Şəkili idmançılar respublika turnirindən uğurlu nəticə ilə geri qayıdıb. Belə ki, Azərbaycan kapoeyra tarixində ilk dəfə olaraq “Solo Kapoeyra Açıq Turniri” keçirilib. Bakıda baş tutan yarışda ölkə üzrə ümumilikdə 150-yə yaxın idmançı 15 fərqli yaş kateqoriyasında öz kapoeyra bacarıqlarını sınayıb. 4 idmançı ilə təmsil olunan Şəkinin elə dörd idmançısı da medalla geri qayıdıb. Onlardan biri qızıl, ikisi gümüş, daha biri isə bürünc medala layiq görülüb. İlk dəfə keçirilən bu üsulda sistemləşdirilmiş yarışın məqsədi yeni idmançıları yetişdirmək və onların peşəkarlıq səviyyəsini artırmaqdır.