Avtomobillər toqquşdu, xəsarət alan var Yevlax-Zaqatala-Gürcüstan sərhəd magistral yolunda qəza baş verib. Hadisə yolun 122-ci kilometrliyində, Zaqatala rayonunun Yuxarı Tala kəndi ərazisində qeydə alınıb. Zaqatala sakinləri - 24 yaşlı Emil Qurbanovun idarə etdiyi “VAZ-2115” markalı minik avtomobili ilə 29 yaşlı Elvin Məmmədovun idarə etdiyi “VAZ-2106” markalı minik avtomobili toqquşub. Elvin Məmmədov xəsarət alaraq Zaqatala Rayon Mərkəzi Xəstəxanasına yerləşdirilib. Faktla bağlı araşdırma aparılır.

Qazaxıstan teatrı Bəxtiyar Vahabzadənin “Göytürklər” əsərini tamaşaçılara təqdim edib IV Şəki Beynəlxalq Teatr Festivalı davam edir. Festival çərçivəsində Qazaxıstan teatrı tamaşaçılara Bəxtiyar Vahabzadənin əsərini təqdim edib.

Bakı-Şamaxı-Yevlax avtomobil yolunun bərpası zamanı Şamaxı rayonunun giriş hissəsində yerləşən geriyə dönmək üçün yol ayrıcı dəyişdirilərək bir neçə uzağa qoyulmuşdu. Nəticədə, o yoldan gündəlik istifadə edən sakinlərin qət etdikləri məsafə də bir xeyli uzaqlaşmışdı.

Ərazidə sakinlərin müraciəti əsasında biz də çəkiliş aparıb, məsələyə aidiyyatı qurumların diqqətini çəkmişdik. Artıq problem öz həllini tapıb. Qısa məsafədən geri dönüş üçün nəzərdə tutulan dairəvi yol yenidən bərpa edilərək sakinlərin istifadəsinə verilib.

Şəki rayonunun Kiş kəndində bir ailənin dörd üzvü dəm qazından zəhərlənib. Kiş kənd sakinləri - 30 yaşlı Tariyel Abdullayev, 31 yaşlı Billur Abdullayeva, 5 yaşlı Fərid Abdullayev və 1 yaşlı Məhəmməd Abdullazadə dəm qazından zəhərlənmə əlamətləri ilə Şəki Rayon Mərkəzi Xəstəxanasının Təcili tibbi yardım şöbəsinə daxil olublar. Xəstəxanada tibbi yardımdan sonra onların vəziyyəti stabilləşib. Ambulator müalicə üçün evə buraxılıblar. Faktla bağlı araşdırma aparılır.

Qış turizm mövsümünün gəlməsi ilə ölkəmizə üz tutan xarici turistlərin sayı da artmağa başlayıb. Xüsusilə də qarın yağması ərəb ölkələri, hindistan kimi ölkələrdən gələn turistlərin sayına müsbət təsir göstərib. Hazırda isti ölkələrdən gələn bir çox turistin ilk üz tutduğu yerlərdən biri Qəbələdir. Buraya axın edən turistlərin bir çoxu ilk dəfə qarla tanış olublar.