Həftə içi 5 gün səhər saat 10:00-dan 12:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Həftə içi 5 gün səhər saat 10:00-dan 12:00-a kimi Kanal S-də "Xəbərin var?" adlı verilişin aparıcıları İsa Şükürov və Elyar Sadiqovdur.

Şamaxı-İsmayıllı-Muğanlı avtomobil yolunda qar yağması səbəbindən çətinliklər yaranıb, yolun buz bağlaması avtomobillərin hərəkətinə mane olub, müvəqqəti tıxac yaranıb. Xüsusilə də Lahıc qəsəbəsi istiqamətində gediş-gəliş dayanıb. Magistralda müəyyən hissələr qardan təmizlənsə də hazırda gediş-gəliş təhlükəli olaraq qalır. Yağan qar Şamaxı-Göylər-Padarçol avtomobil yolunu iflic edib. Çöl Göylər - Bakı istiqamətində hərəkət edən yük avtomobillərinin sürücüləri gecəni yolda keçirməli olublar. Çəkiliş apardığımızdan xəbər tutan Yol idarəsinin canlı qüvvə və texnikası yola qum-duz qarışığı səpdikdən sonra hərəkət qismən bərpa olunub. Ancaq rayonun Çaylı, Quşçu və Laləzar kəndləri istiqamətində vəziyyət gərgin olaraq qalır. Şamaxı, İsmayıllı və Qəbələnin dağətəyi yaşayış məntəqələrində qarın hündürlüyü 40 sm-i ötüb. Sözügedən ərazilərdə qarla yanaşı, qatı duman da müşahidə edilir. Gecə saatlarında şaxtalı hava səbəbindən yolların buz bağlayacağı ehtimal edildiyindən aidiyyatı qurumlar sürücülərə mümkün qədər yola çıxmamalarını tövsiyyə edir.

Ötən gündən etibarən Şimal-Qərb bölgəsinə yağan güclü qar Qax rayonunun Sarıbaş kəndi ilə nəqliyyat əlaqəsini kəsib. Hazırda Sarıbaşda güclü qar yağmaqda davam edir... Sarıbaşa qədər olan məsafənin dağlıq ərazidən keçməsi və relyef olaraq çətinliyi həmin yolları keçilməz edir. Kəndə getmək üçün 2 dəfə çay keçməlisən ki, bu da güclü qar yağan zaman mümkünsüz olur. Qaxdan İlisu kəndinə kimi 12 km-lik məsafə səhər saatlarında buz qatı ilə örtülsə də daha sonra yolda hərəkət bərpa edilib. İlisudan Sarıbaş kəndinə qədər olan 7-8 km-lik məsafədə isə hərəkəti təmin etmək mümkün olmayıb. Qeyd edək ki, Sarıbaş kəndi dəniz səviyyəsindən 1800 metr yüksəklikdə yerləşir. Hazırda kənddə 10 ailə yaşayır.