Hadisə Zaqatala şəhəri ərazisində baş verib. 5 yaşlı Elman Şeyxəliyev- 60 yaşlı Zaqatala şəhər sakini Hacıömər Abbasovun idarə etdiyi “Kamaz” markalı yük avtomobilinin altında qalıb. Hadisə zamanı müxtəlif dərəcəli ağır bədən xəsarətləri alan Elman Şeyxəliyev Zaqatala Rayon Mərkəzi Xəstəxanasının Cərrahiyyə Korpusuna yerləşdirilib. Azyaşlı xəstəxanaya daxil olduqdan bir qədər sonra dünyasını dəyişib. Faktla bağlı Zaqatala Rayon Polis Şöbəsində araşdırma aparılır.

Qəbələdə qətl hadisəsi baş verib. Hadisə Solquca kəndi ərazisində baş verib. Kənd sakini 39 yaşlı Teymur Səfərəliyev münaqişə zəminində həmkəndlisi, 51 yaşlı Dəmir Ayvazovun baş nahiyəsinə dəhrə ilə zərbə endirib. Ağır xəsarət alan 51 yaşlı kişi hadisə yerində ölüb. Teymur Səfərəliyev könüllü olaraq polis şöbəsinə gedərək təslim olub. Faktla bağlı araşdırma aparılır.

Şəkidə M.F.Axundzadə adına Şəki şəhər Mədəniyyət mərkəzinin təşkilatçılığı ilə şəhid Kamal Kamallının anım gününə həsr olunan "Bir ömrün Kamalı" adlı tədbir keçirilib.

Rayon Polis Şöbəsi əməkdaşlarının keçirdikləri əməliyyat zamanı narkotik tərkibli bitkilərin kultivasiyası ilə məşğul olan 46 yaşlı Kamandar İbrahimov saxlanılıb. Onun yaşadığı evin həyətyanı sahəsindən kultivasiya yolu ilə yetişdirdiyi 29 ədəd çətənə kolu aşkar olunub. Saxlanılan şəxs narkotik tərkibli bitkilərə aqrotexniki qulluq göstərərək yetişdirdiyini və qazanc əldə etmək məqsədilə əkdiyini bildirib. Cinayət işi başlanılıb, İbrahimov barəsində məhkəmənin qərarı ilə həbs qətimkan tədbiri seçilib.

Məzunlar üçün "Son Zəng" çalındı...