Şəki şəhər Uşaq-Gənclər İdman-şahmat Məktəbinin təşkilatçılığı ilə IV Elvin Mamedovun xatirəsinə həsr olunan şahmat turnirinin bağlanış mərasimi keçirilib. 25-29 mart tarixlərində baş tutan yarışlarda 5 yaş qrupu üzrə 100-dən artıq şahmatçı İsveçrə sistemi üzrə mübarizə aparıb. Fəxri yerlərə layiq görülən hər yaş qrupu üzrə oğlan və qızlar olmaqla ən çox xal toplayan 3 nəfər, ümumilikdə isə 30 gənc şahmatçı kubok, fəxri fərman, medal və pul mükafatları ilə təltif edilib. Bundan əlavə, təşkilati dəstək göstərən idarə və qurumlara xatirə diplom və kuboklar verilib.

Zaqatalada 11-ci sinif şagirdi həmkəndlisini bıçaqlayıb.

Ağsu rayonunun ən böyük kəndlərindən biri hesab olunan Bico kəndi tərk edilmək təhlükəsi ilə üz-üzə qalıb. Susuzluq və yolsuzluq səbəbindən sakinlər öz dədə-baba yurdlarından başqa ərazilərə köçmək məcburiyyətində qalırlar. Bir müddət də belə davam etsə kənddə lələ köçüb, yurdu qalacaq... Sakinlərin müraciəti əsasında əməkdaşmız Cavanşir Seyfəddinoğlu sözügedən kəndə olub, izləyək...

İsmayıllıda yol qəzası olub. Gecə saatlarında “VAZ-2107” markalı avtomobil idarəetmənin itməsi nəticəsində yolun kənarındakı obyektə çırpılıb. Nəticədə sürücü, rayonun Hacıhətəmli kənd sakini, 41 yaşlı Yasin Rəhimov xəstəxanaya aparılarkən yolda ölüb. İki sərnişin - 32 yaşlı Mehman Babayev və 33 yaşlı Bəhruz Əlizadə isə xəsarət alıb. Faktla bağlı rayon polis şöbəsində cinayət işi başlanılıb, istintaq aparılır.

Güclü külək Qaxda bir sıra fəsadlar törədib. Rayonun Lələpaşa kəndində fərdi yaşayış evinin dam örtüyünün uçması nəticəsində bir ailə evsiz qalıb.