Super User
Cümə, 30 Sentyabr 2022 15:16
Roza Zərgərli və Tural Gəncəli ilə Bakıda Kim var, kim yox? 30.09.2022
Published in
Kim var, kim yox?
Tagged under
Cümə, 30 Sentyabr 2022 07:23
Gəncəli məhəlləsinin həll olunmayan marşrut problemi!
Şəki şəhəri Gəncəli məhəllə sakinləri 2017-ci ildən, marşrut problemi yaşadıqlarını idda edirlər. Sakinlərin sözlərinə görə bu yaşayış massivindən keçən yeganə 3 nömrəli marşrut düz 5 ildir ki, ləğv edilib. Ərazidə 531 yaşayış evi var. Hər gün evindən çıxıb hər hansı bir iş üçün getmək istəyən sakinlər, azı 800 metrə yaxın məsafəni ya piyada gedirlər ya da taksi sifariş edirlər ki, bu da əlavə xərcə səbəb olur. Sakinlərin sözlərinə görə artıq həmin marşrutlar Qala divarlarının aşağı hissəsində və Yuxarı Karvansaray dayanacağında dayanır. Bu da dağ ətəyində yaşayan məhəllə sakinlərinin işini müşkülə salır. Xüsusən də yaşlı insanlar daha çox əziyyət çəkir. Çünki qət ettikləri yol enişli- yoxuşlu çətin relyefdə yerləşən dağ yoludur. Məsələ ilə bağlı Şəki DANX-a müraciət etdik. Qurumun mətbuat xidmətindən məsələyə münasibət bildirilib. Qeyd edilib ki, Gəncəli məhəlləsinə 4-5 il öncəyə qədər heç bir avtobus işləməyib. Belə görünür, yalnız yollar təmir olunduqdan sonra həmin əraziyə marşrut xətti təyin edilə bilər. Bu müddət ərzində isə Gəncəli məhəlləsinin sakinləri enişli-yoxuşlu yolları piyada getməli olacaqlar.
Published in
XƏBƏRLƏR
Tagged under
Cümə, 30 Sentyabr 2022 06:40
Avtomobil piyadanı vuraraq öldürdü...
Qəbələnin Zarağan kəndində piyadanın ölümü ilə nəticələnən yol nəqliyyat hadisəsi baş verib. Belə ki, Cahandar Ağababayevin idarə etdiyi "Ford" markalı avtomobil yolu keçmək istəyən Mirzəsöyün Cəlilovu vurub. O, aldığı xəsarətlərlə xəstəxanaya yerləşdirilib. Həkimlərin səyinə baxmayaraq Mirzəsöyün Cəlilov xəstəxanada dünyasını dəyişib. Faktla bağlı cinayət işi başlanılıb. Araşdırma aparılır.
Published in
XƏBƏRLƏR
Tagged under
Cümə axşamı, 29 Sentyabr 2022 13:09
Endokrinoloq Nadirə Ağazadə "Həkimcanlı"da 29.09.2022
Published in
HƏKİMCANLI
Tagged under
Cümə axşamı, 29 Sentyabr 2022 07:37
Düşmənin qorxulu yuxusuna çevrilən xüsusi təyinatlı Şəhid Fərid Lətifov!
27 sentyabrda başlayan Vətən müharibəsində o da silah yoldaşları ilə birgə canını qoymuşdu ortaya. Qazanılan hər zəfərdə payı olduğundan sevincinin, qürurunun həddi yox idi. Məqsədi ömrü yetdiyi qədər Vətən torpağını qorumaq idi. Bu səbəbdən müharibə başa çatdıqdan sonra da ordu sıralarını tərk etmədi... Ta ki düşmən gülləsinə tuş gələnə qədər... Söhbət şəhid Fərid Lətifovdan gedir. 21 yaşlı Şəhid Fərid Lətifov 44 günlük Vətən müharibəsinin qəhramanlarından biri idi. Müharibə dövrü ərzində demək olar bütün cəbhə boyu vuruşan bu igid gənc əsgər olmasına baxmayaraq düşmənin qorxulu yuxusuna çevrilmişdi. Buna görə də “Şücaətə görə” , "Füzulinin, Xocavəndin, Cəbrayılın, Kəlbəcərin və Şuşanın azad edilməsinə görə" medalları ilə təltif edilib. Çox ağır və şərəfli döyüş yolu keçən Fərid Lətifov müharibədən sonra da qalıb xidmətini davam etdirmək qərarı alır. Xüsusi təyinatlı dəstədə xidmət edən Fərid cəmi iki il sonra Sentyabrda Kəlbəcərdə düşmənin törətdiyi təxribat nəticəsində şəhidlik zirvəsinə ucalıb. Şəhid Fərid Lətifov sentyabrın 15-i Şəkinin şəhidlər xiyabanında dəfn edilib.
