İlk öncə onu qeyd edək ki, bu yeniliklər sayəsində bir çox qurumda növbə gözləməyə artıq ehtiyac qalmayacaq. Vətəndaşlar onlayn şəkildə bütün işlərini həll edə biləcəklər.

Asan Xidmət və Asan kommunal üzərindən “Azərişıq” ASC-nin bütün xidmətləri tam şəkildə elektronlaşıb. Bu, ilk növbədə quruma daxil olan müraciətlərin daha sürətli və şəffaf şəkildə öz həllini tapmasına səbəb olacaq.   

Şəkidə Heydər Əliyev Mərkəzində Yeni Azərbaycan partiyası Şəki rayon təşkilatının yaranmasının 30-cu ildönümünə həsr olunmuş tədbir keçirilib. Mərasimdə şəhər rəhbərliyi, ictimaiyyət nümayəndələri və partiya fəalları iştirak ediblər. Partiyanın Şəki üzrə sədri çıxış edərək Ulu öndər Heydər Əliyevin ideyalarına sadiq insanları birləşdirən Yeni Azərbaycan Partiyasının bu gün ölkəmizdə ən güclü və nüfuzlu siyasi qüvvəyə çevrildiyini bildirib, qazanılan uğurlarda partiyanın sədri, Prezident İlham Əliyevin xidmətlərini xüsusi vurğulayıb.

Tədbirdə çıxış edən Şəki Şəhər İcra Hakimiyyətinin başçısı Yeni Azərbaycan Partiyasının siyasi qüvvə olaraq ölkəmizdə aparılan bütün mütərəqqi və məqsədyönlü işlərin önündə getdiyini, daim Azərbaycan siyasi sisteminə yeniliklər gətirdiyini bildirib. Digər çıxış edənlər də Azərbaycan dövlətçiliyinin formalaşmasında, ictimai-siyasi sabitliyin bərqərar olmasında, ölkəmizin beynəlxalq aləmdə nüfuzunun artmasında Yeni Azərbaycan Partiyasının mühüm rolu və xidmətləri olduğunu bildirib, təşkilat üzvlərinə gələcək fəaliyyətlərində uğurlar arzulayıblar.

Ötən gün axşam saatlarından başlayaraq bu gün səhər saatlarına qədər ölkənin şimal-qərb bölgəsinə aid Şəki və Oğuz rayonlarında fasilələrlə güclü küləkli hava şəraiti hökm sürüb. Güclü külək daha çox Oğuz rayon ərazisində özünü göstərib. Külək səbəbindən rayonun Calut 1 yaşayış massivində irigövdəli ağac aşıb. Nəticədə ərazidən keçən elektrik naqilləri qırılıb.

Bu səbəbdən rayonun Calut-1, Calut-2, Bucaq, Muxas, Baş Daşağıl kəndləri və Malıx yaşayış məntəqələrinə elektrik enerjisinin verilməsində fasilə yaranıb. Güclü külək Oğuz şəhər inzibati ərazisində yerləşən fermaya məxsus alaçığın dam örtüyünü də qoparıb ərazidən keçən elektrik dirəklərinə çırpıb. Bu səbəbdən 4 elektrik dirəyi yıxılıb, naqillər qırılıb. Oğuz şəhərinin bir hissəsinə elektrik enerjisinin verilməsində fasilə yaranıb. Axşam saatlarından Oğuz rayon Paylayıcı Elektrik Şəbəkəsinin əməkdaşları əraziyə ezam edilib, baş vermiş qəzaların aradan qaldırılması istiqamətində işlər aparır. 

Şamaxı rayonunun küçə və meydanlarında Novruz bayramının qarşılanması ilə əlaqədar müvafiq hazırlıq işləri görülüb. Şəhərin girişində müasir işıqlandırma sistemləri tətbiq olunmaqla novruz atributları və baharın gəlişini özündə ehtiva edən digər qurğular quraşdırılıb.

Gündən-günə böyüyüb gözəlləşən qədim Şamaxı Novruz bayramının gəlişi ilə başqa görkəmdədir. Başdan-başa bayram libasına bürünmüş Mirzə Ələkbər Sabirin, İmadəddin Nəsiminin, Seyid Əzim Şirvaninin yurdu Novruz bayramınını qarşılamağa hazırlaşır.

Xalqımızın ən əziz bayramlarından olan Novruzla əlaqədar Şamaxı Şəhər İcra Hakimiyyəti və onun strukturları tərəfindən rayonda müvafiq tədbirlər həyata keçirilir. İlk növbədə rayonun parkı, meydan və küçələrinin bəzədilməsi, burada Novruz atributlarının, işıqlı çilçıraqların və digər bəzəklərin quraşdırılması, eləcə də təmizlik işləri həyata keçirilib. İcra hakimiyyəti tərəfindən 9 metr hündürlüyündə olan səməni rayonun girişində qurulub. Görülən işlər yerli əhali ilə yanaşı, rayona gələn qonaqların da marağına səbəb olub.

Bakı-Şamaxı-Yevlax yolunun Şamaxı rayon ərazisində keçən hissəsində quraşdırılan Novruz atributları yoldan keçənləri belə ayaq saxlamağa vadar edir. Magistraldan yolu keçən hər 3 avtomobildən ikisi bu ərazidə dayanaraq şəkil çəkdirirlər.

Yeni salınmış dairəvi yol ətrafında və Heydər Əliyev Parkında da müasir işıqlandırma sistemləri tətbiq olunmaqla Novruz atributları, əyləncəli qurğular quraşdırılıb. Rayonun çıxışında isə hündürlüyü 5 metr olan səməni quraşdırılıb. Görülən işlər ən çox uşaqların sevincinə səbəb olub.

Qeyd edək ki, Novruz irimiqyaslı bayram kimi yazın gəlişi ilə əlaqədar qeyd olunur və sevincli hadisələri - qışın bitməsini və yazın başlamasını təcəssüm etdirir. Novruzun qeyd edilməsi yeni ilin, yazın ilk gününün qarşılanması anlamına gəlir.