Super User
Şəhidin xatirəsi doğum günündə anılıb...
Şəkinin Qoxmuq kəndində Birinci Qarabağ müharibəsi şəhidi Əşrəf Seyidovun cənnətdəki 50-ci ad günü qeyd olunub. Tədbirdə şəhid və qazi ailələri, kənd sakinləri, rayon ziyalıları iştirak ediblər. Tədbir iştirakçıları vətən torpaqlarının bütövlüyü uğrunda canından keçən şəhidlərin məzarını ziyarət edib, əziz xatirəsinə dualar oxuyublar. Çıxış edənlər şəhid Əşrəf Seyidovun qısa ancaq şərəfli ömür yolundan danışıb, onun haqqında xatirələrini bölüşüblər. Xatırladılıb ki, Əşrəf Seyidov 1995-ci ilin iyun ayının 23-də Beyləqan rayonu istiqamətində xüsusi tapşırığı yerinə yetirərkən qəhrəmancasına şəhadətə qovuşub. Qeyd olunub ki, Vətən uğrunda canını fəda edən qəhrəmanlarımız heç zaman unudulmayacaq. Məhz bu məqsədlə Şəki şəhər Mədəniyyət Mərkəzi "Mədəniyyətimizi yaşadaq və inkişaf etdirək" layihəsi çərçivəsində şəhid Əşrəf Seyidova həsr olunan "Əbədiyyət zirvəsinə adını yazdıranlar" filmini təqdim edib.
Abgül Mirzəliyev ilə Qobuda Kim var, kim yox? 30.04.2024
Toyuq əti alarkən nələrə diqqət etməliyik? | Elə çarə 30.04.2024
Səhər dəmi 30.04.2024
Yaxşı deyək, yaxşı eşidək 29.04.2024
Nobel qardaşlarının ev muzeyi | Məhəmməd haradadır? 12.11.2023
Alican Həmid və Nihad Məlik "Xəbərin var?"da 29.04.2024
Rəqsin ürəyi Şəkidə döyünür...
29 aprel- Beynəlxalq Rəqs Günü münasibətilə Şəkidə "Rəqsin ürəyi Şəkidə döyünür" adlı bayram konserti keçirilib. Şəki-Zaqatala Regional Mədəniyyət İdarəsinin dəstəyi, M.F.Axundzadə adına Mədəniyyət Mərkəzinin təşkilatçılığı ilə keçirilən tədbirə ölkənin bir çox şəhərlərindən rəqs qrupları qatılıb. Qax İngiloy Mədəniyyət Evinin "Ketavan" və "Mandili", Gəncə Dövlət Filarmoniyasının solistlərindən ibarət "Mübarək", Mingəçevir şəhərinin "Banu", Şəkinin musiqi və incəsənət məktəblərinin rəqs qrupları, eləcə də digər iştirakçılar bir-birindən maraqlı rəqsləri ilə tədbirə rəng qatıblar. Konsertdə milli rəqslərimizlə yanaşı, müxtəlif mədəniyyətlərə və millətlərə aid olan rəqs növləri də təqdim olunub və tamaşaçılar tərəfindən alqışlarla qarşılanıb.
Şəkinin səfalı Qayabaşı kəndi zibil poliqonuna çevrilib...
Şəkinin Qayabaşı kəndinin sakinləri yaşadıqları ərazinin məişət tullantıları poliqonuna çevrilməsindən şikayətçidirlər. Antisanitar vəziyyət kəndi həm də sahibsiz heyvanların məskəninə çevirib. Zibillik əraziyə yığılan sahibsiz itllər, hətta vəhşi heyvanlar insanların təsərrüfatına da ziyan vurur.
Elə bir neçə gün əvvəl həmin zibillik ərazinin yaxınlığında yerləşən evlərdən birinə hücum edən sahibsiz itlər 4 baş xırdabuynuzlu heyvanı tələf edib.
Qeyd edək ki, məsələ barədə kənd icra nümayəndəliyindən mövqe öyrənmək istəsək də icra nümayəndəsi müxtəlif bəhanələrlə müsahibədən boyun qaçırdı. Necə ki, dəfələrlə sakinlərin də müraciətinə bu cür etinasız yanaşıb.
Ümid edirik, hələlik cana gəlincə, mala gələn bu təhlükə tezliklə aradan qalxar. Təbii ki, bunun üçün ilk növbədə vətəndaşların müraciətlərini diqqətə almalı olan məmurlar hər hansı tədbir görməlidir.