Published in
XƏBƏRLƏR
Tagged under
Çərşənbə, 28 Sentyabr 2022 14:16
Terapevt, qastroenteroloq-hepatoloq Mətanət Cəfərova "Həkimcanlı"da 28.09.2022
Published in
HƏKİMCANLI
Tagged under
Çərşənbə, 28 Sentyabr 2022 08:39
Vətən uğrunda canlarını fəda etmiş şəhidlərimizin xatirəsi dərin ehtiramla yad olundu...
27 sentyabr – Anım Günü Azərbaycanın hər yerində olduğu kimi Şimal-Qərb bölgəsində də dərin ehtiramla qeyd edilib. Tarixi zəfəri qanları ilə yazan şəhidlərin qəbirləri ziyarət olunub, vətən uğrunda canından keçmiş qəhrəmanların əziz xatirəsi yad edilib. Azərbaycana Şanlı Zəfəri qazandıran, ərazi bütövlüyümüz naminə canlarından keçən əbədiyaşar qəhrəmanlarımız Şəkidə də ehtiramla anılıb. Rayon ictimaiyyəti ilk öncə Şəhidlər xiyabanını ziyarət ediblər. Ardınca Vətən müharibəsində canlarını qurban verən qəhrəmanların qəbirləri ziyarət edilib, gül dəstələri düzülüb. Heydər Əliyev Mərkəzində davam edən anım günü tədbirində çıxış edənlər ən böyük qürur mənbəyi olan şəhidlərimizin qəlblərdə əbədi yaşayacağı vurğulayıb, ölkəmizdə şəhid ailələrinə, qazilərə, müharibə iştirakçılarına göstərilən dövlət qayğısından bəhs ediblər. 27 sentyabrda başlayan Vətən müharibəsinə və xalq ordu birliyinə həsr olunan filmin nümayişi olub. Həmçinin Vətən müharibəsində şəhid olan qəhrəmanların xatirəsinə ağacəkmə aksiyası keçirilib. Ölkəmizin hər yerində olduğu kimi, Şəkidə də saat 12:00-da Azərbaycanın ərazi bütövlüyü uğrunda canlarını qurban verən Vətən müharibəsi şəhidlərinin əziz xatirəsi bir dəqiqəlik sükutla yad edilib, nəqliyyat vasitələrinin və piyadaların hərəkəti dayandırılıb. Anım Günü Şamaxı rayonunda da silsilə tədbirlərlə qeyd olunub. Şamaxı Tarix-diyarşünaslıq muzeyinin qarşısında təşkil olunmuş tədbirdə çıxış edənlər Şanlı Ordumuzun böyük zəfəri ilə yekunlaşan 44 günlük Vətən müharibəsindən söhbət açıblar. Şəhidlərimizin bizə bəxş etdiyi misilsiz qələbənin Azərbaycan tarixinə qızıl hərflərlə yazıldığı, onların əziz xatirəsinin qəlbimizdə daim yaşayacağı diqqətə çatdırılıb. Sonda şagirdlərin ifasında ədəbi-bədii kompazisiyalar nümayiş olunub. Daha sonra Şəhidlər xiyabanı ziyarət olunub, şəhidlərin məzarı üzərinə tər çiçəklər düzülüb, onların əziz xatirəsi 1 dəqiqəlik sükutla yad olunub. Anım Günü ilə əlaqədar Qəbələ rayon ictimaiyyəti Şəhidlər Xiyabanına toplaşıb. Çıxış edənlər Böyük Zəfərlə yekunlaşan qələbəmizdən bəhs edib, şəhid və qazilərimizin qəhrəmanlıqlarından söz açılıb. Sonda iştirakçılar xatirə kompleksini ziyarət edərək, məzarlara və xatirə lövhələrinin qarşısına gül dəstələri düzüblər. Anım tədbirləri çərçivəsində rayonda ağacəkmə aksiyası da həyata keçirilib. Anım Günü ilə əlaqədar Qax rayonunda da anım tədbiri keçirilib. İctimaiyyət nümayəndələri Şəhidlər xiyabanına gələrək ərazi bütövlüyümüz uğrunda canlarından keçən qəhrəman oğulların məzarını ziyarət edib. Çıxış edənlər bildirib ki, ərazi bütövlüyümüz uğrunda başlanan savaşda Qax rayonunun qəhrəman oğulları da rəşadətlə vuruşublar. Bu Qələbə şəhidlərimizin canı, qazilərimizin qanı hesabına qazanılıb, hərbçilərimizin rəşadəti sayəsində əldə ounub. Anım tədbiri mədəniyyət işçilərinin hazırladığı ədəbi-bədii kompozisiya ilə başa çatıb.Daha sonra şəhidlərin xatirəsi bir dəqiqəlik sükutla yad edilib . Anım Günündə