Novruzun gəlişi Şamaxıda da yüksək əhval-ruhiyyə ilə qarşılanıb. Bayram münasibətilə Şamaxı şəhəri Novruz atributları ilə bəzədilib, rayonun Heydər Əliyev adına mədəniyyət və istirahət parkında geniş tədbir təşkil olunub.Tədbirdə rayon icra hakimiyyətinin, rayonun idarə, müəssisə və təşkilatlarının kollektivləri, gənclər və ictimaiyyət nümayəndələri iştirak ediblər.

Oğuz şəhərində yerləşən apteklərin birində quldurluq hadisəsi qeydə alınıb. Naməlum şəxs qadın satıcını kəsici alətlə hədələyərək kassada olan 500 manat pulu talayaraq ələ keçirib. Polis əməkdaşlarının həyata keçirdikləri təxirəsalınmaz əməliyyat nəticəsində hadisəni törətməkdə şübhəli bilinən Ramin Məmmədov saxlanılıb. Ondan cinayətdə istifadə etdiyi kəsici alət maddi sübut kimi götürülüb. Saxlanılan şəxsin avtobusdan da pul oğurladığı müəyyən edilib. Faktla bağlı cinayət işi başlanılıb, R.Məmmədov barəsində məhkəmənin qərarı ilə həbs qətimkan tədbiri seçilib.

Şəki Rayon Psixiatriya Xəstəxanasında da bayram tədbiri keçirilib. Xəstəxana kollektivinin iştirak etdiyi tədbirdə çıxış edənlər tibb işçilərini bayam münasibətilə təbrik edib, işlərində uğurlar arzulayıb. Bildirilib ki, illərlə həsrətində olduğumuz torpaqlarımızda artıq Novruz tonqalı qalanır, milli adən-ənənələrimiz işğaldan azad edilən ərazilərimizdə yenidən yaşadılır, vaxtılə zorla doğma yurd-yuvalarını tərk edən insanlar öz evlərində və isti ocaqlarının başında Novruzu qeyd edirlər. Rəsmi hissədən sonra hədiyyələr paylanıb, bayram süfrəsi açılıb.