Şamaxı rayon Heydər Əliyev Mərkəzinin və Dağlıq Şirvan Regional Təhsil İdarəsinin birgə təşkilatçılığı ilə Şamaxı Rayon Mədəniyyət Mərkəzində rayon məktəbliləri arasında Ulu öndər Heydər Əliyevin anadan olmasının 100 illiyi və 2023-cü ilin Heydər Əliyev ili elan edilməsinə həsr edilən \"Heydər Əliyev irsi milli sərvətimizdir\" mövzusunda intellektual yarış keçirilib. Yarışda Şamaxı rayon Heydər Əliyev Mərkəzinin direktoru, Dağlıq Şirvan Regional Təhsil İdarəsinin müdüru, Şamaxı Rayon Təhsil Sektorunun rəhbər və əməkdaşları iştirak edib. Yarışda 55 nəfərdən ibarət 11 komanda qalibiyyət uğrunda mübarizə aparıb. Gərgin və maraqlı mübarizə şəraitində keçən yarışda 1-ci yerə şəhər 10 saylı tam orta məktəbin \"Zirvə\" komandası, II yerə Sabir qəsəbə tam orta məktəbin \"Qarabağ\" komandası, III yerə isə şəhər 9 saylı tam orta məktəbin \"Xarı bülbül\" komandası layiq görülüb. Sonda qaliblərə Dağlıq Şirvan Regional Təhsil İdarəsi və Şamaxı rayon Heydər Əliyev Mərkəzi tərəfindən Fəxri fərman, kubok, hədiyyə və diplomlar təqdim edilib.

Şəkidə kişi və həyat yoldaşı dəm qazından zəhərlənib. Hadisə rayonun Şəki kəndində baş verib. Kənd sakinləri olan 35 yaşlı Zakir Cəlolov və həyat yoldaşı 37 yaşlı Rəsmiyyə Cəlolova yaşadıqları ünvanda dəm qazından zəhərləniblər. Hər iki şəxs Şəki Rayon Mərkəzi Xəstəxanasına yerləşdiriliblər. Həkim müayinəsindən sonra onların vəziyyəti stabilləşib. Faktla bağlı araşdırma aparılır.

Həyata keçirilməsi planlaşdırılan konsertə Şəki adı çəkildikdə ilk ağla gələn şəhərin tarixi memarlıq qoruğunda yerləşən Xan Sarayı və Karvansaraydan yürüşlə başlaması nəzərdə tutulur. Yürüşdə Şəkinin incəsənət adamlarının, musiqi qruplarının nümunəvi çıxışları baş tutacaq. Konsertdə Türkiyənin tanınmış popstarı Doğuş, Azərbaycanın sevimli müğənniləri Aygün Səmədzadə, Könül Kərimova, Rəşad İlyasov, Vasif Məhərrəmli, Nüşabə Ələsgərli və daha kimlər olacaq kimlər. Türkiyənin və Azərbaycanın məhşur simaları tanınmış ulduzların iştirak edəcəyi konsert proqramında aparıcı olmaq isə əlavə məsuliyyət, diqqət tələb edir. Məhşurlarla yanaşı müxtəlif musiqi qrupları da Şəki şəhər sakinlərini və qonaqlarını öz ifaları ilə feyziyab edəcəklər. Sakinlər də konsert gününün gəlməsini səbirsizliklə gözləyirlər. Daima ilklərə imza atan, qazandığı uğurlara doymayan, Azərbaycanın peykə çıxan ilk bölgə kanalı “Kanal S” olaraq bu cür möhtəşəm layihəyə təşkilatı və media dəstəyi verməkdən qürür duyuruq. Biz də hər kəsi mayın 7-də regionun ürəyi döyünəcəyi Şəkinin Bayraq meydanında məhşur müğənniləri, ulduzların canlı ifalarını dinləməyə və əsl bayram ab-havasını yaşamağa dəvət edirik.