Hazırda Şəkidə sosial-iqtisadi inkişaf  2 prioritet istiqamətində aparılır. Bu, kənd təsərrüfatı sahəsi və turizmdir. Nəzərə alsaq ki, Şəki ölkənin ən iri taxılçılıq rayonudur  bu sahə rayon iqtisadiyyatında əsas yeri tutur. Ancaq digər kənd təsərrüfatı sahələri -  tütünçülük, üzümçülük və heyvandarllıq da rayonda sürətlə inkişaf etdirilir. Bu günə qədər Şəkiyə qoyulan investisiyanın həcmi 67 milyon 140 min manat təşkil edib. Təkcə ötən il bu rəqəm 9 milyon 830 min manat olub.  Rayonda yeni istehsalat sahələri də fəaliyyətə başlayıb.  Qısa müddət öncə özəlləşdirilən Şəki şərab zavodu isə ildə 2,6 milyon şüşə şərab istehsal edir. Ancaq bu rəqəm 2,3 milyon avro vəsait qoyulmaqla daha da arta bilər. Millət vəkili Əli Məsimli Şəkidə sosial-iqtisadi inkişafın əsas prioriteti kimi insan, resurs və biznesin inkişaf etdirilməsindən yanadır. Bu üç istiqamətdə aparılacaq işlərin böyük uğur gətirəcəyini deyir. Xüsusilə də kiçik və orta biznesin inkişafı rayon iqtisadiyyatının inkişafına böyük töhvə verə bilər. Aqrar sənaye zonası kimi böyük potensiala malik olan Şəkidə Sovet dövründə fəaliyyət göstərən, hazırda isə bağlanan zavod və fabriklərin də işində irərləyişə nail olmaq olar. Millət vəkili bunun üçün həmin obyektlərin simvolik bir rəqəm qarşılığında özəlləşdirilməsinin tərəfdarıdır. Digər tərəfdən, Azəripək ASC-nin də fəaliyyətini genişləndirməklə rayonun iqtisadiyyatına əlavə gəlir gətirmək və iş yerlərini artırmaq mümkündür. Şəkidə son zamanlar turizmin inkişafı iqtisadiyyatın- nəqliyyat, rabitə və ticarətin inkişafına, əhalinin işlə təmin olunmasına güclü təkan verib. Ancaq yay turizmindən əlavə, Şəkinin təbiəti imkan verir ki, qış turizmi də inkişaf etsin. Bu istiqamətdə müəyyən addımlar atmaqla turizm sahəsindən daha çox gəlir əldə etmək mümkündür. Digər tərəfdən, Şəkidə yeyinti sənayesinin inkişafı üçün də potensial var. Belə ki, Şəki halvasını dünya brendinə çevirməklə yeni imkanlar açmaq olar.

 Çaldaş kəndi Böyük Söyüdlü kənd inzibati ərazi dairəsinə daxil olmaqla Oğuz rayonunun ən uzaq və füsunkar təbiətə malik kəndlərindən biridir. Kənd əsas infrastruktur layihələrindən biri olan qazlaşmadan kənarda qalıb. Bəlk də - unudulub desək, yanılmarıq. Kənd salındığı gündən bu günə kimi hələ də mavi yanacaq üzü görməyib. Kənd sakinləri odundan istifadə etmək məcburiyyətində qalırlar ki, bu da ekoloji tarazlığın pozulmasına, kənd ərazisində və ətrafında ağacların sayının sürətlə azalmasına səbəb olur. Sakinlər deyir ki, məsələ ilə bağlı rayon icra hakimiyyətinə, qaz idarəsinə dəfələrlə yazılı və şifahi şəkildə müraciət ediblər. Ancaq hələlik müsbət cavab almayıblar. Zaqatala Regional Qaz istismar İdarəsindən verilən məlumata görə, Çaldaş kəndinin qazlaşdırılması layihəsi artıq hazırdır. Kəndin növbəti il ərzində mavi yanacaqla təmin edilməsi planlaşdırılır.

