“Rəqəmsallaşma və süni intellektin iş yerlərinə inteqrasiyası” adlı elmi nəzəri konfrans keçirilib.

Şəkidə şəhər 18 nömrəli tam orta məktəbin təşkilatçılığı ilə Şəkidə andan olmuş Azərbaycanın Milli Qəhrəmanları Əhmədiyyə Cəbrayılovun 105 illiyi və oğlu Mikayıl Cəbrayılovun 75 illiyi münasibətilə tədbir keçirilib. Tədbirdə məktəbin kollektivi, mədəniyyət işçiləri, Milli Qəhrəmanın ailə üzvləri və şəhər ictimaiyyəti iştirak edib. Çıxış edənlər Milli Qəhrəmanlarımızın həyat yolundan və qəhrəmanlıqlarından bəhs ediblər. Daha sonra isə şagirdlər vətənpərvərlik ruhunda şeirlər səsləndirib, kompozisiyalar nümayiş ediblər.

Ağsu aşırımında torpaq sürüşməsi nəticəsində dağılan yolun bərpasına başlanılıb. Avtomobil Yolları Dövlət Agentliyinin məlumatına əsasən, ərazidə sürüşmə aktivliyinin davam etdiyini nəzərə alaraq, bərpa işlərinə bu gündən start verilib. Hazırda sürüşmə baş verən hissədə eroziyaya məruz qalan torpaq qatı təmizlənir, əraziyə yeni material tökülür və kipləşdirmə işləri aparılır. Növbəti mərhələdə isə asfaltlama işlərinin həyata keçirilməsi nəzərdə tutulur. Xatırladaq ki, bir neçə gün əvvəl bölgəyə yağan intensiv yağışlardan sonra Bakı-Şamaxı-Yevlax avtomobil yolunun 147-ci kilometrliyində torpaq sürüşməsi baş verib. Nəticədə asfalt qatı yararsız hala düşüb, dərin yarğanlar əmələ gəlib. Bu səbəbdən də sürücülərin hərəkətində müəyyən çətinliklər yaranıb.