Azərbaycan Həmkarlar İttifaqları Konfederasiyası “Qış mövsümündə yollayışların endirim kampaniyası” çərçivəsində təhsil işçilərinin sağlamlığını və asudə vaxtlarını daha səmərəli təşkil etmək məqsədilə endirimli yollayışlar təqdim edib.

Ölkənin bütün region və bölgələrini əhatə edən kampaniya çərçivəsində Şəkidən təhsilin inkişafına və gənc nəslin təlim-tərbiyəsinə töhfə verən 17 təhsil işçisi Bakı şəhərində yerləşən sanatoriyalara yola salınıb. Təklif olunan paketlərə 3 gecəlik, 1 həftəlik, 2 həftəlik və 14 günlük ambulator xidmətlər, eyni zamanda gündə 3 dəfə qidalanma, elektro terapiya, vanna, istilik terapiyası, işıq terapiyası və fizioprosedur kimi müalicələr daxildir. Qeyd edək ki, üzvlər yollayış paketinin ümumi dəyərinin yalnız 15%-ni ödəyir.

Şəkinin Fazıl kəndinin bir qismi su qıtlığından əziyyət çəkir. Qıtlıq dediyim- əslində kənddə su var, amma hansısa səbəbdən evlərə su verilmir. Əməkdaşlarımız sakinlərin müraciəti əsasında kəndə yollanıb, problemlə maraqlanıblar.

Məlum olub ki, əslində çox sadə həlli olan məsələ uzun müddətdir nədənsə həll edilmir. Belə görünür, problemin ictimailəşməsini gözləyiblər. Təfərrüatları sujetdən izləyək.

Gecə saatlarından havanın kəskin dəyişməsi, yağan qar və güclü çovğun Bakı-Şamaxı-Yevlax magistralının Qobustan rayonundan keçən hissəsində hərəkəti iflic edib.

100-ə yaxın nəqliyyat vasitəsi saatlarla yolda qalıb. Buzlaşmanın olduğu ərazilərdə hərəkət edən bəzi avtomobillər idarəetmədən çıxaraq bir-birinə çırpılıb. Qəzalar zamanı ölən və xəsarət alanlar olmasa da, avtomobillərə zərər dəyib.

Ötən gündən başlayaraq ölkənin şimal-qərb bölgəsində müşahidə olunan küləkli hava şəraiti gecə saatlarında daha da güclənib. Nəticədə bir çox ərazilərdə fəsadlar qeydə alınıb. Şəki şəhərində külək Mirzə Fətəli Axundzadə küçəsində ağacı kökündən çıxararaq elektrik naqillərinin üzərinə aşırıb.

Həmçinin rayonun Böyük Dəhnə,Orta Zəyzid, Köbər Zəyzid, Cəyirli, Bolludərə və Şəki kəndlərində vətəndaşlara məxsus hasarlar aşıb, evlərin, tövlələrin dam örtüyü sıradan çıxıb, yol kənarlarında və qəbiristanlıqda irigövdəli ağaclar aşıb.

Son günlər İsmayıllı rayonunun Topçu kəndində ev quşları arasında kütləvi ölüm halları müşahidə edilib. Qısa müddət ərzində 500-ə yaxın ev quşunun tələf olması sakinləri təşvişə salıb. Artıq təsərrüfatların böyük bir hissəsini itirdiklərini deyən sakinlər çarəsiz vəziyyətdə qaldıqlarını bildirirlər.