Şamaxının Qızmeydan kəndində Cəbrayıl Cəbiyevə məxsus yeni tikilmiş 2 mətrəbəli yaşayış evinin dam örtüyü çöküb.Hadisə bu gün səhər saatlarında ev sahibləri evdə olduğu vaxt baş verib. Xoşbəxtlikdən  xəsarət alan olmasa da evə ciddi ziyan dəyib. Evin 2-ci mərtəbəsi tamamilə dağılıb. Birinci mərtəbəsində yeni təmir olunmuş otaqların divarlarında çatlar yaranıb. Evin tavanı,döşəməsi və  içindəki əşyalar suyun altında qalıb. Hadisə nəticəsində qonşuluqdakı ev də zərər görüb. Dam örtüyünün bir hissəsi uçaraq qonşunun həyətinə düşdüyündən  həyətyanı sahəyə ziyan dəyib, elektrik naqilləri qırılıb. Ev sahibləri qarşıdakı günlərdə yenə qar və ya yağış yağarsa, evin tamamilə yararsız hala düşəcəyindən ehtiyatlanırlar. Məsələ ilə bağlı aidiyyatı qurumlara da məlumat verilib. Qeyd edək ki, son bir həftədir ki, davam edən qeyri-sabit hava şəraiti nəticəsində Qızmeydan kəndində qarın hündürlüyü bir metrə yaxın olub. 

Zaqatalada qeysəriyyə əməliyyatından sonra ananın ölümü ilə bağlı cinayət işi açılıb. Rayonun Çökəkoba kənd sakini 28 yaşlı Rəna Ramazanovanın martın 21-də saat 14 radələrində Zaqatala rayon mərkəzi xəstəxanasının Reanimasiya şöbəsində ölməsi faktı ilə bağlı Cinayət Məcəlləsinin 314.2-ci maddəsi ilə cinayət işi başlanıb. Hazırda iş üzrə zəruri istintaq tədbirləri davam etdirilir. Xatıradaq ki, Rəna Ramazanova uşaq dünyaya gətirmək üçün martın 18-də Zaqatala RMX-nın doğum şöbəsinə müraciət edib. Həmin gün Zaqatala RMX-nın doğum şöbəsində Rəna Ramazanovanı müayinə edən ginekoloq həkim Rəna Sultanova ona martın 19-da qeysəriyyə əməliyyatı ilə uşaq dünyaya gətirmək lazım olduğunu bildirib. Əməliyyatla qız uşağı dünyaya gətirən Rəna Ramazanovanın əməliyyatdan bir gün sonra dözülməz ağrıları başlayıb. Lakin həkimlər xəstənin yaxınlarına ciddi bir hal olmadığı bildiriblər. Qadının vəziyyətinin ağırlaşdığını görən həkimlər martın 21-i səhər saatlarında Rəna Ramazanovanı reanimasiyaya yerləşdiriblər. Bundan bir neçə saat sonra ana dünyasını dəyişib. Mərhumun yaxınları qadının ölümünə həkim səhlənkarlığının səbəb olduğunu iddia edirlər. 

Bayram günləri ilə əlaqədar Şəki avtovağzalı gücləndirilmiş iş rejiminə keçib. Digər günlərlə müqayisədə tətilin son günündə avtovağzalda xeyli sıxlıq müşahidə ediləcəyi pranozlaşdırıldığından artıq müəyyən istiqamətlərdə xəttlərə əlavə avtobuslar buraxılıb. Pandemiya ilə əlaqədar olaraq qabaqlayıcı tədbirlərin görülməsi də davam etdirilir. Uzun zamandır bu yolları avtobusla gedib-gələnlər də artıq tətillərdə yaranan sıxlıqdan xəbərdardır. Buna görə də əksər sərnişinlər bileti əvvəlcədən alıblar. Bu gün səhər gəldim aldım biletimi indi də rahatçılıqla yola düşürəm.  Tələbəyəm Bakıda oxuyuram. Şəkiyə bayram üçün gəlmişəm. Evdəkiləri görməyə. Bileti dünən aldım. Sıxlıq olacağı üçün qabaqcadan almağa çalışdım. Çünki Bakıdan gələndə çox sıxlıq oldu. Ona görə də daha tez almağa çalışdım.  Bileti sragün aldım. Ehtiyatlı olmaq üçün sabah gəlib ayaq üstə qalmamaq üçün çətinlik çəkməmək üçün Bayram günlərində öncədən almalısan yoxsa bilet tapmaq olmur. Qiymət dəyişiklik varıydımı? Yox eyni qiymətdir.  Dünəndən almışam qiymətləri də öz qaydasında. Ama bu istismar vaxtı bitən avtobusları dəyişsəydilər yaxşı olardı. Təzələri də var ancaq istimar vaxtı bitənləri də var.