Nailə Məmmədova 70 ildir ki, Göylərdə yaşayır , kəndin ən yaşlı sakinlərindən biridir. Nənə deyir ki, kiçik yaşlarından indiyədək kənddə su olmadığından hamı kimi o da bulaqlardan su daşımğa öyrəşib. Bulaq da yaşadığı evdən nə az, nə çox 1 km aralıda yerləşir.Məsafənin uzun olmasına baxmayaraq o, çiynində güyüm,əlində su qabı gündə ən azı 3,4 dəfə bulaqdan su gətirir. Nailə nənə deyir ki, gündə  ən çoxu 20 litr su daşıya bilir. Özümüz içməyə su tapmırıq deyə, mal-qara da susuzluqdan qırılıb batır. Daşıdıqları su içməyə, yeməyə,  paltar yumağa ancaq çatır. Göylər elə adı kimi yüksək zirvələrdə, dağlar qoynunda olmasına baxmayaraq, uzun illər davam edən susuzluq problemi sakinləri çıxılmaz vəziyyətə salıb. Deyirlər, ümid ən sonda ölür, amma onlar mövcud vəziyyətə o qədər qatlaşıblar ki, ümidləri belə qalmayıb.  Problem həll olunması bir yana, getdikcə dərinləşir, bulaqlar çoxdan qurumağa başlayıb. Bəlkə də artıq həyəcan təbili çalmağın vaxtıdır. Kənd bələdiyyəsinin sədri problemin kökündən həlli üçün külli miqdarda vəsait lazım olduğunu bildirib.

rmənilər Qərbi azərbaycanlılara qarşı sürgün planı həyata keçirməyə başlayan gündən soydaşlarımızı öz tarixi ata- baba torpaqlarında qovmaq üçün əllərindən gələni ediblər. Nəticədə Qərbi Azərbaycandan zaman-zaman zorla çıxarılan həmyerlilərimiz ölkəmizin müxtəlif rayonlarında məskunlaşmalı olublar.

Prezident İlham Əliyevin Qərbi Aərbaycandan olan bir qrup ziyalı ilə görüşməsi indi onların ümidlərini artırıb. Qaxda yaşayan Qərbi azərbaycanlılar da böyük coşqu və həvəslə öz doğma torpaqlarına qayıdacaqları günü səbrsizliklə gözləyirlər.

Öz doğma yurdlarından deportasiya olunanlar arasında hazırda Qaxın Turaaclı kəndində məskunlaşan qərbi azərbaycanlılar da var. Onlar heç bir dövrdə ermənilərin olmayan, azərbaycanlıların zorla çıxarıldıqları doğma yurdlarına qayıdacaqları günün həsrətilə yaşayırlar.

Köç həyatları da əzablı-əziyyətli olub qərbi azərbaycanlıların. Köçüb gəldikləri yerin iqliminə öyrəşə bilməyiblər. Bu səbəbdən geri qayıdanlar da olub. Ancaq yenə ögey münasibətlə rastlaşıb, doğma yurd-yuvalarını tək edib köçkün həyatı yaşamağa məcbur olublar.

İndi qərbi azərbaycanlıların gözündə ümid çırağı yanır, öz doğma yurd-yuvalarına qayıdacaqlarına inanırlar. Görünən odur ki, həmin günlər uzaqda deyil. Qərbi Azərbaycan torpaqları da tezliklə əsl sahiblərinə qovuşacaq.

Qəbələnin Yemişanlı kəndində yaşayan Özcan Alcanovu göstərəcəyik indi. Qəbələ şəhər Nicat Apayev adına 4 saylı tam orta məktəbin 6-cı sinif şagirdi istifadəyə yararsız elektrik cihazlarının hissələrini çıxararaq elektron oyuncaqlar hazırlayır. 12 yaşlı məktəbli yalnız oyuncaqlara maraq göstərmir. O bir neçə elektron avadanlıq da hazırlayıb.Gələcəkdə mühəndis olmağı arzulayan məktəbli boş vaxtının çoxunu yaratdığı qurğulara sərf edir. Müsahibimiz deyir ki, növbəti dəfə üçün dron düzəltməyi planlaşdırır. Özcan Alcanovun fizikaya böyük marağı var. Məktəblinin bu marağını görən valideynləri ona dəstək olur, övladlarının gələcəkdə yaxşı bir fizik və mütəxəssis olacağına inanırlar. Özcan hələlik olimpiadalarda iştirak etməyi, beynəlxalq yarışlara qatılmağı planlaşdırır. Gələcək üçün isə əsas hədəfi nüfuzlu universitetlərdə təhsil almaq, Vətəninə layiqli gənc kimi yetişib, uğurlar qazanmaqdır.

Bir neçə gün öncə Yevlax-Zaqatala-Gürcüstan magistral yolunun Zaqatala şəhərinin girəcəyində hissəsində Tala çayı üzərindəki körpününün vəziyyəti ilə bağlı sujet təqdim etmişdik. Sürücülərin əsas şikayəti və qoruxusu körpünün hər iki başında yaranan iri çatlar idi. Onu da qeyd edək ki, sürücülərin bu çatlardan yayınmaq istəyi bir çox hallarda qəzalara da səbəb olur.

Sujeti təqdim etdikdən dərhal sonra körpünün təmirinə başlandığını görən sürücülərin sevinci uzun çəkməyib. Çünki aidiyyatı qurum problemi kökündən həll etmək əvəzinə həmişəki kimi sadəcə çalaların üzərini çox primitiv üsulla örtüb. Başdan sovdu görülən təmirin ömrü isə heç iki gün də çəkməyib. Qeyri-peşakarcasına vurulan yamaqlar sökülüb və körpünün vəziyyəti yenə əvvəlki vəziyyətinə qayıdıb.

Xatırladaq ki, ötən əsrin 70-ci illərində inşa edilən körpünün uzunluğu 133 metrdir. 4 il öncə əsaslı şəkildə təmir edilən körpü ikitərəfli nəqliyyatın daha rahat hərəkət etməsi məqsədi ilə genişləndirilərək, eni 9 metrdən 12 metrə çatdırılıb. Körpünün başlanğıc və son hissələrində, yəni dəmir konstruksiyanın torpaqla birləşdiyi yerdə çatların əmələ gəlməsi isə intensiv hərəkətin olduğu bu yerdə baş verə biləcək fəlakətin xəbərçisidir.