Super User
Bazar ertəsi, 12 Sentyabr 2022 14:54
Şəkidə qarğıdalı yeyən gənc vəfat etdi...
Şəki rayonunun Köbər Zəyzid kənd sakini 1994-cü il təvəllüdlü Vüqar Mövlud oğlu Mustafayev boğazında yad cisim qalması və boğulma əlamətləri ilə Şəki rayon Mərkəzi Xəstəxanasına daxil olub. Müayinə zamanı V. Mustafayevin boğazında qarğıdalı dənəsi qaldığı məlum olub. Xəstəxananın Reanimasiya şöbəsinə yerləşdirilən V. Mustafayevə həkimlər intensiv olaraq tibbi yardım göstərsələr də onun həyatını xilas etmək mümkün olmayıb. Həkimlər xəstənin ölməsini mexaniki asfeksiya, kəskin tənəffüz çatışmamazlığı, ağ ciyər ödemi diaqnozlundan baş verdiyini bildirirlər. Qeyd edək ki, 28 yaşlı Mustafayev Vüqar Möhlüd oğlu nişanlı idi, bu yaxınlarda toy edəcəkdi.
Published in
XƏBƏRLƏR
Tagged under
Bazar ertəsi, 12 Sentyabr 2022 13:08
Balakəndə ağır qəza: 1 ölü, 3 yaralı...
Balakəndə iki minik avtomobili toqquşub, bir nəfər ölüb daha üç nəfər xəsarət alıb. Hadisə səhər saatlarında Yevlax-Zaqatala-Gürcüstan sərhəd magistral yolunun Balakən rayonu Katex kəndi ərazisindən keçən hissəsində baş verib. “KİA” markalı minik avtomobili ilə “BMW” markalı minik avtomobili toqquşub. Qəza zamanı “KİA” markalı avtomobildə olan sərnişin Balakən rayon sakini Pərviz Baradov aldığı ağır xəsarətlərdən hadisə yerində ölüb. “KİA” markalı avtomobilin sürücüsü Balakən rayon sakini İlham Taralov, sərnişini Balakən rayon sakini Teymur Layıcov və “BMW” markalı avtomobilin sürücüsü Zaqatala sakini Cavid Bayramov aldıqları müxtəlif dərəcəli bədən xəsarətləri ilə Balakən Rayon Mərkəzi Xəstəxanasına yerləşdiriliblər. Məlumatda bildirilir ki, yaralıların müalicəsi xəstəxananın Cərrahiyyə şöbəsində aparılır, vəziyyətləri orta-ağır qiymətləndirilir. Faktla bağlı araşdırma aparılır...
Published in
XƏBƏRLƏR
Tagged under
Bazar ertəsi, 12 Sentyabr 2022 12:53
Zaqatalada “Sağlam bədəndə sağlam ruh”
Zaqatalada “Sağlam bədəndə sağlam ruh” devizi altında gənclər arasında yarış keçirilib. DİN və Gənclər və İdman Nazirliyinin birgə təşkilatçılığı ilə keçirilən yarışda gənclər kross və gimnastik hərəkətlər növü üzrə bacarılarını nümayiş etdirib. Hər iki idman növü üzrə 1-ci, 2-ci və 3-cü yerə layiq görülən gənclər diplom,medal və hədiyyələrlə mükafatlandırılıb.
Published in
XƏBƏRLƏR
Tagged under
Bazar ertəsi, 12 Sentyabr 2022 12:44
Artıq tərləmədən qurtulmanın yolu! | Həkimcanlı 12.09.2022
Published in
HƏKİMCANLI
Tagged under
Bazar ertəsi, 12 Sentyabr 2022 11:46
Şəhid və qazi övladlarına məktəb ləvazimatları hədiyyə edilib...
Şəkidə yeni dərs ilinin başlanması münasibətilə tədbir keçirilib. Şəki şəhər İcra hakimiyyəti tərəfindən şəhid və qazi övladlarına məktəbli forma və zəruri dərs ləvazimatları hədiyyə olunub. Tədbir Heydər Əliyev Mərkəzində şəhər rəhbərliyinin, şəhid və qazi övladlarının , valideynlər və təhsil işçilərinin iştirakı ilə baş tutub. Çıxış edənlər şəhid ailələrinə, qazilərə göstərilən diqqət və qayğıdan danışıb, qarşıdan gələn yeni tədris ilində məktəblilərə uğurlar arzulayıblar. Ardınca Şəki şəhər 3 saylı Uşaq Musiqi Məktəbinin xor kollettivi maraqlı konsert proqramı ilə çıxış ediblər. Tədbirdə iştirak edən məktəblilərə hədiyyələr və diplomlar verilib.
Published in
XƏBƏRLƏR
Tagged under
Cümə, 09 Sentyabr 2022 13:37
Piyada zolaqları və yol nişanları yenilənir...
