Yanğın rayonun Ağyazı kəndi ərazisindəki mürəkkəb relyefli sahələrdə baş verib. Əraziyə Qax Rayon Yanğından Mühafizə Hissəsinin yanğınsöndürən texnikaları və canlı qüvvəsi cəlb olunub. Bundan əlavə, kənd sakinləri və rayonun meşə təsərrüfatı işçiləri də yanğının söndürülməsinə kömək ediblər. Ötən gün axşam saatlarından başlayan yanğın səhər saatlarında tam söndürülüb. Yanğın zamanı 100 hektar sahədə quru ot və kol-kos yanıb.

Şəki şəhər 17 nömrəli tam orta məktəbdə Daxili Qoşunların yaranması günü münasibətilə Daxili Qoşunların şəhidi, baş çavuş Elçin Nadirovun adını daşıdığı 2b sinfində şəhidin xatirə lövhəsinin açılışı olub. Əvvəlcə məktəbin kollektivi şəhidin məzarını ziyarət edib, ruhuna dualar oxuyub, əklil qoyublar. Ardınca məktəbdə davam edən tədbirdə müəllimlər, şagirdlər və şəhidin anası iştirak edib. Xatirə lövhəsinin açılışı olub. Şəhid anası məktəblilərin yaxasına şəhidin xatirə nişanını taxıb. Sonra tədbir məktəblilərin vətənpər ruhda kmpozisiyaları ilə davam edib. Sonda şəhidin həyatından bəhs edən videoçarx nümayiş etdirilib və şəhid anasına hədiyyə təqdim olunub.

İsmayıllının Kürdmaşı kəndində bir aya yaxındır ki, mal-qara arasında xəstəlik yayılıb. Kənd sakinləri yayılmış xəstəliyin artıq heyvan tələfatına da səbəb olduğunu bildirirlər. Sakinlər yayılmış xəstəliyin quduzluq olduğunu iddia edirlər.

"Qafqazinfo"nun yaydığı məlumata görə, məmur -- şəhid ailələri və qazilərə qarşı dələduzluq əməli törətməkdə şübhəli bilinərək hüquq-mühafizə orqanları tərəfindən saxlanılaraq həbs edilib. Şikayətçilər bildirib ki, Tural Məmmədov bir neçə nəfərə ev, maşın, torpaq sahəsinin veriləcəyini vəd edib və bunun müqabilində müxtəlif məbləğlərdə pul vəsaiti alıb. Faktla bağlı Cinayət Məcəlləsinin 178-ci -Dələduzluq maddəsi ilə başlanmış işin istintaqı davam etdirilir. Şəhid ailələri və qazilərə dəymiş zərərin ödənilməsi istiqamətində tədbirlər həyata keçirilir. Qeyd edək ki, Tural Məmmədov özü də Vətən müharibəsi qazisidir. O, 2021-ci ildən icra hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri vəzifəsində çalışıb. Şəki Şəhər İcra Hakimiyyətindən bildirilib ki, Tural Məmmədov bir müddət əvvəl vəzifədən azad edilib.