Balakən rayonunun Qullar kəndində AQTA Şəki Regionl bölməsinin əməkdaşları ərəfindən keçirilən maarifləndirici tədbirldə sakinlərə həşarat və onunla mexaniki mübarizə tədbirləri barədə geniş məlumat verilib. Bildirilib ki, qonşu Gürcüstan Respublikasından yük maşınları vasitəsi ilə keçdiyi guman edilən qəhvəyi mərmər taxtabiti 49 fəsiləyə aid 300-dən çox bitki ilə qidalanır ki, bunlardan 113-ü Azərbaycan florasında mövcuddur. Meyvə bitkilərindən daha çox fındıq, alma,armud, xurma, sitrus meyvələri, kivi, üzüm, tərəvəz bitkilərindən kələm, xiyar, balqabaq, lobya, pomidor, texniki bitkilərdən tütün, pambıq, şəkər çuğunduru, günəbaxan, o cümlədən qarğıdalı, soya bitkilərinə, meşə,dekorativ və bəzək ağac,kol bitkilərinə ziyan vura bilir. Bir dəfəyə 300-dək yumurta qoymaq qabiliyyətinə malik bu həşarat bağ və bostanlarda məhsulun keyfiyyətinə zərər vurduğu kimi, ümumi məhsuldarlığıda 80-90 faizədək aşağı salır. Son bir ayda sözügedən ərazilərdə kütləvi rast gəlinən bu həşarat bölgənin ən ixracyönümlü məhsullarından sayılan fındıq, qoz, tütün, eləcədə qarğıdalı kimi vacib qıda məhsullarına zərər verə bilər. Aidiyyati qurumlarla yanaşı, əhalidə mexaniki mübarizə tədbirlərinə qoşulmalı, həşaratın kütləvi çoxalmasına və yayılma arenasının artasına əllərindən gəldikcə əngəl olmalıdırlar. İstini xoşlayan bu həşarat qışlama dövrünə əsasən evlərə və evlərin çaraqlarına doluşur. Bu zaman onları salafan torbalara toplayaraq, ağzını kip bağlı şəkildə yandırmaq lazımdır ki,dişi fərdlərin daxilində sonradan inkiaf edə biləcək yumurtalarda məhv olsun. Sözügedən həşarat 2010-cu ildə ABŞ-nən bəzi Ştatlarında alma məhsuluna 37 milyon dollar, 2016-cı ildə Gürcüstanda fındıq istehalına 53-59 milyon dollar, 2017-2019-cu illərdə isə Türkiyədə fındıq bitkisinə 1 milyard dollaradək zərər vurub. 

Balakəndə ELm və Təhsil Nazirliyi, Təhsildə İnkişaf və İnnovasiyalar üzrə VI qrant müsabiqəsinin qalibi olan "Balakən müəllimləri üçün videoçarxların hazırlanması mərkəzi" layihəsi uğurla başa çatıb. Layihə çərçivəsində ümumilikdə 12 təlim keçirilib.  Təlimlərdə iştirak edən 30 müəllim  öyrəndikləri proqramları məktəbdə çalışan digər həmkarlarına da öyrədərək dərslərdə tətbiq edəcəklər.

Şəkidə Təhsildə inkşaf və innovasiyalar üzrə 6-cı Qrant müsabiqəsinin “Məntiq səfərbərliyi” intellektual yarışının bağlanışı olub. 3 ay ərzində 5-ci və 6- cı sinif şagirdlərinə tədris edilən  layihənin  qalibi şəhər 14 saylı orta məktəbin müəllimi olub. Layihədə iştirak edən şagirdlər arasında final yarışı keçirilib. Toplanılan ballara əsasən qalib olan məktəblilərə sertifikat, diplom, medal və kuboklar təqdim edilib. 

Qaxda bir ailənin 5 üzvü zəhərlənib. 64 yaşlı Xanım Xəlilova, 40 yaşlı Məhəmməd Xəlilov, Günay Mahmudova, eləcə də 2 azyaşlı qida zəhərlənməsi diaqnozu ilə xəstəxanaya müraciət edib. Onların vəziyyətlərinin kəklikotu çayı içdikdən sonra pisləşdiyi ehtimal olunur. Faktla bağlı araşdırma aparılır.

Şəkidə müstəqil Azərbaycan dövlətinin banisi, Ulu Öndər Heydər Əliyevin vəfatının 19-cu ildönümünə həsr olunmuş tədbir keçirilib. Əvvəlcə müasir Ümummilli Liderin abidəsi ziyarət olunub. Ardınca keçirilən tədbirdə Rayon İcra Hakimiyyəti, hüquq-mühafizə orqanları, şəhid ailələri, qazilər və rayon ictimaiyyətinin təmsilçiləri iştirak ediblər. Çıxış edənlər Ulu Öndərin həyat və fəaliyyətindən danışıb, xalqımızın bu gün firavan yaşamasında misilsiz xidmətlərindən bəhs olunub. Vurğulanlıb ki, bu dahi insan Azərbaycan xalqının yaddaşına qurucu və xilaskar dövlət xadimi,milli lider və xalqın məhəbbətini qazanan öndər kimi qalıb.

