Azərbaycanda keçirilən növbədənkənar prezident seçkiləri artıq başa çatıb Exit-pollun ilkin nəticələrə görə, seçicilərin 93,9 faizi İlham Əliyevə səs verib. Bu münasibətlə Qəbələ şəhərində yerli sakinlər tərəfindən avtoyürüş təşkil edilib. Yürüş şəhərin Elçin Kərimov küçəsindən Heydər Əliyev prospektinə kimi davam edib. Yürüşdə yerli sakinlər İlham Əliyevin seçkilərdəki qələbəsini Azərbaycan bayraqları və səsləndirdikləri şüarlarla qeyd ediblər, şəhərdə dövrə vurublar.

“Exit poll”un nəticələri açıqlanandan sonra Bakıda Dənizkənarı Milli Parkda, eləcə də bölgələrdə Prezident İlham Əliyevə dəstək yürüşü keçirilir. Şamaxıda avtoyürüş keçirilən avtoyürüşdə sürücülər dövlət bayraqları ilə şəhərdə dövrə vururlar.

Bütün ölkə ərazisində olduğu kimi Şəkidə də sakinlər növbədənkənar prezident seçkilərində İlham Əliyevin inamlı qələbəsini bayram əhvali-ruhiyyəsində qeyd edirlər.

Qeyd edək ki, ABŞ-ın “Oracle Advisory Group” təşkilatı, “Rəy” Monitorinq Mərkəzi və Sosioloji Tədqiqatlar Mərkəzi Azərbaycanda keçirilən növbədənkənar prezident seçkilərində apardıqları exit-polların nəticələrini açıqlayıblar. “Oracle Advisory Group” təşkilatı Prezident İlham Əliyevin seçicilərin 93,9 faizinin, “Rəy” Monitorinq Mərkəzi 92,6 faizinin, Sosioloji Tədqiqatlar Mərkəzi isə 92,4 faizinin səsini qazandığını bildiriblər.

Əngəxaran kəndinin ən yaşlı seçicilərindən biri olan 104 yaşlı Mərifət İslamova evinə daşınan seçki qutusunun gətirilməsi üçün müraciət edib istəyib. Onun ərizəsi əsasında evə səyyar seçki qutusu gətirilib və Mərifət İslamova seçdiyi namizədə səs verib. 6 övladı, 20 nəvəsi, 32 nəticəsi olan Mərifət nənə ölkəmizə sülh və əmin-amanlıq arzulayıb. Rayonun digər ən yaşlı seçicisi Şamaxı sakini Matauş Dövlətovadır. O, 1922-ci ildə Şamaxı rayonunda dünyaya göz açıb. Matauş nənə ölkəmizdə keçirilən bütün seçkilərdə fəal iştirak edib. Bu il də növbədənkənar keçirilən prezident seçkilərində öz namizədini seçmək üçün seçki dairəsinə müraciət edib. Daşınan seçki qutusu onun qeydiyyatda olduğu 88 saylı Şamaxı seçki dairəsinin 16 saylı seçki məntəqəsindən yaşadığı ünvana gətirilərək müraciəti təmin olunub. Rayonun Quşçu kənd sakini 1924-cü il təvəllüdlü Səkinə Heybətova ölkəmizdə keçirilən prezident seçkilərində iştirak edib. Səhhəti ilə bağlı seçki məntəqəsənə gedə bilməyən Səkinə nənənin səs verməsi üçün yaşadığı ünvana səsvermə qutusu gətirilib, o da həm yaşıdları kimi əvvləcə öz evində gül-çiçəklə qarşılanıb daha sonra öz istəyi ilə səs verməsi təmin olunub. Bu yaxınlarda 101-yaşını qeyd etməyə hazırlaşan Səkinə nənənin 11 övladı,72 nəvəsi,40 nəticəsi,18 kötücəsi var. Bir neçə dəfədir ki, prezident seçkilərində iştirak edən 100 yaşlı nənə müstəqil şəkildə istədiyi namizədə səs verdiyini deyir. Qeyd edək ki, 88-saylı Şamaxı seçki dairəsi üzrə 51 559 nəfər seçici qeydiyyata alınıb. onlarnadan 131-nəfəri prezident seçkilərində ilkədəfə səs verəcək. Rayon üzrə ən yaşlı seçiciliərin sayı isə 5 nəfərdir.

Şəki penitensiar müəssisəsinin məhbusları 114 saylı Şəki şəhər seçki dairəsinin 45 saylı məntəqəsində səs veriblər. Məntəqədə növbədənkənar prezident seçkisinin şəffaf və demokratik keçirilməsi, komissiya üzvlərinin normal fəaliyyəti üçün hər cür şərait yaradılıb. Xatırladaq ki, məntəqədə səsvermə hüququ olan 971 nəfər qeydiyyatdadır. Seçicilərin 90%-i artıq səsvermə hüququndan istifadə edib.

Bu gün eyni zamanda Şəkidə yerləşən Daxili Qoşunların N saylı hərbi hissəsinin hərbçiləri də seçkilərdə iştirak edirlər. Hərbi hissənin əsgər və zabit heyəti 57 saylı məntəqədə səs veriblər. Qeyd edək ki, hərbçilərin hərbi hissədən kənarda səs vermələrinin digər bir səbəbi də, seçkilərdə şəffaflığı qorumaqdır.

116 saylı Qəbələ Dairə Seçki Komissiyası üzrə 59 məntəqədə 53733 seçicinin səs verməsi gözlənilir. İlk dəfə səs verəcək seçicilərin sayı 3720 nəfərdir. 116 saylı dairə seçki komissiyası üzrə ümumilikdə 9 müşahidə kamerası quraşdırılıb. 2 saylı seçki məntəqəsində prosesi ATƏT-in müşahidəçiləri də izləyir.

Növbədənkənar Prezident seçkilərinin keçirildiyi 7 fevral tarixi həmçinin Şəkinin Oxud kənd sakini Nəbi Abdurahmanlının doğum gününə təsadüf edir. Onun bu gün 18 yaşı tamam olur. Nəbi Abdurahmanlı səsvermə hüququndan istifadə edərək ilk dəfə səsvermədə iştirak edib. Gənc seçicini 114 saylı seçki dairəsi və 31 saylı seçki məntəqəsinin əməkdaşları təbrik edib.