Şəkidə Futbolun İnkişafı Fondunun təşkilatçılığı ilə “Sheki City” futbol klubuna dəstək tədbiri keçirilib. Təbirdə Futbolun İnkişafı Fondunun, Uşaq və Gənclər Futbol Federasiyasının rəsmiləri, millət vəkili, klubun prezidenti,veteran futbolçular, yerli sahibkarlar və təşkilat rəhbərləri iştirak edib. Komandanın gələcək inkişafı, klubun tam formalaşması istiqamətində atılacaq addımlar, iş adamlarının dəstəyi ilə biznes klubunun yaradılmasından bəhs edilib. Yerli futbolçuların azlığından gileylənən klubun prezidenti bildirib ki, şəkili oyunçuların sayının artırılmasının vacibliyindən danışıb.

Şəkidə Heydər Əliyev mərkəzində baharın gəlişi və Novruz bayramı münasibəti ilə “Novruz nəğmələri” adlı musiqili tədbir keçirilib. Şəki şəhər Uşaq İncəsənət məktəbinin M.F.Axundzadə adına Şəki Mədəniyyət Mərkəzi ilə birgə təşkil etdiyi tədbirdə şəhid ailələri, qazilər, mədəniyyət işçiləri və şəhər ictimaiyyəti iştirak edib. Tədbir iştirakçıları ilk öncə məktəbinin şagirdlərinin yaradıcılıq işləri ilə tanış olublar. Ardınca novruz bayramı və çərşənbələrə həsr olunan videoçarxlar nümayiş olunub. Bədii hissədə məktəbin müəllim və şagirdləri maraqlı proqramla çıxış edib. Sonda mədəniyyət sahəsində fərqlənən, müxtəlif yarış və müsabiqələrdə yer tutanlar mükafatlandırılıblar.

Zaqatalada baş verən qəzada bir nəfər ölüb. Hadisə Zaqatala-Muxax-Yuxarı Çardaqlar avtomobil yolunun rayonun Muxax kəndindən keçən hissəsində baş verib. Elçin Məmmədovun idarə etdiyi “GAZ-24” markalı avtomobil 64 yaşlı İsmayıl Əminovun idarə etdiyi motosikletlə toqquşub. Nəticədə motosikletin sürücüsü aldığı xəsarətlərdən hadisə yerində ölüb. Hadisə ilə bağlı cinayət işi başlanılıb, araşdırmalar aparılır.

Qlobal iqlim dəyişkənliyi kənd təsərrüfatına da öz təsirini göstərir. Fevralın sonlarında və martın əvvəlində havaların yağıntılı olması, ardınca isə müşahidə olunan isti havalar taxıl sahələrində alaq otlarının sürətlə artmasına gətirib çıxarıb. Bu səbəbdən də Şəkidə məhsul itkisinin qarşısını almaq üçün sahələrdə alaq otlarına qarşı dərmanlama işlərinə əvvəlki illərə nisbətən daha erkən başlanılıb.