Respublikanın hər yerində olduğu kimi Salyanda da Ulu Öndər Heydər Əliyevin vəfatının 19-ci ildönümünə həsr olunan anım tədbiri keçirilib. Anım tədbirində rayon İcra Hakimiyyətinin, hüquq-mühafizə orqanlarının, idarə, müəssisə, təşkilatların rəhbərləri, ziyalılar və ictiamiyyət nümayəndələri iştirak edib. Tədbir iştirakçıları səhər saatlarından şəhərin mərkəzində Heydər Əliyev adına Parkda toplaşaraq burada Ümummilli Liderin ucaldılan möhtəşəm abidəsini ziyarət ediblər. Abidə önünə gül-çiçək dəstələri düzülüb, ulu öndərin xatirəsini ehtiramla yad edilib. Anım tədbiri axşam saatlarınadək davam edib.

Zaqatala rayonunda da Azərbaycan xalqının xilaskarı, Ulu öndər Heydər Əliyevin xatirəsi anılıb.Tədbir iştirakçıları ilk öncə Ümummilli liderin abidəsini ziyarət edib, önünə tər çiçəklər düzərək, xatirəsini ehtiramla yad ediblər. Sonra Heydər Əliyev Mərkəzində dahi şəxsiyyət Heydər Əliyevin anım günü münasibəti ilə elmi praktiki konfrans keçirilib. Zaqatala rayon fəallarının iştirak etdiyi tədbirdə çıxış edənlər müasir Azərbaycan dövlətinin memarı və qurucusu, xalqımızın müdrik rəhbəri, dünya şöhrətli siyasi xadim, türk dünyasının böyük oğlu Heydər Əliyevin müasir Azərbaycanın tarixindəki rolu, demokratik, hüquqi dövlət quruculuğu istiqamətində həyata keçirdiyi uğurlu siyasət barədə ətraflı məlumat veriblər. Sonda Ulu Öndərin gərgin həyat və fəaliyyətindən bəhs edən film nümayiş etdirilib.

Ulu Öndər Heydər Əliyevin xatirəsi ölkəmizin hər yerində olduğu kimi, Qaxda da dərin hörmət və ehtiramla anılıb. Rayon icra hakimiyyətinin, idarə, müəssisə və təşkilatların rəsmiləri, ictimaiyyət nümayəndələri Ulu Öndərin abidəsi qarşısına gələrək, dahi rəhbərə ehtiramlarını nümayiş etdiriblər. Abidə önünə gül-çiçək düzülüb, xalqımızın bu gün firavan yaşamasında misilsiz xidmətləri olan Ümummilli Liderin xatirəsi ehtiramla anılıb.

Qəbələdə Ümummilli Lider Heydər Əliyevin “Anım Günü” qeyd edilib. Rayon İcra Hakimiyyətinin, hüquq-mühafizə orqanlarının rəhbərliyi, idarə, müəssisə və təşkilatların, rayon ictimayyətinin nümayəndələri Ulu Öndər Heydər Əliyevin şəhərin mərkəzində ucaldılmış abidəsini ziyarət eDIB, abidə önünə gül dəstələri düzərək dahi rəhbərin xatirəsinə böyük hörmət və ehtiramlarını bildiriblər.Sonra tədbir dəyirmi masa arxasında davam etdirilib.

Payız fəslindən başlayara havaların soyuq, şaxtalı keçməsi qışın da sərt olacağından xəbər verir. Bu isə sürücülərin avtomobilini qış rejminə hazırlamasını qaçılmaz edir. Qarlı və yağışlı hava şəraitində, yollarda avtomobil idarə etmək çətin olduğu qədər də təhlükəlidir. Sürücülər də yolda qalmamaq və çətinliklərlə üzləşməmək üçün avtomobilləri qışa hazırlamağa başlayıblar. Amma hazırlıqsız olanlar da var. Ustaların sözlərinə görə, qışda avtomobillər nəqliyyat üçün saz vəziyyətə gətirilməlidir. Təkər seçiminə gəldikdə isə, sürücülər əsasən rezin təkərlərə üstünlük verməlidirlər. Ustalar xüsusi vurğulayır ki, qış aylarında təkcə təkər yeniləməklə və havasını tənzimləməklə iş bitmir. Diqqət edilməli olan başqa məqamlar da var. Avtomobillərini qışa hazırlamayan sürücüləri isə cərimə gözləyir. Qışda nasaz avtomobildə yaranan problem təkcə maddi ziyan vurmur, qəzalarla nəticələnir və hətta bədbəxt hadisələrə gətirib çıxarır. Odur ki, bütün sürücülər hər şeydən öncə özləri və sərnişinlərinin can güvənliyi üçün bundan yayınmamalıdırlar.

Şəki Olimpiya İdman Kompleksində Azərbaycan Gimnastika Federasiyasının yenidən qurulmasının 20 illik yubileyinə həsr olunmuş gimnastikanın 6 növü üzrə birgə yarışlar davam edir. Yarışların növbəti ikinci günündə bədii gimnastika üzrə 8 -15 yaşlı yeniyetmələr fərdi, halqa, top, gürzlər, batut gimnastikası və tamblinq üzrə 10-18 yaşlı gimnastlar, fərdi və qrup çıxışları proqramları ilə mübarizə aparıblar. Sonda nümayiş etdirilən hərəkətlərin icrasına görə verilən xallara əsasən qaliblər müəyyənləşdirilərək mükafatlandırılıblar. Qeyd edək ki, sabah yarışların son günündə 18-12 yaşlı yeniyetmələrin idman gimnastikası üzrə dayaqla tullanma, sərbəst hərəkətlər, halqalar, paralel qollar, turnik, müxtəlif hündürlüklü qollar, gimnastika tiri proqramları ilə mübarizə aparacaqlar. Onu da qeyd edək ki, yarışlara giriş sərbəstdir.