Şəkidə “3 Dekabr-Beynəlxalq Əlillər Günü” münasibəti ilə Reabilitasiya Mərkəzində tədbir keçirilib. Mərkəzin işçilərinin,  incəsənət,  musiqi məktəbinin, orta məktəbin şagirdlərinin, qazilər və mərkəzdə müalicə olunan əlillərin iştirak etdiyi tədbirdə çıxış edənlər ölkəmizin hər yerində olduğu kimi, Şəki rayonunda da əlillərin diqqət və qayğı ilə əhatə edildiyini, rayonda fəaliyyət göstərən fiziki və sağlamlıq imkanları məhdud şəxslərin müalicə olunduğunu bildiriblər. Onların cəmiyyətə fəal inteqrasiya olunması istiqamətində müvafiq işlərin görüldüyü, əlillərin rifah halının yaxşılaşdırılması, bu qəbildən olan insanların sosial problemlərinin həlli, mənzil şəraitinin daha da yaxşılaşdırılması və pensiya müavinətlərinin artırılması sahəsində məqsədyönlü addımların atıldığı diqqətə çatdırılıb. Daha sonra tədbir çərçivəsində mərkəzdə müalicə olunan əlillərə hədiyyələr verilib, işində fəal olan işçilərə təşəkkürnamələr təqdim olunub. Kanal S MMC də fəxri fərmanla təltif edilib. Ardınca əlillərin əl işlərinə baxış olub. Tədbir konsert proqramı ilə davam edib. 

Uzun illərdir heyvandarlıqla güzaranını təmin edən Mehman Soltanov artıq 7-8 ildir keçi təsərrüfatına keçid etdiyini deyir.Çəkliş vaxtımız gündüz saatlarına təsadüf etdiyindən təsərrüfat sahibi ilə örüş sahəsində görüşüb söhbətləşməli olduq. Əvvəllər qoyunçuluqla məşğul olduğuna diqqət çəkən fermer həm kəndin relyef quruluşuna, həm də keçinin məhsuldarlığına görə bu heyvanın təsərrüfatının daha qənaətbəxş olduğu fikdindədir. Onun sözlərinə görə, qazancında qoyunla müqayisədə fərq olmasa da, keçinin əti, südü, həm də pendirinə tələbat daha böyükdür. Müsahib onu da vurğulayır ki, keçi hər nə qədər qazanclı heyvan olsa da diri çəkidə qoyunla müqayisə oluna bilmir.Eyni zamanda keçinin iç piyindən,ətindən,südündən dərman vasitəsi kimi yararlananlarda az deyil.Fermer keçi təsərrüfatının hər həm xeyirli, həm də qazanclı sahə olsa da bu heyvanları xəstəlikdən qorumağın çətin olduğunu deyir. Bildirir ki, keçilər brüsselyoz xəstəliyinə yoluxan əsas heyvanlardan biridir. İnəklər,qoyunlar eləcə də camışlarla müqayisədə keçilərin daha çox otlaq sahələri meşələr,dağlar qayalıq ərazilər olur.Xüsusi ilə payız ayları keçilər üçün daha əlverişlidi. Belə ki,ağaclarda olan yarpaqlar və meyvlər yerə töküldüyündən keçilər bu məhsulları qida vasitəsi kimi qəbul edir.Səhərdən axşama kimi təqribən 30 km dağlarda yol qət edən keçilər axşama doğru kəndə yol alır. İldə 2 hərdən 3,4 bala verən keçilərin sağım müddətdi payızın ilk aylarına qədər davam etsə də amma bu müddət bəzən uzana da bilir.Keçi südündən əldə edilən pendirin 1 kq-in qiyməti mövsümə uyğun olaraq 8-12 manat arasında dəyişir.Digər çətin məsələ bu ağıllı həm də dəcəl keçiləri vəhşi heyvanların hucumundan qorumaqdı. Keçi biznesini böyütmək istəyən Mehman Soltanov təsərrüfatını sadəcə yerli cins heyvanlarla məhdudlaşdırmaq istəmir. Artıq türk və ərəb keçilərinin təkələrini alan fermer yaxın gələcəkdə təsərrüfatını tamamilə südvermə qabiliyyəti yüksək olan bu cinsdən heyvanlara çevirmək istəyir.

Qəbələdə 4 gün öncə itkin düşən şəxsin tapılması istiqamətində əməliyyat axtarış tədbirləri davam edir. Bu gün səhər satlarından FHN-nin Şimal-Qərb Regional Mərkəzinin xilasetmə qüvvələri 49 yaşlı Səyavuş Həmidovun axtarışlarına cəlb olunub. Axtarışda FHN-nin əməkdaşları ilə yanaşı itkin düşən səxsin yaxınları və qohumları da iştirak edib. Axtarışlar Qəbələnin şimal tərəfində dağ ətəyi ərazilərdə,dağlarda və şonqar bulağı adlanan dağ ətəyi və dağ üstü ərazilərdə aparılıb. DİN-in mətbuat xidmətindən bildirib ki, həmin şəxsin itkin düşməsi ilə bağlı Qəbələ Rayon Polis Şöbəsinə məlumat daxil olub. Hazırda onun tapılması istiqamətində axtarış tədbirləri aparılır.

