Şəkidə müasir Azərbaycan poeziyasının istedadlı nümayəndəsi, Azərbaycan Yazıçılar Birliyinin Şəki bölməsinin sədri, şair-publisist Vaqif Aslanın anadan olmasının 75 illiyinə həsr olunmuş yubiley tədbiri keçirilib. Şəki şəhər Heydər Əliyev Mərkəzində keçirilən yubiley tədbirində İcra Hakimiyyətinin rəsmiləri, Milli Məclisin deputatları, Mədəniyyət Nazirliyinin, Milli Elmlər Akademiyasının, Yazıçılar Birliyinin üzvləri, ziyalılar iştirak ediblər. Şairin kitablarından ibarət sərgi ilə tanışlıq olub. Yubiley tədbirində çıxış edənlər Şəkinin görkəmli şəxsiyyətləri, istedadlı insanları ilə Azərbaycanın mədəniyyət, incəsənət, ədəbiyyat tarixində önəmli rol oynadığını, belə şəxslərdən birinin də məhsuldar və istedadlı qələm ustası Vaqif Aslan olduğunu bildiriblər. Həmçinin çıxış edənlər şairin yaradıcılığını, pedaqoji fəaliyyətini yüksək dəyərləndirib, onun haqqında səmimi ürək sözlərini, xatirələrini bölüşüblər. 75 illik yubileyi münasibətilə yubilyara mükafatlar və xatirə hədiyyələri təqdim edilib. Tədbirin bədii hissəsində Vaqif Aslanın şeirləri səsləndirilib, 4 saylı Uşaq musiqi məktəbinin təqdimatında şairin sözlərinə bəstələnmiş mahnılar ifa olunub.

Şəkinin 13 yaşlı sakini Ayan Əhmədzadə Böyük Britaniyanın paytaxtı Londonda keçirilən "WORLD TALENT AWARD" beynəlxalq müsabiqəsində fortepiano ifası üzrə yüksək nəticə göstərərək, birinci yerə layiq görülüb. Şəki şəhər 3 nömrəli Uşaq Musiqi məktəbinin 6-cı sinfində təhsil alan Ayan bundan əvvəl də beynəlxalq müsabiqələrin qalibi olub. Qeyd edək ki, Ayan Əhmədzadə həm də Şəki şəhər 8 saylı tam orta məktəbin 7-ci sinif şagirdidir.

Qax rayonunun Güllük kəndi ərazisində baş verən zəncirvari qəzada 4 nəfər xəsarət alıb. 44 yaşlı Eşqin İsmayılovun sükanı arxasında olduğu “VAZ-2106” markalı avtomobil idarəetmədən çıxaraq əvvəlcə “Hunday” daha sonra isə “Honda” markalı avtomobilə çırpılıb. Nəticədə “VAZ-2106”nın sürücüsü, Eşqin İsmayılov, sərnişinləri - 43 yaşlı Gülər İsmayılov, 20 yaşlı Qalib İsmayılov, eləcə də “Honda”da olan sərnişin, 30 yaşlı Ayşən Əliyeva xəsarət alıb. Faktla ilə bağlı araşdırma aparılır.

Qax rayonunun Güllük kəndi ərazisində baş verən zəncirvari qəzada 4 nəfər xəsarət alıb. 44 yaşlı Eşqin İsmayılovun sükanı arxasında olduğu “VAZ-2106” markalı avtomobil idarəetmədən çıxaraq əvvəlcə “Hunday” daha sonra isə “Honda” markalı avtomobilə çırpılıb. Nəticədə “VAZ-2106”nın sürücüsü, Eşqin İsmayılov, sərnişinləri - 43 yaşlı Gülər İsmayılov, 20 yaşlı Qalib İsmayılov, eləcə də “Honda”da olan sərnişin, 30 yaşlı Ayşən Əliyeva xəsarət alıb. Faktla ilə bağlı araşdırma aparılır.

Şəkidə 10 ildən çoxdur baxımsız vəziyyətdə qalan binaya görə sakinlər qorxa-qorxa yaşayırlar. Köhnə bina ilanların məskəninə çevrilib, hətta həyətlərə də keçir. Bəs, bu binaya sahib çıxan niyə tapılmır?