Şəki Şəhər Uşaq İncəsənət Məktəbində xalq artisti, bəstəkar Süleyman Ələsgərovun 100 illik yubileyi ilə bağlı konsert proqramı təşkil edilib. Tədbirdə çıxış edənlər dahi bəstəkarın yaradıcılığından və Azərbaycan musiqisinə gətirdiyi yeniliklərdən danışıblar. Rəsmi hissədən sonra baş tutan konsert proqramında məktəbin gənc yetirmələrinin ifasında Süleyman Ələsgərovun "Vətənimdir", "Rəqs tokkata", "Sözsüz mahnıları", "Ölməz sərkərdə", "Xəyala dalarkən" və digər bəstələri səsləndirilib. Konsert proqramı tamaşaçılar tərəfindən rəğbətlə qarşılanıb.

Zaqatala Polisi qaçaqmalçılıq yolu ilə ölkəyə göndərilən külli miqdarda narkotik vasitənin və psixotrop tərkibli həblərin qanunsuz dövriyyəyə buraxılmasının qarşısını alıb.

Əməliyyat zamanı Gəncə şəhər sakini Mövsüm İsgəndərovun çantasından 2 kiloqrama yaxın marixuana, 20 ədəd metadon həbi, 34 qram tiryək, 22 qram metamfetamin və heroin aşkar edilib. Onun həmin narkotik vasitələri sosial şəbəkədə tanış olduğu iranlı narkotacirdən onlayn yolla aldığı və həmin şəxsin göstərişi ilə Gəncə şəhərinə apararaq orada satmaq istəməsi müəyyən edilib.

Mövsüm İsgəndərov əvvəlcədən fotoşəkillər vasitəsilə ona göndərilən Zaqatala rayonundakı ünvandan narkotik vasitələri götürüb getmək istəyərkən polis əməkdaşları tərəfindən yaxalanaraq istintaqa təhvil verilib. Faktla bağlı cinayət işi başlanıb.

Şəkidə rayon şəhidlərinə həsr olunmuş “Zəfərin kölgəsi - Şəki” sərgisi keçirilib. Sərginin açılış tədbirində rayon rəsmiləri, şəhid ailələri və ictimaiyyət nümayəndələri iştirak edib. Sərgidə rəssam Elmar Məmmədzadə və Natiq Məhərrəmovun müəllifliyi ilə hazırlanan Vətən Müharibəsi Şəhidlərinin şüşə üzərində kölgə effektli portretləri nümayiş etdirilib. Çıxış edənlər qəhrəmanlarımızın adlarının daim yaşadılması üçün belə tədbirlərin əhəmiyyətini qeyd ediblər. Sonda qəhrəmanlarımızın portretləri onların ailələrinə hədiyyə edilib.

Hadisə Bayan kəndindəki fermada, 64 yaşlı Yaşar Həsrətova məxsus ümumi sahəsi 260 kv/m olan tövlədə baş verib. Yanğın zamanı tövlədə olan 34 baş inək və 4 baş buzov yanaraq tələf olub. Hadisə yerinə Fövqəladə Hallar Nazirliyinin Oğuz Rayon Dövlət Yanğından Mühafizə Hissəsinin yanğınsöndürən texnikaları və şəxsi heyəti cəlb edilib. Yanğının yaxınlıqdakı diğər tikililərə keçməsinin qarşısı alınıb.