Son günlər baş verən qeyri-sabit hava şəraiti nəticəsində Şəkinin Baş Layısqı kənd sakini Rafiq Xəlilzadənin evinə ciddi ziyan dəyib. Belə ki, külək evin dam örtüyünü tamamilə uçurub. Nəticədə 4 otaqlı ev yararsız vəziyyətə düşüb. Kənd sakini yağış yağdıqca evinin tamamilə sıradan çıxdığını deyir.

Şəkidə Silahlı Qüvvələrin yaradılmasının 106-cı il dönümü ilə əlaqədar Şəki-Zaqatala regional təhsil idarəsi və Azərbaycan Təhsil işçiləri Azad həmkarlar ittifaqı Şəki rayon komitəsinin təşkilatçılığı ilə veteranlarla görüş keçirilib.

Qurum əməkdaşları birinci Qarabağ və Vətən müharibəsi veteran və qaziləri, Çernobıl əlilləri, Əfqanistan müharibəsi iştriakçıları ilə bayram süfrəsi arxasında bir araya gəlib. Tədbirdə vətənin bütövlüyü uğrunda canından keçən şəhidlərin əziz xatirəsi anılıb. Müstəqil Azərbaycanın güclü ordusu sayəsində Qarabağda qazanılan zəfərdən danışılıb.

Müharibə iştirakçıları keçdikləri döyüş yolundan qürurla bəhs edib, onlara göstərilən diqqət və qayğıya görə minnətdarlıq ediblər. Ardınca tədbir bədii hissə ilə davam edib. Sonda iştirakçılara bayram sovqatı paylanılıb.

Kadrlar İsmayıllının Qoydan kəndində qeydə alınıb. Aramsız yağan yağışlar kənddə torpaq sürüşməsinə səbəb olub.

Torpaq sürüşməsinin baş verdiyi əraziyə yaxın evlərin uçma təhlükəsi var. Sakinlər sürüşmənin davam edəcəyi təqdirdə evlərinə ciddi ziyan dəyəcəyindən narahatdır. Analoji hadisə kənddə 2016-cı ildə də baş verib. Həmin zaman da sakinlərə yeni evlərin tikilməsinə köməklik göstəriləcəyi vurğulansa da aradan 8 il keçməsinə baxmayaraq heç bir iş görülməyib.

Məsələ ilə bağlı icra nümayəndəsi Vüqar Bəşirov bildirib ki, aidiyyəti qurumların nümayəndələri əraziyə baxış keçiriblər: Layihə smeta sənədlərinin hazırlanması işləri aparılır. Yaxın gələcəkdə həmin ərazidə yaşayan insanların təhlükəsizliyinin qorunması üçün lazımı atdımlar atılacaq. Sakinlərə isə ümid etmək qalır ki, həmin addımlar atılanadək sürüşmə genişlənib hər hansı fəsad törətməsin.