Balakəndə Bayraq muzeyindən Şəhidlər Xiyabanına doğru yürüş təşkil edilib. İctimaiyyət nümayəndələri Vətən müharibəsində Balakən rayonundan olan şəhidlərin fotolarından ibarət plakatlarla yürüş edərək şəhidlərimizə ehtiramın əbədiliyini nümayiş etdiriblər. Daha sonra “Şəhidlər Xiyabanı”nda ölkəmizin azadlığı və suverenliyi uğrunda canından keçmiş mərd Vətən oğullarının məzarları ziyarət edilib, ağacəkmə aksiyası keçirilib. Rayon mədəniyyət və istirahət parkında davam etdirilən tədbirdə şəhidlərimizin şərəfli döyüş yolundan, əsgər və zabitlərimizin cəbhədə göstərdikləri qəhrəmanlıqlardan söz açılıb. Daha sonra rayon mədəniyyət işçilərinin ifasında ədəbi-bədii kompozisiya nümayiş etdirilib. Sonda bütün ölkə ərazisində olduğu kimi Balakəndə də şəhidlərimizin əziz xatirəsi bir dəqiqəlik sükutla yad edilib.
Published in
XƏBƏRLƏR
Tagged under
Çərşənbə, 28 Sentyabr 2022 07:43
Ölümü ilə əbədiyyətə qovuşan qəhrəman!
Hələ 13 yaşında ikən atasının döyüşçü vəsiqəsinə baxıb özünə də bir vəsiqə düzəltmişdi. Üzərində bu sözlər yazılmışdı : "Allahverdiyev Zöhrab Sübhan oğlu, etibarlılıq müddəti 2020-ci il..." Sözün bitdiyi və gözlərimizi yaşardan məqam - axı necə ola bilərdi ki, 13 yaşlı bir uşaq şəhid olacağını, xüsusən də həmin tarixi illər öncəsindən dəqiqliklə bilsin..? Zöhrab Allahverdiyev 2001-ci ilin 28 sentyabrında Şamaxıda, döyüşçü ailəsində dünyaya göz açıb. Atası, Sübhan Allahverdiyev Birinci Qarabağ Müharibəsində döyüşüb. Elə bu səbəbdəndir ki, Zöhrabın da uşaqlıq vaxtlarından hərb sahəsinə həvəsi yaranıb. Döyüşçü olmaq onun kiçik qəlbinin ən böyük arzusuna çevrilib. Ailəsi deyir ki, bir başqa sevgi duyurdu Vətənin hər qarış torpağına qarşı. Sanki böyükdən kiçiyə, irsən keçmişdi vətənə bağlılıq.. Tez-tez atasından müharibə haqqında soruşar, onu diqqətlə dinləyərdi. Savaş filmlərində belə özünə qəhrəmanlar seçər, tez bir zamanda böyüyərək səngərlərə getməyi arzulayardı. Zöhrab məktəb vaxtlarından idmana da həvəs göstərib, dəfələrlə cüdo üzrə müsabiqələrdə qabaqcıl yerlər tutub. 2018-ci ildə orta məktəbi bitirdikdən sonra ömrünün geri qalan hissəsini Vətənin keşiyinə həsr etmək idi hədəfi. Elə bu məqsədlə də səngərlərə yollandı. "2-ci Qarabağ müharibəsi" başlayanda Zöhrab əsgər idi. Təbii ki, yurdumuzun bu dar günündə o da silahına bürünərək təmas xəttinə, qızğın döyüşlərin getdiyi ərazilərə yollandı. Neçə-neçə adsız yüksəkliklərin, işğal altında olan rayonlarımızın azadlığı uğrunda gözünü belə qırpmadan, gecə-gündüz savaşdı. Füzuli, Ağdərə və Suqovuşan istiqamətlərində böyük şücaətlər göstərərək düşmənin xeyli sayda texnikasını, canlı qüvvəsini məhv edib, 19 yaşında tariximizin ən şanlı səhifəsinə öz adını yazdırdı. Sinxron/Qəniyev İsaman şəhid atası. Oktyabrın 5-də anasına zəng edərək qələbə sevincini bölüşüb. Təəssüf ki, bu zəng elə son zəngi olub Zöhrabın.. Oktyabırın 10-da şəhidlik zirvəsinə ucalıb... Müharibə başlayan günün səhərisi doğum günü idi, 19 yaşı tamam olacaqdı. Oldu da, amma kazarmada, şamlı tortlarla yox, səngərlərdə, mənfur düşmən mərmilərinin gilizləri altında. Artıq 2-ci doğum günüdür ki, özü cənnətdə, ailəsi isə onsuz qeyd edəcək. Zöhrab ölümündən sonra "Suqovuşanın azad olunmasına görə", "Vətən uğrunda" və "Cəsur döyüşçü" medalları ilə təltif edilib.
