Şəkidə hüquq-mühafizə orqanlarının təhsil müəssisələrində maarifləndirici tədbirləri davam edir.

Şəki şəhərində 15 il əvvəl başlayan içməli su və kanalizasiya xətlərinin çəkilişi prosesi hələ də davam edir. Prosesin yekunlaşmayan hissəsinin görülməsi üçün ötən il dövlət büdcəsindən əlavə vəsait də ayrılıb. İşlər hazırda hansı mərhələdədir, nə zaman başa çatdırılacaq sujetdən biləcəksiz...

Bu yaz yenə Şamaxı çölləri al lalələrə bürünüb. Mülayim yaz havasında yaşıl təbiətin sinəsində qızaran lalələr ətrafı əsrarəngiz gözəlliyə qərq edib. Xüsusilə Şamaxının qədim və tarixlə zəngin Kələxana kəndinin ətrafında açan laləliklər bu bölgəni görənləri heyran edir.

Bu il respublika üzrə kümçülərə 6 min qutu ipəkqurdu toxumunun inkubasiya olunaraq paylanılması nəzərdə tutulur. Əməkdaşlarımızı Qax Damazlıq İpəkçilik Stansiyasında olub, inkubasiya olunacaq ipəkqurdu toxumunun məntəqələr üzrə paylanılması bölgüsü ilə maraqlanıb.

İsmayıllıda avtomobil qəzası baş verib. Sürücü Naxçıvan sakini 25 yaşlı Abdurezzaq Şirinov idarə etdiyi “Hunday” markalı avtomobildə idarəetməni itirərək maşını aşırıb. Hadisə nəticəsində, avtomobilin sürücüsü və sərnişinlər Naxçıvan sakinləri 60 yaşlı İsa Abbasov, 57 yaşlı Zəminə Abbasova müxtəlif dərəcəli bədən xəsarətləri ilə rayon mərkəzi xəstəxanasına çatdırılıblar. Onların vəziyyətinin orta-ağır olduğu bildirilir. Faktla bağlı araşdırma aparılır.

Şəkidə son bir neçə ayda Daşbulaq, Daşüz, Şorsu və daha 4 kənddə silsilə oğurluqlar törədən şəxslər aşkar edilib. Polis Şöbəsinin həyata keçirdiyi əməliyyat tədbirləri nəticəsində Taleh Novruzov, Şükür Mustafayev, Cahid İsrafilov və Vaqif Nuriyev saxlanılıblar. Onlar icarəyə götürdükləri avtomobillərlə son 9 ay ərzində bir neçə dəfə Bakıdan Şəkiyə gələrək burada oğurluq etdiklərini bildiriblər. Gecə saatlarında tövlələrə daxil olan dəstə üzvləri dəyəri 30 min manata yaxın olan 26 baş mal-qaranı oğurlayaraq ələ keçiriblər. Araşdırmalarla dəstə üzvlərinin oğurladıqları heyvanları Bərdə, Ağdaş, Göyçay və Bakı şəhərində satdıqları müəyyən olunub. Faktla bağlı cinayət işi başlanılıb, məhkəmənin qərarı ilə saxlanılanların hər biri barəsində həbs qətimkan tədbiri seçilib.