Həmkarlar İttifaqı şura üzvləri, eləcə də Şəki Tibb Kollecinin tələbələri olmaqla, ümumilikdə, 140 nəfər iştirak edib.