Yay aylarında məktəblər, universitet və kolleclər tətilə çıxır. Artıq boş vaxtları daha da çox olan şəkili gənclər də səmərəli vaxt keçirmək, istirahət etmək üçün məkanlar axtarır. Ancaq təəssüf ki tapmır. Nəticədə vaxtlarını şəhər ərazisində saysız-hesabsız olan çayxanalarda keçirməli olur.

Şəhə ərazisində apardığımız sorğudan da aydın oldu ki, yeniyetmə və gənclər də Şəkidə əylənmək, səmərəli vaxt keçirmək üçün yetəri qədər imkanların olmadığını düşünürlər.

Bəs, Şəkidə gənclər üçün hansı işlər görülür və ya hansı tədbirlərin görülməsi planlaşdırılır? İdarədən həmçinin bildirildi ki, gənclər Şəki şəhəri üzrə gənclər və idman idarəsinə müraciət edərək həmin düşərgələrdə iştirak edə bilərlər.

Ancaq təbii ki, bu, problemin köklü həll deyil. Sağlam düşüncəli, özünü inkişaf etdirən yeniyetmə və gənclərin olması üçün onların inkişafına dəstək verəcək kompleks tədbirlərin görülməsi vacibdir.

Dünən axşam saatlarında #Şəkiyə yenidən yağan #leysan yağışları və güclü küləyin ardınca "Taxta Qaya" adlanan ərazidə torpaq sürüşməsi baş verib.

Qaya parçaları, daş, çınqıl, lilli çöküntü tökülüb ki, bu da yolu keçilməz edib. Nəticədə şəhər mərkəzi ilə istirahət məkanlarını birləşdirən avtomobil yolu bağlanıb, turistlər və yerli sakinlər köməksiz vəziyyətdə qalıb.

DYPB əməkdaşları, həmçinin aidiyyatı qurumların canlı qüvvə və texnikaları hadisə yerinə cəlb olunub. Yolun təmizləndikdən sonra hərəkət bərpa edilib.

Şəkidə bostan bitkilərinin arasında çətənə kolu yetişdirən şəxs saxlanılıb. Polis əməkdaşlarının keçirdiyi əməliyyatla saxlanılan Taleh Əlimovun Aşağı Layısqı kəndində, yaşadığı evin həyətində kultivasiya yolu ilə yetişdirdiyi çəkisi 20 kiloqram olan 44 ədəd çətənə kolu aşkarlanıb.

Zaqatalada dörd gün əvvəl avtomobilin vurduğu 14 yaşlı yeniyetmə xəstəxanada ölüb. 2010-cu il təvəllüdlü Əkbər Alxasov müalicə aldığı Zaqatala Rayon Mərkəzi Xəstəxanasının Cərrahiyyə korpusunun Reanimasiya şöbəsində dünyasını dəyişib.

Meyit müayinə olunmaq üçün Məhəmə Tibbi Ekspertiza və Potoloji Anatomiya Birliyinin Zaqatala rayon Şöbəsinə təhvil verilib.Qeyd edək ki, 14 yaşlı Əkbər Alxasovu iyunun 22-i axşam saatlarında Zaqatala şəhəri Salahəddin Kazımov küçəsində 39 yaşlı Abdulla Ömərovun idarə etdiyi Toyota markalı minik avtomobili vurub. Hadisə ilə bağlı cinayət işi başlanıb.

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin təşkilatçılığı ilə sosial-psixoloji reabilitasiya xidmətləri ilə təmin edilmək üçün ölkəmizə gətirilən ukraynalı uşaqlar üçün Şəki turu təşkil edilib.

Daha əvvəl İçərişəhər və Şirvanşahlar Sarayı Kompleksi, Qız Qalası və dənizkənarı bulvar, həmçinin Atəşgah məbədi, Yanardağ abidəsi və Qəbələyə səfər edən uşaqların növbəti dayanacağı Şəkidə məşhur Xansarayı olub. Xansarayı, Abad mərkəzi, Karvanasaray kimi tarixi abidələri böyük maraqla gəzən uşaqlar səfərdən məmnun qalıblar.

Bu gün səhər saatlarında Şəki şəhəri Sabit Rəhman küçəsində kişi meyiti tapılıb. İlkin araşdırma zamanı tapılan şəxsin 38 yaşlı Şəki şəhər sakini Aqil İsmayılov olduğu müəyyən edilib.

Aqil İsmayılovun hansı şəraitdə ölməsi aparılacaq araşdırmalardan sonra məlum olacaq. Faktla bağlı Şəki rayon prokurorluğunda araşdırma aparılır.