Şəki Şəhər Polis Şöbəsinin Dövlət Yol Polisi Bölməsinin və BDYPİ-nin “Siqnal” idarəsinin əməkdaşları yeni dərs ilinin başlanması ilə əlaqədar şəhər ərazisində hərəkətin sıx olduğu küçələrdə, eləcə də təhsil ocaqlarının yerləşdiyi ərazilərdə təhlükəsizlik tədbirləri görür. Azyaşlıların iştirakı ilə baş verə biləcək xoşagəlməz hadisələrin qarşısının alınması istiqamətində görülən tədbirlər zamanı yollarda quraşdırılan köhnə və yararsız vəziyyətdə olan yol nişanları yeniləri ilə əvəz olunub, rəngi solan piyada keçidləri isə yenidən rənglənib. Bundan əlavə, nəqliyyat axınının intensiv olduğu bir neçə küçədə yeni piyada zolaqları da salınıb. Qeyd edək ki, indiyədək Şəki-Zaqatala regionu üzrə 30-dan artıq təhsil müəssisəsi ətrafında "piyada keçidi" üfuqi yol nişanlanma xətti bərpa edilib. Ümumilikdə isə 50-dən artıq məktəb, uşaq bağçası, ali təhsil ocaqlarının ətrafında müvafiq işlərin görülməsi, çatışmayan yol nişanlarının quraşdırılması nəzərdə tutulub.
Published in
XƏBƏRLƏR
Tagged under
Cümə, 09 Sentyabr 2022 13:00
Qaxda “Sağlam bədəndə sağlam ruh”
Qax Olimpiya İdman Kompleksində Daxili İşlər Nazirliyinin İdman Cəmiyyətinin və Gənclər və İdman Nazirliyinin birgə təşkilatçılığı ilə gənclər arasında “Sağlam bədəndə sağlam ruh” devizi altında idmanın kross qaçışı və turnikdə dartınma növləri üzrə respublika yarışlarının rayon mərhələsi keçirilib. Açılış mərasimində çıxış edənlər idmanın inkişafına göstərilən diqqət və qayğıdan bəhs edib. Bildirilib ki, bu cür idman tədbirlərinin gənclərin milli vətənpərvərlik ruhunda tərbiyə edilməsində böyük rolu var. Yeniyetmə və gənc idmançıların nümunəvi çıxışlarından sonra yarışa qatılan 20-25 yaş arasında 60 nəfərədək gənc turnikdə dartınma və müəyyən olunmuş marşrut üzrə 3 min metr məsafəyə kross qaçışında yarışıblar.
Yarışın sonunda hər bir hərəkət üzrə ilk üç yeri tutmuş idmançılar Daxili İşlər Nazirliyinin İdman Cəmiyyəti tərəfindən diplom, medal və qiymətli hədiyyələrlə təltif olunublar.
Published in
XƏBƏRLƏR
Tagged under
Cümə axşamı, 08 Sentyabr 2022 12:42
İctimai iştirakçılıq sahəsində bilik və bacarıqların artırılması...
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi tərəfindən “İctimai iştirakçılıq sahəsində bilik və bacarıqların artırılması” mövzusunda yerli icra hakimiyyəti orqanlarının əməkdaşları və ictimai şura üzvləri üçün təlimlər davam edir. Növbəti təlimlər Şamaxı rayonu, Mədəniyyət Mərkəzində təşkil edilib. Təlimlərdə QHT-lərə Dövlət Dəstəyi Agentliyinin nümayəndəsi, təlimçilər, Şamaxı, Ağsu, Göyçay, Qobustan, Kürdəmir, Ucar üzrə yerli icra hakimiyyətlərinin nümayəndələri, müvafiq şöbənin müdirləri, yerli icra hakimiyyəti yanında fəaliyyət göstərən ictimai şuraların rəhbərləri və üzvləri iştirak ediblər. Çıxış edənlər rayonun sosial-iqtisadi inkişafından, qeyri-hökumət təşkilatlarının keçdiyi inkişaf yolundan, QHT-dövlət münasibətlərindən və bu cür təlimlərin keçirilməsinin səmərəliliyindən bəhs edib. Təlimlər yerli icra hakimiyyəti orqanlarının ictimai iştirakçılıq, İctimai Şuralara seçkilərin təşkili və keçirilməsi prosesi, İctimai Şuraların hüquq və vəzifələri, fəaliyyət çərçivəsi, dövlət orqanlarının ictimai iştirakçılığın təmin olunması ilə bağlı öhdəlikləri sahəsində bilik və bacarıqlarının artırılması məqsədilə təşkil olunub.
Published in
XƏBƏRLƏR
Tagged under
Cümə axşamı, 08 Sentyabr 2022 12:24
Nurkan Mustafaoğlu: "Onu Allaha həvalə etmişik" | Nahara az qala 53-cü veriliş 08.09.2022
Published in
NAHARA AZ QALA
Tagged under
Çərşənbə, 07 Sentyabr 2022 13:26
Şəkidə evsiz qalan 6 nəfərlik ailənin köməyə ehtiyacı var...
Sentyabrın 3-də Şəkinin Vərəzət və Baş Zəyzid kəndlərindən yanğınlar törədilməsi ilə bağlı xəbər vermişdik. Hadisə zamanı yanğınsöndürənlərin səylərinə baxmayaraq 32 yaşlı İmran Balaməmmədova məxsus ümumi sahəsi 242 kv.m olan 5 otaqlı kürsülü evin yanar konstruksiyaları yanıb. Nəticədə ev yaşayış üçün yararsız hala düşüb. Bununla da 6 nəfərdən ibarət ailə müxtəlif yerlərdə gecələməli olur. Dünəndən başlayan aramsız yağışlar isə evsiz qalan ailənin vəziyyətini bir qədər də çətinləşdirib. Xatırladaq ki, yanğında həmçinin ailəyə məxsus "VAZ 2106" markalı avtomobil, tövlə yanıb. Tövlənin içində olan 6 baş iribuynuzlu mal tələf olub.
Published in
XƏBƏRLƏR
Tagged under
