Heydər Əliyev Fondu və Elm və Təhsil Nazirliyinin birgə əməkdaşlığı ilə həyata keçirilən “Zəkaların mübarizəsi” olimpiadasının region mərhələsi çərçivəsində Şəkidə 9-11-ci sinif şagirdləri arasında şahmat yarışı keçirilib.

Göyçayın Qarayazı kəndində yas mərasimi zamanı evin eyvanı uçub. Fərahim Vahidova məxsus evin 2-ci mərtəbəsində qadınların oturduğu eyvanın uçması nəticəsində 8 nəfər xəsarət alıb. TƏBİB-dən bildirilib ki, xəsarət alanlar Göyçay Rayon Mərkəzi Xəstəxanasının təcili yardım bölməsinə hospitalizasiya olunub.

Ağsu Aqroparkında müasir kənd təsərrüfatı modelinin tətbiqi ilə bağlı mediatur təşkil olunub. Jurnalistlər aqroparkın fəaliyyəti və innovativ yanaşmalarla yerində tanış olublar. Mediatur zamanı jurnalistlərə təsərrüfatın fəaliyyəti barədə məlumat verilib.

İsmayıllı rayonun Qalıncaq kəndində tövlə yanıb. Hadisə yerinə İsmayıllı rayon Yanğından Mühafizə Hissəsinin yanğınsöndürmə texnikaları cəlb olunub. Yanğın zamanı 49 yaşlı Elsevər Abdulova məxsus tövlənin dam örtüyünün yanar konstruksiyaları, 5 ton ot və bir ədəd iribuynuzlu heyvan yanıb. Tövlənin qalan hissəsi yanğından mühafizə olunub. Fakt araşdırılır.

Şəkidə könüllülərin özünümüdafiə bacarıqlarının artırılması üçün təlim-məşq toplanışı keçirilib. Şəki Olimpiya İdman Kompleksində keçirilən toplanışda məşqçilər Şəki “ASAN Xidmət” kompleksinin könüllülərinə özünümüdafiə təlimi keçirib, onlara özlərini qorumaq üçün xüsusi fənd üsulları öyrədiblər. Daha sonra toplanışda iştirak edən bir qrup şəxs diplom və vəsiqələrlə təltif olunub.

Qaxın Ləkit kəndində, "Mamırlı" şəlaləsi ərazisində dağda baş verən uçqunun fəsadları aradan qaldırılıb. Uçqun səbəbindən əhalinin içməli və suvarma suyunda yaranan fasilə aradan qaldırılıb, yol açılıb...