Ölkə əhəmiyyətli yollardan biri sayılan Yevlax-Zaqatala-Gürcüstan ilə dövlət sərhədi magistral yolunun Şəki-Qax və Qax-Zaqatala hissəsi uzun illərdir təmir edilmədiyindən yararsız vəziyyətə düşüb. Magitralın 78 kilometrlik təmirsiz hissəsi sürücülərə və bu yoldan hər gün istifadə etmək məcburiyyətində qalan ətrafda yaşayan sakinlərə çətinliklər yaradır. Bəs, təmir işləri aparılacaqmı? Sujetdən biləcəksiniz..

29 aprel – dünyada Beynəlxalq Rəqs Günü kimi qeyd olunur. Bu günün əsas məqsədi rəqs sənətinin müxtəlifliyini tanıtmaq, onun bəşəriyyətin ortaq dili olduğunu vurğulamaqdır... Şəkidə Beynəlxalq Rəqs Günü və Şəki şəhər Uşaq İncəsənət məktəbinin müəllimi, xareoqraf Xumar Əsədovanın 20 illik yubileyi münasibətilə "Rəqsin Xumar nağılı" adlı konsert keçirilib. Regional Mədəniyyət İdarəsi və İcra Hakimiyyətinin birgə təşkilatçılığı ilə Şəki Dövlət Dram Tatrında baş tutan konsertdə rayon rəsmiləri, mədəniyyət işçiləri, şəhid ailələri, qazilər, şəhər ictimaiyyəti iştirak edib. Konsert proqramında Xumar Əsədovaının yaradıcılığını və bu günün önəmini əks etdirən videoçarx nümayiş olunub. X.Əsədova və şagirdləri maraqlı rəqs nömrələri ilə çıxış ediblər.

Zərifə Əliyeva yüksək mədəniyyəti, incə qəlbi, elmə sədaqəti ilə qədirbilən xalqımızın yaddaşında həmişə yaşayır, daim böyük ehtiramla anılır. Bu fikirlər akademik Zərifə Əliyevanın anadan olmasının 102-ci ildönümü münasibətilə Şamaxıda keçirilən konfransda səsləndirilib. Rayon İcra Hakimiyyəti və Mərkəzi Rayon Xəstəxanası Publik Hüquqi Şəxsin birgə təşkilatçılığı ilə baş tutan tədbirdə rayon rəsmiləri, tibb işçiləri və ictimaiyyət nümayəndələri iştirak edib. Çıxış edənlər akademik Zərifə Əliyevanın tibb elminin inkişafındakı xidmətlərindən, oftalmologiya sahəsinə gətirdiyi yeniliklərdən danışıblar. Bildirilib ki, görkəmli oftalmoloq-alim Zərifə Əliyeva qayğıkeş həkim, eyni zamanda, gözəl ana və fədakar həyat yoldaşı kimi şərəfli bir ömür sürüb. Sonda Zərifə Əliyevanın həyat və fəaliyyətinə həsr olunan qısametrajlı film nümayiş olunub.