Rayon Polis Şöbəsi əməkdaşlarının keçirdikləri əməliyyat zamanı narkotik tərkibli bitkilərin kultivasiyası ilə məşğul olan 46 yaşlı Kamandar İbrahimov saxlanılıb. Onun yaşadığı evin həyətyanı sahəsindən kultivasiya yolu ilə yetişdirdiyi 29 ədəd çətənə kolu aşkar olunub. Saxlanılan şəxs narkotik tərkibli bitkilərə aqrotexniki qulluq göstərərək yetişdirdiyini və qazanc əldə etmək məqsədilə əkdiyini bildirib. Cinayət işi başlanılıb, İbrahimov barəsində məhkəmənin qərarı ilə həbs qətimkan tədbiri seçilib.

Məzunlar üçün "Son Zəng" çalındı...

Şəkidə Şəhər icra hakimiyəti və Regional Təhsil İdarəsinin Şəki rayonu üzrə təhsil sektorunun birgə təşkilatçılığı ilə dahi şairimiz Bəxtiyar Vahabzadənin 100 illik yubileyinə həsr olunmuş “Bu dünyadan bir Bəxtiyar keçdi” adlı tədbir keçirilib.

İsmayıllı şəhərində Uşu Sanda idman növü üzrə ölkə çempionatı keçirilib. Ümumilikdə 300-dən çox idmançının iştirak etdiyi yarışda Şəkidən 15 idmançı mübarizəyə qatılıb. Gərgin mübarizənin sonunda onlardan 3 nəfər 1-ci yerə, 6 nəfər 2-ci yerə, 2 nəfər isə 3-cü yerə layiq görülüb.

Ötən gecə güclü küləklə müşayiət olunan leysan yağışı Şəkidə bir sıra fəsadlara səbəb olub. Güclü külək şəhərin "Yuxarı Baş" Milli Tarix-Memarlıq Qoruğu ərazisində irigövdəli ağacı və elektrik dirəyini aşırıb. Nəticədə ərazidə elektrik enerjisinin təchizatında fasilə yaranıb. İrigövdəli ağac isə yaxınlıqdakı işıq dirəyinin üzərinə aşaraq onu sıradan çıxarıb. Aidiyyəti qurumların əməkdaşları hadisə yerinə cəlb olunub. Bundan başqa, şəhərin müxtəlif ərazilərində və Oxud kəndində də irigövdəli ağaclar aşıb. Təbii fəlakət səbəbi ilə şəhərin bəzi hissələrində elektrik enerjisinin və suyun verilişində fasilə yaranıb. Fəsadların aradan qaldırılması istiqamətində iş aparılır.