Bərpa işləri zamanı 2021-ci ilin iyuna ayında mehrabın altı qazılarkən oradan böyük ölçülü sal daşları aşkar olunub. O zaman həmin hissədə bərpa işləri dayandırılıb və Şəki arxeoloji ekspedisiyası tərəfindən yoxlamalar aparılıb, ekspedisiyanın apardığı tədqiqat və qazıntı işləri nəticəsində həmin hissədən qəbir aşkar olunub. Qəbirdən 52 muncuq və tunc təsbeh başlığının tapılması dəfn olunanın yüksək dini və ya dövlət statuslu şəxs olması ehtimalını yaradırdı. Bu ehtimallar, eləcə də Salman Mümtazın əsərində Şəki xanı Məhəmmədhüseyn xan Müştağın Xan məscidinin mehrabının altında dəfn olunmasına dair qeydlərin olması əsas götürülməklə aşkarlanan tapıntılar üzrə yoxlamalar aparılmışdı. Heydər Əliyev Fondunun dəstəyi ilə aşkar olunan skeletdən nümunələr götürülmüş, radiokarbon və genetik analizlər aparmaq üçün Böyük Britaniyanın Oksford Universitetinin laboratoriyasına göndərilmişdi. Aşkar olunan skelet nümunələri və məscid ərazisindəki xan nəslinə aid digər qəbirlərdən götürülən nümunələr əsasında Böyük Britaniya ilə yanaşı, Avstriya, Estoniya və Türkiyədə də tədqiqatlar və genetik analizlər aparılıb. Laborator analizlərin nəticəsinə, eləcə də AMEA Arxeologiya, Etnoqrafiya və Antropologiya İnstitutunun elmi rəyinə əsasən, aşkar edilən qəbir Şəki xanı Məhəmmədhüseyn xana aiddir.

Bir neçə gündür yağan yağış və sulu qar gece saatlarından başlayaraq bəzi bölgələrdə qarla əvəzlənib. Lənkəran-Astarada qar intensiv xarakterli olub. Qar örtüyünün hündürlüyü Altıağacda 9, Şahdağda 3, Qusar və Qaxda 2, Qobustan, Quba, Şəki və Göygöldə 1 sm olub. Qobustan, Şamaxı və İsmayıllının dağ kəndlərinə yağan qarın qalınlığı 5-10sm-ə çatıb. Qeyri-sabit hava şəraiti avtomobil yollarına təsir etməyib. Bakı-Şamaxı-Yevlax yolu, Şamaxı-Pirqulu, Muğanllı-İsmayıllı, Şamaxı-Ağsu yolu hal hazırda işlək vəziyyətdədir.Yollar açıq olsa da qarın yağması davam edir magistrlar yolların bəzi hissələrində güclü duman var.Əsasən də duman Muğanallı-İsmayıllı və Ağsu dolaylarında müşahidə olunur.Görmə məsafəsi bir metrə enib.Sürücülər maşınlarının sürət həddini aşağı endirmək məcburiyyətində qalıblar. Qeyd edək ki, gecə saatlarında bu yollardan istifadən edən sürücülərə ehtiyatlı olmalarını, meteroloji amilləri nəzərə alaraq sürət həddinə əməl etmələrini tövsiyə olunur.

Bu ürək bulandiran mənzərə hansısa zibil poliqonunda deyil, Şamaxı rayonunun Çaylı kəndi ərazisində qeydə alınıb. Rayon mərkəzindən bir qədər aralıda olan bu ərazinin füsünkar təbiəti məişət tutlantıları ilə çirkləndirilib. Zibillik poliqonuna çevrilən əraziyə atılan tullantıların böyük əksəriyyəti tez alışan və yanğına meyilli olan tullantılardı.Əgər hər hansısa kənar müdaxilə olarsa, yanğınlar qaçılmaz olacaq. Digər tərəfdən açıq şəkildə tibbi tullantıların kəndin ətrafına atılması müxtəlif xəstəliklərin daha tez yayılmasına səbəb ola bilər. Zibillənən ərazi kənd sakinlərinə məxsus örüş sahələridir.Sakinlər deyir ki bura atılan müxtəlif tullantılar külək səbəbindən ətrafa yayılır. Yaxınlıqdakı taxıl sahələrinə yayılan müxtəlif tullantılar səbəbibindən kəndlilər əkin-biçin vaxtı sahələrdən istifadə edə bilmirlər. Zibilliyə çevrilən ərazinin yaxınlığında yerləşən su anbarının olması kənd sakinlərini narahat edir. Kəndin mənzərəsini pozan natəmizlik və pis qoxu bir yana, əhali həmin anbarın suyundan içir və təsərrüfatda istifadə edir. Nəticədə yaranan antisanitar vəziyyət insanlar və digər canlılar üçün həyati təhlükə yaradır. Ərazi təmizlənmədiyindən zibil günü-gündən artır. Məişət tullantıların toplanması və daşınması bilavasitə yerli özünü idarəetmə orqanlarının işi olduğundan kəndin bələdiyyəsi və kənd icra nümayəndəsi ilə əlaqə saxladıq. Hər ikisi müsahibə verməkdən boyun qaçırsa da sonradan icra nümayəndəsi açıqlama vermək qərarına gəldi. Ümid edirik ki, bununla da problem birdəfəlik həllini tapar.