Şəki şəhər 10 nömrəli tam orta məktəbdə yol hərəkəti qaydaları ilə bağlı maarifləndirici tədbir keçirilib. Tədbirdə Şəki Şəhər-Rayon Polis Şöbəsinin Dövlət Yol Polisi Bölməsinin təbliğat və təşviqat üzrə inspektoru, Şəki-Zaqatala Regional Gənclər və İdman İdarəsinin Şəki şəhər üzrə Gənclər və İdman İdarəsinin baş məsləhətçisi, müəllim və şagirdlər iştirak ediblər.

Əvvəlcə şagirdlərə küçə hərəkəti qaydaları barədə ətraflı məlumat verilib. Daha sonra şagirdlər yol hərəkəti qaydalarına aid şeirlər, mahnılar səsləndirib, səhnəciklər nümayiş etdirməklə öz bilik və bacarıqlarını nümayiş etdiriblər.

Şəkidə 68 yaşlı piyadanı avtomobil vurub. Hadisə saat 17:30 radələrində şəhərin Mirzə Fətəli Axundzadə küçəsində baş verib. Murad Əfəndiyev idarə etdiyi “Lada Priora” markalı avtomobil ilə yolu keçən piyada Əntiqə Fətəliyevanı vurub. O, aldığı xəsarətlərdən hadisə yerində vəfat edib. Sürücü hadisəni törətdikdən sonra ərazidən uzaqlaşsa da polis əməkdaşları onu saxlayıb. Faktla bağlı araşdırma aparılır.