Published in
XƏBƏRLƏR
Tagged under
Çərşənbə axşamı, 27 Sentyabr 2022 12:46
Şəhid Naiq Ələkbərovun xatirəsinə həsr olunmuş cüdo üzrə turnir keçirilib...
Şamaxı Olimpiya Mərkəzində Vətən müharibəsi Şəhidi Naiq Ələkbərovun xatirəsinə həsr olunmuş cüdo üzrə turnir keçirilib. Yarışda respublikamızın müxtəlif şəhər və rayonlarından 270 nəfər idmançı iştirak edib. Açılış mərasimində rayon administrasiyasının, idman ictimaiyyətinin nümayəndələri, eləcə də şəhidin ailə üzvləri iştirak edib. Çıxış edənlər fiziki hazırlığın döyüş hazırlığının əsas tərkib hissəsi olduğundan, bu cür idman yarışlarının mühüm əhəmiyyətindən danışıblar. Yarışın sonunda I, II və III yerləri tutmuş idmançılar təltif ediliblər. Qeyd edək ki Azərbaycan Ordusunun giziri olan Naiq Ələkbərov oktyabrın 9-da Cəbrayıl döyüşləri zamanı şəhid olub. Ölümündən sonra "Vətən uğrunda","Cəsur döyüşçü" , Cəbrayılın və Xocavəndin azad olunmasına görə medalları ilə təltif edilib.
Published in
XƏBƏRLƏR
Tagged under
Çərşənbə axşamı, 27 Sentyabr 2022 09:48
Tütünçülükdə məhsul aşağıdır?
Şəkili fermerlər bu il tütün sahələrindən daha az məhsul götürəcəklərini deyirlər. Məhsuldarılığın aşağı düşməsini isə fermerlər bir sıra amillərlə izah edirlər. Ötən ilə qədər bu sahənin çox yaxşı gəlir gətirdiyini desələr də bu il bunun tam əski müşaidə olunur. Maraqlısı odur ki, fermerlər hər il eyni növ toxum aldıqlarını və bu günə kimi oxşar vəziyyətlə qarşılaşmadıqlarını bildirirlər. Bu il toxumun keyfiyyətsiz çıxdığından gileylənən fermerlər tütünün budaq və yarpaq saylarında azalmaya səbəb olduğunu vurğulayıblar. Belə ki, əvvəlki illərdə tütünün hündürlüyü azı 4 metr, yarpaq sayı isə da çox olduğundan məhsul yığımı bol olub. Ancaq bu ilə hətta verilən gübrələr nəticəsiz qalıb. Kənd təsərrüfatı nazirliyi Şəki dövlət Aqrar İnkşaf Mərkəzindən verilən məlumata əsasən, bu il tütün sahələrində məhsuldarlığın az olmasına səbəb xarici sortların yetişdirilməsidir. Qurumun rəsmisi ötən illə müqaisədə fermerlərin Vircinya sortunu əkməyə üstünlük verdiyi və bu növün də məhsuldarlığının aşağı, keyfiyyətinin isə yüksək olduğunu qeyd edib. Qeyd edək ki, ötən il Şəkidə tütün sahələrindən 4150 ton məhsul əldə edilib. Bu ilə fermerlərin sözlərinə görə məhsuldarlıq daha aşağı olacaq. Odur ki, fermerlər səbrli olub, götürüləcək məhsulun keyfiyyətli olmasına ümid etməlidirlər.
Published in
XƏBƏRLƏR
Tagged under
