Aprelin 19-da itkin düşən Şəki rayonu Cumakənd kənd sakini 64 yaşlı Çimnaz Mikayılovanın meyiti Əyriçayda aşkarlanıb. Meyit Fövqaladə Hallar Nazirliyinin Şəki rayon Dövlət Yanğından Mühafizə Hissəsinin yanğınsöndürən-xilasediciləri tərəfindən sudan çıxarılıb və hadisə yerinə cəlb edilmiş Təcili Tibi Yardım briqadasına təhvil verilib. Faktla bağlı Şəki rayon prokurorluğunda araşdırma aparılır.

Şəkidə 14 nömrəli tam orta məktəbdə Dahi Azərbaycan şairi Məhəmməd Füzulinin 530 illik yubileyi ilə əlaqədar “Əbədiyaşar Füzuli” adlı tədbir keçirilib. Tədbirdə təhsil işçiləri, müəllim və şagirdlər iştirak ediblər. Çıxış edənlər Məhəmməd Füzulinin həyatın və yaradıcılığından geniş bəhs edib. Dahi şairə həsr olunmuş videoçarx nümayiş etdirilib. Tədbir məktəblilərin hazırladığı ədəbi-bədii kompozisiya ilə yekunlaşıb. Dahi şairin şeir və qəzəlləri səsləndirilib, “Leyli və Məcnun” əsəri səhnələşdirilib. Qeyd edək ki, aprel ayı Elm və Təhsil Nazirliyi tərəfindən “Füzuli aylığı” elan olunub. Odur ki, bu cür tədbirlərin ay ərzində digər təhsil ocaqlarında da keçirilməsi planlaşdırılır.

İsmayılı rayonunun Qaraqaya kəndinin yolu bərbad vəziyyətdədir. Sakinlərin sözlərinə görə, uzun illərdir su, palçığa görə, məktəblilər dərsə, valideynlər isə iş dalınca gedib-gəlməkdə çətinlik çəkirlər.

Elə ki, yağış yağır dağlıq ərazidə yerləşən kəndin yolları keçilməz olur. Xəstəni həkimə çatdırmaq, hətta alış-veriş etmək üçün at və eşşəkdən istifadə etmək lazım olur. Qaraqaya sakinləri dəfələrlə aidiyyəti orqanlara müraciət etsələr də, bu günə qədər yolda heç bir əməli iş görülməyib.

Məsələ ilə bağlı Qaraqaya kəndinin də daxil olduğu Təzəkənd bələdiyyəsindən bildirilib ki, yolun vəziyyətindən xəbərdardırlar. Amma... Avtomobil Yolları Dövlət Agentliyindən isə problemlə bağlı verilən cavab b+elə oldu. Qeyd edək ki, Qaraqaya kəndi İsmayıllı rayonunun səfalı və turizm üçün əlverişli kəndlərindən biridir. Burada 355-dən artıq sakin yaşayır.