Həftə içi 5 gün səhər saat 09:00-dan 11:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Şəkidə prezident seçkiləri ilə əlaqədar polisin seçkilərdə xidməti fəaliyyətinin daha da təkmilləşdirilməsinə həsr olunan regional seminar-müşavirə keçirilib. Çıxış edənlər seçki qanunvericiliyi, seçki komissiyalarının sistemi, seçki prosesi, onun mərhələləri və müddətləri, seçki komissiyaları və polis orqanlarının birgə fəaliyyətinin əsasları mövzularına toxunublar. Seminar-müşavirədə ATƏT-in uzunmüddətli beynəlxalq müşahidəçiləri də iştirak ediblər. Sonda iştirakçıları maraqlandıran suallar ətrafında fikir mübadiləsi aparılıb.

Mərzəndiyyə kənd sakinləri Elxan Əhmədov və yoldaşı Zenfira Əhmədova yaşadıqları evdə dəm qazından zəhərlənib. Nəticədə kişi ölüb, qadın isə xəstəxanaya yerləşdirilib. Faktla bağlı araşdırma aparılır.

Şəkidə də dəm qazından zəhərlənmə hadisəsi baş verib. Hadisə şəhərin Məzahir Abbasov küçəsində yerləşən evlərdən birində baş verib. 33 yaşlı Ələsgər Cəfərov, 65 yaşlı Fərahim Muradov, 44 yaşlı Zöhrab Hənifəyev və 33 yaşlı Lətif Mehdizadə dəm qazından zəhərlənmə diaqnozu ilə Şəki Rayon Mərkəzi Xəstəxanasına yerləşdirilib. Hazırda onların vəziyyətlərinin qənaətbəxş olduğu bildirilir. Məlumata görə, onlar həmin evdə kirayə qalırmış.

Sumqayit Seher Poeziya Evində 1-ci Vətən Muharibəsi qəhrəman şəhidimiz Əlizamin Huseynovun cənnətdəki 55 yaşı qeyd olunub. Tədbirdə şəhid ailələri, qazilər, yazarlar, şəhər ictimaiəti, Almaniya Medina Dərnəyinin nümayəndələri iştirak edib. Çıxış edənlər Əlizamin Huseynovun döyüş yolundan, gələcək nəslə örnək olacaq qəhrəmanlıqlarından danışıblar. Tədbirin bədii hissəsində vətənpərlik ruhlu şeirlər səsləndirilib. Sonda tədbir iştirakçıları müqəddəs şəhidlər Xiyabanını ziyarət edib, şəhidlərimizin ruhuna dualar oxuyublar.